ವಾಡಿಯಲ್ಲಿ ಮತ್ತೆ ನೀರಿನ ಸಮಸ್ಯೆ: ಜನತೆ ತತ್ತರಿಸಿದ ಸ್ಥಿತಿ: ವೀರಣ್ಣ ಯಾರಿ

ವಾಡಿಯಲ್ಲಿ ಮತ್ತೆ ನೀರಿನ ಸಮಸ್ಯೆ: ಜನತೆ ತತ್ತರಿಸಿದ ಸ್ಥಿತಿ: ವೀರಣ್ಣ ಯಾರಿ

ವಾಡಿ: ಪಟ್ಟಣದಲ್ಲಿ ಕಳೆದ ಒಂದು ವಾರದಿಂದ ಕುಡಿಯಲು ಹಾಗೂ ಬಳಕೆಗೆ ನೀರು ಸಿಕ್ಕದೇ ಜನತೆ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಸಾರ್ವಜನಿಕರು ಹಲವು ಬಾರಿ ಪುರಸಭೆಯ ಅಧಿಕಾರಿಗಳ ಗಮನಕ್ಕೆ, ತಂದರು ಅವರಿಂದ 'ಪೈಪ್ ಲೈನ್ ಸಮಸ್ಯೆ' ಎಂಬ ಹಳೆಯ ಉತ್ತರವೇ ಸಿಕ್ಕುತ್ತಿದೆ. ಈ ಕುರಿತು ಬಿಜೆಪಿ ಪಟ್ಟಣ ಘಟಕದ ಅಧ್ಯಕ್ಷ ವೀರಣ್ಣ ಯಾರಿ ಅವರು ಸೇಡಂ ಸಹಾಯಕ ಆಯುಕ್ತರಿಗೆ ಪತ್ರ ಬರೆದಿದ್ದು, ಪುರಸಭೆಯ ಅಧಿಕಾರಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.

ವಾಡಿಯಲ್ಲಿ ಸುಮಾರು 55,000 ಜನಸಂಖ್ಯೆ ಇರುವುದರಿಂದ ಇಂತಹ ಸಮಸ್ಯೆ ಬರಬಾರದು ಎಂಬುದು ಜನತೆಯ ಬೇಡಿಕೆ. ಇಂಗಳಗಿ ಯಿಂದ ಎಸಿಸಿ ಕಂಪನಿಯ ಪೈಪ್ ಲೈನ್‌ಗೆ ಸಂಪರ್ಕ ಕಲ್ಪಿಸುವ ಸಲುವಾಗಿ ಮೂರು ವರ್ಷಗಳ ಹಿಂದೆ 50 ಲಕ್ಷ ರೂಪಾಯಿ ವೆಚ್ಚದಲ್ಲಿ ಹೊಸ ಪೈಪ್ ಲೈನ್ ಅಳವಡಿಸಲಾಗಿತ್ತು. ಆದರೆ ಇದನ್ನು ಇನ್ನೂ ಉಪಯೋಗಕ್ಕೆ ತರದೆ ಹಳೆ ವ್ಯವಸ್ಥೆಯಲ್ಲಿಯೇ ಮುಂದುವರೆಯುತ್ತಿರುವ ಪುರಸಭೆ, ಜನರಲ್ಲಿ ಅಸಹನೆಗೆ ಕಾರಣವಾಗಿದೆ.

ಪ್ರತಿ ದಿನ ನೀರು ನೀಡಲು ವಿಫಲವಾಗುತ್ತಿರುವ ಪುರಸಭೆ, ಮೋಟಾರ್ ಪಂಪ್‌ಗಳ ರಿಪೇರಿ, ಹೊಸ ಖರೀದಿಗಳ ಹೆಸರಲ್ಲಿ ಲಕ್ಷಾಂತರ ರೂಪಾಯಿ ಖರ್ಚು ಮಾಡುತ್ತಿದೆ. ಈ ಕುರಿತು ಜಿಲ್ಲಾಧಿಕಾರಿ ಸೇರಿದಂತೆ ಹಲವು ಉನ್ನತ ಅಧಿಕಾರಿಗಳಿಗೆ ದೂರು ನೀಡಿದರೂ ಯಾವುದೇ ಪ್ರಯೋಜನವಿಲ್ಲ. ಬೇಸಿಗೆ ತೀವ್ರವಾಗಿರುವ ಈ ಕಾಲದಲ್ಲಿ ಎರಡು ನದಿಗಳ ನಡುವೆಯೇ ಇರುವುದು ಸತ್ತಿದಂತಿದೆ. 

ಅದೃಷ್ಟವಶಾತ್ ಎಸಿಸಿ ಹಾಗೂ ರೈಲ್ವೆ ಕಾಲೋನಿಯಲ್ಲಿ ನೀರಿನ ಸಮಸ್ಯೆ ಇಲ್ಲದಾಗ, ಪುರಸಭೆ ವ್ಯಾಪ್ತಿಯಲ್ಲಿಯೇ ಮಾತ್ರ ನಿರಂತರವಾಗಿ ಈ ಸಮಸ್ಯೆ ಕಾಣಿಸಿಕೊಂಡಿರುವುದು ಜನತೆ ಬೈಸಾಟಿಗೆ ಕಾರಣವಾಗಿದೆ. ಈ ಬಗ್ಗೆ ಸಂಬಂಧಿತ ಅಧಿಕಾರಿಗಳು ಗಂಭೀರವಾಗಿ ಪರಿಗಣಿಸಿ ತ್ವರಿತವಾಗಿ ಕ್ರಮಕೈಗೊಳ್ಳಬೇಕೆಂದು ವೀರಣ್ಣ ಯಾರಿ ಅವರು ಆಗ್ರಹಿಸಿದ್ದಾರೆ. 

– KKP ನ್ಯೂಸ್, ವಾಡಿ