ಸಹೃದಯಿ ಕವಿ ಅಟಲ್ ಬಿಹಾರಿ ವಾಜಪೇಯಿ

ಸಹೃದಯಿ ಕವಿ ಅಟಲ್ ಬಿಹಾರಿ ವಾಜಪೇಯಿ  

ಭಾರತ ಕಂಡ ಶ್ರೇಷ್ಠ ಪ್ರಧಾನಿಗಳಲ್ಲಿ ಒಬ್ಬರಾದ ಅಟಲ್ ಬಿಹಾರಿ ವಾಜಪೇಯಿ, ಶ್ರೇಷ್ಠ ಸಂಸದೀಯ ಪಟು, ವಾಗ್ಮಿ, ನೇತಾರ ಮತ್ತು ಜನಪ್ರಿಯ ಜನನಾಯಕನಾಗಿದ್ದರು. ಅವರು ಮೂರು ಬಾರಿ ಪ್ರಧಾನಮಂತ್ರಿಯಾಗಿ, ವಿರೋಧ ಪಕ್ಷದ ನಾಯಕರಾಗಿ, ಹಾಗೂ ಸಂಸದೀಯ ಪಟುವಾಗಿ ದೇಶದ ಸೇವೆ ಸಲ್ಲಿಸಿದರು.  

ಸರಳತೆ, ಸಬ್ಯತೆ, ಮತ್ತು ಹಾಸ್ಯಪ್ರಜ್ಞೆ ಅವರ ವ್ಯಕ್ತಿತ್ವದ ಪ್ರಮುಖ ಅಂಶಗಳು. ತಮ್ಮ ನಡೆ-ನುಡಿಗಳ ಮೂಲಕ ಜನಪ್ರಿಯತೆಯನ್ನು ಗಳಿಸಿದ ವಾಜಪೇಯಿ, ರಾಜಕೀಯದ ಜೊತೆಗೆ ಸಾಹಿತ್ಯ ಮತ್ತು ಪತ್ರಿಕೋದ್ಯಮದಲ್ಲಿಯೂ ಅಪಾರ ಸಾಧನೆ ಮಾಡಿದ್ದಾರೆ. ಅವರು 'ರಾಷ್ಟ್ರಧರ್ಮ', 'ಪಾಂಚಜನ್ಯ', 'ಸ್ವದೇಶ' ಮತ್ತು 'ವೀರ ಅರ್ಜುನ' ಮುಂತಾದ ಪತ್ರಿಕೆಗಳಲ್ಲಿ ಸಂಪಾದಕರಾಗಿ ಸೇವೆ ಸಲ್ಲಿಸಿದ್ದಾರೆ.  

ತುರ್ತು ಪರಿಸ್ಥಿತಿಯ ಸಂದರ್ಭದಲ್ಲಿ ಸೆರೆಮನೆಯಲ್ಲಿದ್ದಾಗ "ಮೇರಿ ಇಕ್ಯಾವನ್ ಕವಿತಾಯೆ", "ಸಂಕಲ್ಪ ಕಾಲ ಖೈದಿ"** ಮತ್ತು "ಕವಿರಾಜ ಕೆ ಕುಂಡಲಿಯಾ" ಮುಂತಾದ ಕವನ ಸಂಕಲನಗಳನ್ನು ರಚಿಸಿದರು. ಇವುಗಳಿಗೆ "ಜನಸಂಘ ಔರ ಮುಸಲ್ಮಾನ" ಮತ್ತು "ಸಂಸದ ಮೇ ತೀನ ಶತಕ" ಮುಂತಾದ ಕೃತಿಗಳು ಸೇರ್ಪಡೆಯಾಗಿವೆ.  

