ಗುಡ್ಡದ ಶ್ರೀ ಗುರು ಮಹಾಂತೇಶ್ವರ ಪುರಾಣ ಮಹಾಂತಪುರ

ಗುಡ್ಡದ ಶ್ರೀ ಗುರು ಮಹಾಂತೇಶ್ವರ ಪುರಾಣ ಮಹಾಂತಪುರ

ಗುರುಶಿಷ್ಯ ಪರಂಪರೆ ಮತ್ತು ಗುಡ್ಡದ ಶ್ರೀ ಗುರು ಮಹಾಂತೇಶ್ವರ ಪುರಾಣ ಮಹಾಂತಪುರ

ವೇದಗಳು, ಉಪನಿಷತ್ತುಗಳು, ಆಗಮಗಳು, ಆರು ಶಾಸ್ತ್ರಗಳು, ಹದಿನೆಂಟು ಪುರಾಣಗಳು — ಇವುಗಳು ಧರ್ಮ, ಸಂಸ್ಕೃತಿ, ಆಚಾರ, ವಿಚಾರ, ಶಿಷ್ಟಾಚಾರ, ಶ್ರದ್ಧಾಭಕ್ತಿ ಇವೆಲ್ಲದರ ಸಾರವನ್ನು ಘಂಟಾಘೋಷವಾಗಿ ಸಾರುತ್ತಲೇ ಬಂದಿವೆ. ಮಾನವ ಸಮಾಜಕ್ಕೆ ಸತತವಾಗಿ ಧರ್ಮದ ದೀಪವನ್ನು ಹಚ್ಚಿದ ಮಹಾನ್ ಪರಂಪರೆ ಎಂದರೆ ಗುರುಶಿಷ್ಯರ ಸಂಬಂಧ

ತ್ರೇತಾಯುಗದಲ್ಲಿ ರಾಮ-ಆಂಜನೇಯರ ಸ್ನೇಹ ಮತ್ತು ಗುರುಭಕ್ತಿ, ವೀರಭದ್ರನಿಂದ ಆಂಜನೇಯ ಲಿಂಗಧಾರಣೆ; ದ್ವಾಪರಯುಗದಲ್ಲಿ ದ್ರೋಣರಿಂದ ತಿರಸ್ಕೃತನಾದ ಏಕಲವ್ಯನು ಮೂರ್ತಿಯನ್ನು ಗುರುವಾಗಿಸಿ ಧನುರ್ಧಾರಿಯಾದ ಕಥೆಗಳು—ಇವೆಲ್ಲವೂ ಗುರುಭಕ್ತಿಯ ಮೈಲಿಗಲ್ಲುಗಳಾಗಿ ನಿಲ್ಲುತ್ತವೆ.

ನಂತರದ ಕಾಲದಲ್ಲಿ ಗುರುಕುಲಗಳು, ವಿಶ್ವವಿದ್ಯಾಲಯಗಳು ವಿದ್ಯಾಭ್ಯಾಸದ ಜೊತೆಗೆ ಧಾರ್ಮಿಕ ಸಂಸ್ಕೃತಿಯನ್ನು ಬೆಳೆಸಿದವು. “ಅರಿವೇ ಗುರು” ಎಂಬ ವೇದಘೋಷವೇ ನಮಗೆಲ್ಲರಿಗೂ ಮಾರ್ಗದೀಪವಾಗಿದೆ.

 ಗುರುಗಳ ಘನತೆ ಮತ್ತು ಪರಂಪರೆ

ಈ ಪರಂಪರೆ ಕಾಲಕ್ರಮದಲ್ಲಿ ಋಷಿಗಳು, ಆಚಾರ್ಯರು, ಶರಣರು, ಸಂತರು, ದಾಸರು, ದಾರ್ಶನಿಕರು, ಕವಿಪುಂಗವರು, ಪೀಠಾಧ್ಯಕ್ಷರು ಮುಂತಾದ ಮಹನೀಯರ ಮೂಲಕ ಹರಿದುಬಂದಿದೆ. ಅವರು ತಮ್ಮ ಜೀವನದ ಮೂಲಕ ಶಿಷ್ಯರಿಗೆ ಧರ್ಮ, ಸಂಸ್ಕೃತಿ, ನಡತೆ, ನುಡಿ, ಕಾಯಕದ ಪಾಠ ಕಲಿಸಿದರು. “ಸರ್ವೇ ಜನಾ: ಸುಖಿನೋಭವಂತು”, “ಧರ್ಮದಿಂದಲೇ ವಿಶ್ವಕ್ಕೆ ಶಾಂತಿ” ಎಂಬ ಘೋಷಣೆಗಳೊಂದಿಗೆ ಸಮಾಜದಲ್ಲಿ ಧರ್ಮಜಾಗೃತಿ ಮೂಡಿಸಿದರು.

