ಜಾಮರ್ ಸಾಧನದಿಂದ ಗ್ರಾಮಗಳಲ್ಲಿ ನೆಟ್ವರ್ಕ್ ತೊಂದರೆ – ಸಮಸ್ಯೆ ಬಗೆಹರಿಸದಿದ್ದರೆ ರಸ್ತೆ ತಡೆ ಎಚ್ಚರಿಕೆ"
kkeditor
ಕೇಂದ್ರ ಕಾರಾಗೃಹ ಕಲಬುರ್ಗಿಯಲ್ಲಿ ಅಳವಡಿಸಲಾದ ಜಾಮರ್ ಸಾಧನದಿಂದ ಸೀತನೂರ್, ಪಾಣೆಗಾಂವ್ ಹಾಗೂ ನಂದಿಕೂರ ಗ್ರಾಮಗಳಲ್ಲಿ ಮೊಬೈಲ್ ನೆಟ್ವರ್ಕ್ ಸಮಸ್ಯೆ – ತಕ್ಷಣದ ಪರಿಹಾರದ ಅವಶ್ಯಕತೆ
ಕಲಬುರ್ಗಿ:ಕೇಂದ್ರ ಕಾರಾಗೃಹ ಕಲಬುರ್ಗಿಯಲ್ಲಿ ಅಳವಡಿಸಲಾದ ಜಾಮರ್ ಸಾಧನೆಯ ವ್ಯಾಪ್ತಿ ಸೀತನೂರ್, ಪಾಣೆಗಾಂವ್ ಮತ್ತು ನಂದಿಕೂರ ಗ್ರಾಮಗಳಿಗೆ ವಿಸ್ತರಿಸಿದ್ದು, ಈ ಪ್ರದೇಶದ ಜನತೆ ಮೊಬೈಲ್ ಸೇವೆಗೆ ಸಂಪೂರ್ಣವಾಗಿ ವಂಚಿತರಾಗಿದ್ದಾರೆ. ಗ್ರಾಮಸ್ಥರು ಕರೆ ಮಾಡಲು ಅಥವಾ ಕರೆ ಸ್ವೀಕರಿಸಲು ಸಾಧ್ಯವಾಗುತ್ತಿಲ್ಲ.
ಸೀತನೂರ್ ಗ್ರಾಮದಲ್ಲಿ "ನೆಟ್ವರ್ಕ್ ಬ್ಯುಸಿ" ಎಂದು ತೋರಿಸುತ್ತಿದ್ದು, ಜನರಲ್ಲಿ ತಮ್ಮನ್ನು ಉದ್ದೇಶಪೂರ್ವಕವಾಗಿ ಕಡೆಗಣಿಸಲಾಗಿದೆ ಎಂಬ ಗೊಂದಲ ಉಂಟಾಗುತ್ತಿದೆ. ಈ ತೊಂದರೆಗಳಿಂದಾಗಿ ಗ್ರಾಮಸ್ಥರು ತಮ್ಮ ಬಂಧುಗಳು, ಸ್ನೇಹಿತರು, ಅಧಿಕಾರಿಗಳು ಹಾಗೂ ವಿದೇಶಗಳಿಂದ ಕರೆ ಮಾಡುವವರೊಂದಿಗೆ ಸಂಪರ್ಕ ಸಾಧಿಸಲು ವಿಫಲವಾಗುತ್ತಿದ್ದಾರೆ.
ಈ ಹಿನ್ನೆಲೆ ಎದುರಿಸಿ, ಗ್ರಾಮಸ್ಥರು ಕೇಂದ್ರ ಕಾರಾಗೃಹದ ಮುಖ್ಯ ಅಧಿಕ್ಷರಾದ ಡಾ. ಅನಿತಾ ಮೇಡಂ ಅವರಿಗೆ ಜಾಮರ್ ಸಾಧನದ ವ್ಯಾಪ್ತಿಯನ್ನು ತಕ್ಷಣವಾಗಿ ಕಡಿಮೆ ಮಾಡುವಂತೆ ಮನವಿ ಸಲ್ಲಿಸಿದ್ದಾರೆ. ಈ ದೂರು ಸ್ಪಂದಿಸಲಿಲ್ಲವೆಂದರೆ, ದಿನಾಂಕ **26.05.2025 ರಂದು ರಾಷ್ಟ್ರೀಯ ಹೆದ್ದಾರಿ 50 ರಲ್ಲಿ ಕೇಂದ್ರ ಕಾರಾಗೃಹದ ಎದುರು ರಸ್ತೆ ತಡೆ (ರಸ್ತಾರೋಖೋ)** ಹಮ್ಮಿಕೊಳ್ಳಲಾಗುವುದು ಎಂಬ ಎಚ್ಚರಿಕೆಯನ್ನು ಗ್ರಾಮಸ್ಥರು ನೀಡಿದ್ದಾರೆ.
ಈ ಹೋರಾಟದ ನೇತೃತ್ವವನ್ನು ಹಾಲಿ ಮತ್ತು ಮಾಜಿ ಗ್ರಾಮ ಪಂಚಾಯತ್ ಸದಸ್ಯರು ಸೇರಿದಂತೆ:
* ಪವನ್ ಕುಮಾರ್ ಬಿ ವಳಕೇರಿ (ಮಾಜಿ ಅಧ್ಯಕ್ಷರು, ಗ್ರಾ.ಪಂ. ನಂದಿಕೂರ),
* ಶಂಕರ್ ಕರಬಾರಿ, ನಾಗೇಶ್ ಡಿ ಮುಚಖೇಡ (ಖಣದಾಳ ಗ್ರಾ.ಪಂ. ಸದಸ್ಯರು),
* ಶರಣಯ್ಯ ಸ್ವಾಮಿ (ಸೀತನೂರ್),
* ಹುಸೇನ್ ಸಾಬ್ ಮೌಜನ್ (ಖಣದಾಳ),
* ವೀರಯ್ಯಸ್ವಾಮಿ (ಪಾಣೆಗಾಂವ್),
* ಕಲ್ಯಾಣರಾವ್ ಪಾಟೀಲ್
ಮತ್ತು ವಿವಿಧ ಗ್ರಾಮಸ್ಥರು ಮಾಡುತ್ತಿದ್ದಾರೆ.
ತಕ್ಷಣದ ಪರಿಹಾರಕ್ಕೆ ಒತ್ತಾಯಿಸಲಾಗಿದೆ