ರಾಜಕೀಯ ಸಾಧನೆಗಳು

ಪ್ರಧಾನಿಯಾಗಿ ಅಧಿಕಾರವಹಿಸಿದ ವಾಜಪೇಯಿ, ಕಾರ್ಗಿಲ್ ಯುದ್ಧದಲ್ಲಿ ಭಾರತೀಯ ಸೇನೆಯನ್ನು ಯಶಸ್ವಿಯಾಗಿ ಮುನ್ನಡೆಸಿ ವಿಜಯಪತಾಕೆ ಹಾರಿಸಿದರು. ಶಾಂತಿ ಸ್ಥಾಪನೆಗಾಗಿ ಭಾರತ-ಪಾಕಿಸ್ತಾನ ಬಸ್ ಸೇವೆ (ಲಾಹೋರ್ ಬಸ್ ಯಾತ್ರೆ) ಆರಂಭಿಸಿದುದು ದ್ವಿಪಕ್ಷೀಯ ಸ್ನೇಹಕ್ಕೆ ಹೊಸ ದಾರಿ ತೋರಿಸಿತು. ಇದನ್ನು ಶಾಂತಿಯ ಸಂಕೇತವಾಗಿ ಪರಿಗಣಿಸಲಾಗಿತ್ತು.  

ಆರ್ಥಿಕ ಅಭಿವೃದ್ಧಿಗೆ ಒತ್ತು ಕೊಟ್ಟು, ಬಡಜನರ ಸಬಲೀಕರಣ ಮತ್ತು ಗ್ರಾಮೀಣ ಅಭಿವೃದ್ಧಿಗೆ ಗಂಭೀರ ಪ್ರಾಮುಖ್ಯತೆ ನೀಡಿದರು. ಪ್ರಧಾನಮಂತ್ರಿ ಗ್ರಾಮ ಸಡಕ ಯೋಜನೆ ಮತ್ತು ಸರ್ವಶಿಕ್ಷಣ ಅಭಿಯಾನಎಂಬ ಮಹತ್ವದ ಯೋಜನೆಗಳ ಮೂಲಕ ದೇಶದ ಪ್ರಗತಿಯಲ್ಲಿ ತಮ್ಮ ಅಸ್ಥಿತ್ವವನ್ನು ಸದಾ ಉಳಿಸಿಕೊಂಡಿದ್ದಾರೆ.  

ವಾಜಪೇಯಿ ವಿಶ್ವ ವೇದಿಕೆಯ ಮೇಲೆ ಭಾರತದ ಹೆಮ್ಮೆಯನ್ನು ಉನ್ನತ ಮಟ್ಟಕ್ಕೆ ಕೊಂಡೊಯ್ದರು. ಸಂಯುಕ್ತ ರಾಷ್ಟ್ರ ಸಂಸ್ಥೆಯಲ್ಲಿ ಹಿಂದಿಯಲ್ಲಿ ಭಾಷಣ ನೀಡುವ ಮೂಲಕ ಭಾರತೀಯ ಭಾಷೆಗೆ ಅಂತರಾಷ್ಟ್ರೀಯ ಗೌರವ ತಂದರು. ಪೋಖ್ರಾನ್ ಅಣ್ವಸ್ತ್ರ ಪರೀಕ್ಷೆ ನಡೆಸಿ ಭಾರತ ತನ್ನ ತಾಂತ್ರಿಕ ಶಕ್ತಿಯನ್ನು ವಿಶ್ವಕ್ಕೆ ತೋರಿಸಿತು.  

ಗೌರವ ಮತ್ತು ಪ್ರಶಸ್ತಿಗಳು

ಅಟಲ್ ಬಿಹಾರಿ ವಾಜಪೇಯಿ ಅವರ ಸೇವೆಯನ್ನು ಗುರುತಿಸಿ, 2015ರಲ್ಲಿ ಭಾರತ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಈ ಮೂಲಕ ಅವರು ದೇಶದ ಅತ್ಯುನ್ನತ ಗೌರವಕ್ಕೆ ಪಾತ್ರರಾದರು. ಪದ್ಮವಿಭೂಷಣ, ಲೋಕಮಾನ್ಯ ತಿಲಕ್ ಪ್ರಶಸ್ತಿ,ಮತ್ತು ಬಾಂಗ್ಲಾದೇಶ ವಿಮೋಚನಾ ಯುದ್ಧ ಪ್ರಶಸ್ತಿ ಮುಂತಾದ ಅನೇಕ ಗೌರವಗಳು ಅವರ ಶ್ರೇಯಸ್ಸಿಗೆ ಸೇರ್ಪಡೆಯಾದವು.