ಗುರುವರ್ಗವು ಎಂದಿಗೂ ಸಮಾಜದಲ್ಲಿ ಜಾಗೃತಿ ಮೂಡಿಸುವ ಕಾಯಕದಲ್ಲೇ ನಿರತರಾಗಿದ್ದು, ಇಂತಹ ಜಾಗೃತಿಯ ಮಾರ್ಗದಲ್ಲಿ ಸಾಗಿದವರು ಶರಣ ವಿಠಲ ರಾಜಮಾನೆಯವರು. 

 ಶ್ರೀ ಶರಣ ವಿಠಲ ರಾಜಮಾನೆ

ವಿಜಯಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ಸಿದ್ಧಲಿಂಗನ ಮಹಾಕ್ಷೇತ್ರವಾದ ಲಚ್ಚಾಣ ಗ್ರಾಮದ ಮೂಲದವರು. ಪ್ರಾಥಮಿಕ ವಿದ್ಯಾಭ್ಯಾಸದಲ್ಲಿ ತಮ್ಮ ಗುರುಗಳ ಶಿಷ್ಯರಾಗಿದ್ದವರು. 1969ರಲ್ಲಿ ಶಿಕ್ಷಕ ವೃತ್ತಿ ಆರಂಭಿಸಿ 2002ರಲ್ಲಿ ನಿವೃತ್ತರಾದರು.

ಗುಡ್ಡದ ಮಹಾಂತೇಶ್ವರ ಕ್ಷೇತ್ರದ ಶ್ರೀ ಸಿದ್ಧರಾಮ ಶಿವಾಚಾರ್ಯರಿಂದ ಲಿಂಗದೀಕ್ಷೆ ಪಡೆದು ಗುರುಪುತ್ರರಾಗಿದ್ದು, ನಿವೃತ್ತಿಯ ನಂತರವೂ ನಿರಂತರವಾಗಿ ಗುರುಸೇವೆ ಸಲ್ಲಿಸಿದವರು. ತತ್ವಶಾಸ್ತ್ರದಲ್ಲಿ ಎಮ್.ಎ. ಪದವಿ ಪಡೆದಿರುವ ಇವರು, ಲಿಂಗಪೂಜಾ ನಿಷ್ಠರು, ತ್ರಿಕಾಲ ಪೂಜಾಧಾರಿಗಳು. ಕೃಷಿ, ಗೋಸೇವೆ, ನಾಟಿ ಔಷಧ ಸಾಧನೆ—ಇವೆಲ್ಲವೂ ಅವರ ಪ್ರತಿಬಿಂಬಿಸುತ್ತದೆ. ಚಿಣಮಗೇರಿ ಗುಡ್ಡದಲ್ಲಿ ಅವರು ಲಿಂಗೈಕ್ಯರಾಗಿದ್ದು ಮಠದ ಆವರಣದಲ್ಲಿಯೇ ಅವರ ಸಮಾಧಿ ಇದೆ. ಇವರು ನವೃತ್ತಿ ನಂತರ ಪೂರ್ತಿಯಾಗಿ ತಮ್ಮ ಜೀವನವನ್ನೇ ಆಧ್ಯಾತ್ಮಿಕವಾಗಿ ಮೀಸಲಿಟ್ಟಿದ್ದರು ಎಂದು ತಿಳಿದು ಬರುತ್ತದೆ.

ಸಾಧನೆಯ ವಿವಿಧ ಮುಖಗಳು.

ಅವರ ಸರಳ-ಸಾದಾ ಜೀವನ, ಆಧ್ಯಾತ್ಮಿಕ ವಿರಕ್ತಿ, ಸಮಾಜಮುಖಿ ಕಾಯಕ—ಇವೆಲ್ಲವೂ ಅವನನ್ನು ನಿಜವಾದವನನ್ನಾಗಿ ಮಾಡುತ್ತವೆ.

 ಶರಣ. ಈಗಾಗಲೇ ನಾಲ್ಕು ಪುಸ್ತಕಗಳನ್ನು ಪ್ರಕಟಿಸಿರುವ ಇವರು, ಐದನೇ ಕೃತಿಯಾಗಿ “ಗುಡ್ಡದ ಶ್ರೀ ಗುರು ಮಹಾಂತೇಶ್ವರ ಪುರಾಣ ಮಹಾಂತಪುರ” ಎಂಬ ಗ್ರಂಥವನ್ನು ಜನರಿಗೆ ಅರ್ಪಿಸಿದ್ದಾರೆ.

