ಶಿವಚಲಪ್ಪಾ ಕರಜಗಿ : ನಿವೃತ್ತ ಶಿಕ್ಷಕ, ಸಮಾಜಸೇವಕರ ನಿಧನ
kkeditor
ಶಿವಚಲಪ್ಪಾ ಕರಜಗಿ : ನಿವೃತ್ತ ಶಿಕ್ಷಕ, ಸಮಾಜಸೇವಕರ ನಿಧನ
ಲೋನಿ ಬಿ.ಕೆ ಗ್ರಾಮದ ಹಿರಿಯ ನಿವೃತ್ತ ಶಿಕ್ಷಕ, ಸಮಾಜಸೇವಕ ಹಾಗೂ ಕೈಮಗ್ಗ ಸಹಕಾರಿ ಸಂಘದ ಸದಸ್ಯರಾದ ಶಿವಚಲಪ್ಪಾ ರೇವಪ್ಪ ಕರಜಗಿ ಇಂದು ಬೆಳಿಗ್ಗೆ 10 ಗಂಟೆಗೆ ಶಿವೈಕ್ಯರಾಗಿದ್ದಾರೆ. 78 ವರ್ಷ ವಯಸ್ಸಾಗಿದ್ದ ಅವರು ಪತ್ನಿ, ಇಬ್ಬರು ಗಂಡು ಮಕ್ಕಳು, ಇಬ್ಬರು ಹೆಣ್ಣು ಮಕ್ಕಳು ಸೇರಿದಂತೆ ಅಪಾರ ಬಂಧುಬಳಗವನ್ನು ಬಿಟ್ಟು ಅಗಲಿದ್ದಾರೆ.
ಅಂತ್ಯ ಸಂಸ್ಕಾರಗಳು ನಿನ್ನೆ ಸಂಜೆ 5.45 ಗಂಟೆಗೆ ಅವರ ಸ್ವಂತ ಗ್ರಾಮವಾದ ಲೋನಿ ಬಿ.ಕೆ ಯಲ್ಲಿರುವ ಹಿಂದೂ ರುದ್ರಭೂಮಿಯಲ್ಲಿ ನೆರವೇರಿತು.
ಮೃತರು ಲೋನಿ ಬಿ.ಕೆ ಮೂಲದವರಾಗಿದ್ದು, 10ನೇ ತರಗತಿ ಶಿಕ್ಷಣ ಪೂರ್ಣಗೊಳಿಸಿದ್ದರು. ಗ್ರಾಮದಲ್ಲಿರುವ ಶಿಕ್ಷಣ ಸಂಸ್ಥೆಯಲ್ಲಿ ಸಾಹುಕಾರ ವಡನಾಡಿಯಾಗಿ ಕಾರ್ಯನಿರ್ವಹಿಸಿ, ಅದೇ ಸಂಸ್ಥೆಯಲ್ಲಿ ಸುಮಾರು 40 ವರ್ಷಗಳ ಕಾಲ ಸೇವೆ ಸಲ್ಲಿಸಿದರು. ತಮ್ಮ ಸೇವಾ ಅವಧಿಯಲ್ಲಿ ಸಾವಿರಾರು ವಿದ್ಯಾರ್ಥಿಗಳಿಗೆ ಗುಣಮಟ್ಟದ ಶಿಕ್ಷಣ ಪಡೆಯಲು ಮಾರ್ಗದರ್ಶನ ನೀಡಿ, ಶಿಸ್ತು ಹಾಗೂ ಸಂಸ್ಕಾರದ ಬಿತ್ತನೆ ಮಾಡಿದರು.
ನಿವೃತ್ತಿ ನಂತರವೂ ಸುಮಾರು 20 ವರ್ಷಗಳ ಕಾಲ ಸಕ್ರಿಯ ಸಮಾಜಸೇವೆಯಲ್ಲಿ ತೊಡಗಿಸಿಕೊಂಡು, ಗ್ರಾಮದಲ್ಲಿರುವ ಪುರಾತನ ಸಿದ್ದೇಶ್ವರ ದೇವಸ್ಥಾನ ಹಾಗೂ ರುದ್ರ ಮಹಾರಾಜರ ಆಶ್ರಮದಲ್ಲಿ ಸೇವೆ ಸಲ್ಲಿಸಿದರು. ಅಲ್ಲದೇ ಕುಲದೇವತೆ ಮಾತಾ ಚೌಡೇಶ್ವರಿ ದೇವಸ್ಥಾನ ನಿರ್ಮಾಣದಲ್ಲಿ ಶ್ರಮದಾನ ಮಾಡಿ ಪ್ರಮುಖ ಪಾತ್ರ ವಹಿಸಿದ್ದರು. ಕೈಮಗ್ಗ ಸಹಕಾರಿ ಸಂಘದ ಸದಸ್ಯರಾಗಿ ಸಹ ಸೇವೆ ಸಲ್ಲಿಸಿದ್ದರು.
ಮೃತರ ದೊಡ್ಡ ಮಗಳಿಗೆ ಕಲಬುರಗಿಯ ನ್ಯಾಯವಾದಿ ಜೆನವರಿ ವಿನೋದಕುಮಾರ ಅವರೊಂದಿಗೆ ಹಾಗೂ ಎರಡನೇ ಮಗಳಿಗೆ ಜತ್ತ ಸಮೀಪದ ಮಲ್ಲಿಕಾರ್ಜುನ ಶಿಕ್ಷಕರೊಂದಿಗೆ ವಿವಾಹ ನೆರವೇರಿಸಿದ್ದರು.
ಗ್ರಾಮದ ಶೈಕ್ಷಣಿಕ ಹಾಗೂ ಸಾಮಾಜಿಕ ಕ್ಷೇತ್ರಕ್ಕೆ ಅವರ ಕೊಡುಗೆ ಅನನ್ಯವಾಗಿದ್ದು, ಅವರ ನಿಧನದಿಂದ ಲೋನಿ ಬಿ.ಕೆ ಗ್ರಾಮಕ್ಕೆ ತುಂಬಲಾರದ ನಷ್ಟ ಉಂಟಾಗಿದೆ ಎಂದು ಗ್ರಾಮಸ್ಥರು ಶೋಕ ವ್ಯಕ್ತಪಡಿಸಿದ್ದಾರೆ.
-