ಅಟಲ್ ವಿರಾಸಾತ್ – ಕವಿತಾ ಸಂಗ್ರಹ

ವಾಜಪೇಯಿಯವರ ಜನ್ಮ ಶತಮಾನೋತ್ಸವದ ಅಂಗವಾಗಿ, ಬೀದರ ಜಿಲ್ಲಾ ಭಾರತೀಯ ಜನತಾ ಪಕ್ಷದ ವತಿಯಿಂದ ಡಾ. ಶ್ರೇಯ ಮಹೇಂದ್ರಕರ ಮತ್ತು ಸ್ವರೂಪರಾಣಿ ನಾಗೂರೆ ಅವರ ಸಂಪಾದಕತ್ವದಲ್ಲಿ "ಅಟಲ್ ವಿರಾಸಾತ್"ಎಂಬ ಕವನ ಸಂಕಲನವನ್ನು ಬಿಡುಗಡೆ ಮಾಡಲಾಗಿದೆ. ಈ ಸಂಕಲನದಲ್ಲಿ 50 ಕ್ಕೂ ಅಧಿಕ ಕವಿಗಳ ಕವಿತೆಗಳು ಅಡಕವಾಗಿವೆ.  

ಈ ಕವನ ಸಂಕಲನದ ಬಿಡುಗಡೆ ಸಮಾರಂಭವು ಡಾ. ಶೈಲೇಂದ್ರ ಬೆಲ್ದಾಳೆ ಅವರ ನೇತೃತ್ವದಲ್ಲಿ ನೆರವೇರಿತು. ಈ ಸಂದರ್ಭದಲ್ಲಿ ಸೋಮನಾಥ ಪಾಟೀಲ, ಸುರೇಶ ಚೆನ್ನಶೆಟ್ಟಿ, ಶಿವಕುಮಾರ ಕಟ್ಟೆ, ಶಿವಶಂಕರ ಟೋಕರೇ, ಸಂಗಮೇಶ ಜಾಂತೆ ಸೇರಿದಂತೆ ಅನೇಕ ಗಣ್ಯರು ಉಪಸ್ಥಿತರಿದ್ದರು. ಓಂಕಾರ ಪಾಟೀಲ, ಎಂ.ಜಿ. ದೇಶಪಾಂಡೆ, ಜಯದೇವಿ ಯದಲಾಪುರೆ, ನಿರಹಂಕಾರ ಬಂಡಿ, ರಮೇಶ ಬಿರಾದಾರ, ಅರವಿಂದ ಕುಲಕರ್ಣಿ, ವೀರಭದ್ರಪ್ಪ ಉಪ್ಪಿನ** ಮುಂತಾದವರು ತಮ್ಮ ಸ್ವರಚಿತ ಕವನ ವಾಚನ ಮಾಡಿದರು. ಕಾರ್ಯಕ್ರಮದ ನಿರೂಪಣೆಯನ್ನು **ಡಾ. ಶ್ರೇಯನಡೆಸಿಕೊಟ್ಟರು.  

- ಓಂಕಾರ ಪಾಟೀಲ  

ಕಾರ್ಯದರ್ಶಿ, ಜಿಲ್ಲಾ ಮಕ್ಕಳ ಸಾಹಿತ್ಯ ಪರಿಷತ್, ಬೀದರ  

(ಮೋ. 6360413933)