 ಪುಸ್ತಕದ ಕುರಿತು

ಪುಸ್ತಕದ ಹೆಸರು ಗುಡ್ಡದ ಶ್ರೀ ಗುರು ಮಹಾಂತೇಶ್ವರ ಪುರಾಣ ಮಹಾಂತಪುರ

ಲೇಖಕರು: ಶ್ರೀ ಶರಣ ವಿಠಲ ರಾಜಮಾನೆ

ಪ್ರಕಾಶಕರು: ಅವ್ವ ಪ್ರಕಾಶನ, ಚೌಡಾಪುರ

ಮುದ್ರಣ: 2019

ಪುಟಗಳು: 160

ಆಕಾರ: 18 ಸೈಜ್ ಡೆಮ್ಮಿ

ಬೆಲೆ: ರೂ. 150/-

ಕಾಗದ ಗುಣಮಟ್ಟ: ಬಿಳಿ ಹಾಳೆ, 70 GSM

ಈ ಕೃತಿಯಲ್ಲಿ ಗುರು ಮಹಾಂತೇಶ್ವರರ ಜೀವನಗಾಥೆ, ಆಧ್ಯಾತ್ಮಿಕ ಸಾಧನೆ, ಸಿದ್ಧಿಗಳು, ಧರ್ಮಸೇವಾ ಚಟುವಟಿಕೆಗಳನ್ನು ಭಾವಪೂರ್ಣವಾಗಿ ನಿರೂಪಿಸಲಾಗಿದೆ. ಅಷ್ಟಮಾ ಸಿದ್ಧಿಗಳ ವಿವರ, ಅಜಾಂಡ್ಯ ದೈತ್ಯನ ವಶೀಕರಣ, ಪ್ರಸಾದ ಪರೀಕ್ಷೆಯ ಘಟನೆ, ಶರ್ಯತ್ತಿನ ಸಮಯದ ಧೈರ್ಯ—ಎಲ್ಲವೂ ಓದುವಿಕೆಯೊಂದಿಗೆ ಬೆರೆತುಹೋಗಿವೆ

ಲೇಖಕರು ತಮ್ಮ ಬರವಣಿಗೆಯೆಲ್ಲೆಡೆ “ಗುರುನಿಷ್ಠೆ” ಎಂಬ ಕೇಂದ್ರೀಯ ತತ್ವವನ್ನು ಶ್ರದ್ಧಾಭಕ್ತಿಯಿಂದ ಪ್ರತಿಬಿಂಬಿಸಿದ್ದಾರೆ. ಈ ಕಾರಣದಿಂದಲೇ ಕೃತಿಯ ಪ್ರತಿಯೊಂದು ಅಧ್ಯಾಯವೂ ಓದುಗರ ಮನಸ್ಸನ್ನು ಆಕರ್ಷಿಸುತ್ತದೆ.

- ವಿಶೇಷತೆಗಳು

* ಗುರುಶಿಷ್ಯ ಪರಂಪರೆಯ ಮಹತ್ವವನ್ನು ಜೀವಂತವಾಗಿ ತೋರಿಸುವುದು.

* ಧರ್ಮ, ಶಿಸ್ತಾಚಾರ, ಭಕ್ತಿ—ಎಲ್ಲವೂ ಓದುವಿಕೆಯೊಂದಿಗೆ ಬೆರೆತುಹೋಗಿವೆ

* ಲೇಖಕರ ಭಾಷೆ ಸರಳ, ಭಾವಗರ್ಭಿತ, ನಿಷ್ಠಾವಂತ.

* ಕೃತಿ ಆಧ್ಯಾತ್ಮಿಕ ಮಾರ್ಗದರ್ಶನದ ಜೊತೆಗೆ ಸಾಮಾಜಿಕ ಸಂದೇಶವನ್ನೂ ನೀಡಿದ್ದಾರೆ.

“ಗುಡ್ಡದ ಶ್ರೀ ಗುರು ಮಹಾಂತೇಶ್ವರ ಪುರಾಣ ಮಹಾಂತಪುರ” ಕೃತಿ ಕೇವಲ ಪುರಾಣವಲ್ಲ; ಇದು ಗುರುನಿಷ್ಠೆಯ ಮಹಾಗಾನ, ಶರಣಸಂಸ್ಕೃತಿಯ ಪ್ರತಿಧ್ವನಿ, ಹಾಗೂ ಮಾನವೀಯ ಮೌಲ್ಯಗಳ ಕಾವ್ಯ. ಶರಣ ವಿಠಲ ರಾಜಮಾನೆಯವರ ಸಾಧನೆಯ ಪ್ರತಿಬಿಂಬವೂ ಆಗಿರುವ ಈ ಗ್ರಂಥ, ಧಾರ್ಮಿಕ ಸಾಹಿತ್ಯಪ್ರಪಂಚಕ್ಕೆ ಅಮೂಲ್ಯ ಕೊಡುಗೆ.

ಈ ಕೃತಿಯನ್ನು ಪ್ರತಿ ಓದುಗನೂ ಓದಬೇಕಾದ ಧಾರ್ಮಿಕ-ಆಧ್ಯಾತ್ಮಿಕ ಗ್ರಂಥ ಎಂದು ಹೇಳಬಹುದು.

ಲೇಖಕ ಶರಣಗೌಡ ಪಾಟೀಲ ಪಾಳಾ