ನಿಜಾಮ ಆಡಳಿತ ಕಾಲದ ವರದಿ ಸಲ್ಲಿಕೆಗೆ ಜಿಲ್ಲಾ ಆಡಳಿತ ಚುರುಕುಗೊಳ್ಳಲಿ – ಕೆ.ವೈ.ಎಫ್ ಆಗ್ರಹ
kkeditor
ನಿಜಾಮ ಆಡಳಿತ ಕಾಲದ ವರದಿ ಸಲ್ಲಿಕೆಗೆ ಜಿಲ್ಲಾ ಆಡಳಿತ ಚುರುಕುಗೊಳ್ಳಲಿ – ಕೆ.ವೈ.ಎಫ್ ಆಗ್ರಹ
ಕಲಬುರಗಿ: ಕರ್ನಾಟಕ ಕಾರ್ಯಪಡೆಯ (ಕೆ.ವೈ.ಎಫ್) ರಾಜ್ಯ ಸಂಚಾಲಕರೂ ನ್ಯಾಯವಾದಿಗಳೂ ಆಗಿರುವ ಜೆ.ಎಸ್. ವಿನೋದಕುಮಾರ ಅವರು ಪ್ರಕಟಣೆ ನೀಡಿದ್ದು — ಈ ತಿಂಗಳ ಕೊನೆಯ ಸಚಿವ ಸಂಪುಟ ಸಭೆಯ ಮುನ್ನ, ಕಳಬುರಗಿ ವಿಭಾಗದ ಉಳಿದ ಆರು ಜಿಲ್ಲೆಗಳ ಜಿಲ್ಲಾಧಿಕಾರಿಗಳು ನಿಜಾಮ ಸರಕಾರದಿಂದ ಭಾರತ ಒಕ್ಕೂಟಕ್ಕೆ ಸೇರಿಕೊಂಡ ಸಂದರ್ಭದ ಸೂಕ್ತ ವರದಿ ತಯಾರಿಸಿ ಸರ್ಕಾರಕ್ಕೆ ಸಲ್ಲಿಸಬೇಕೆಂದು ಆಗ್ರಹಿಸಿದ್ದಾರೆ.
ಅವರು ಹೇಳುವಂತೆ, ಮುಖ್ಯ ಪ್ರಧಾನ ಕಾರ್ಯದರ್ಶಿಯವರು ಈ ಕುರಿತು ಎಲ್ಲಾ ಜಿಲ್ಲಾಧಿಕಾರಿಗಳಿಗೆ ನಿರ್ದೇಶನ ನೀಡುವಂತೆ ಕೋರಬೇಕು. ಅಲ್ಲದೇ ಪ್ರಾದೇಶಿಕ ಆಯುಕ್ತರು ಒಂದು ವಾರದೊಳಗೆ ಎಲ್ಲ ಜಿಲ್ಲಾಧಿಕಾರಿಗಳಿಂದ ವರದಿ ಪಡೆದು, ಏಳು ಜಿಲ್ಲೆಗಳ ಸಮಗ್ರ (ಕನ್ಸಾಲಿಡೇಟೆಡ್) ವರದಿ ತಯಾರಿಸಿ ರಾಜ್ಯ ಸರ್ಕಾರಕ್ಕೆ ಸಲ್ಲಿಸಬೇಕು.
ಸರ್ಕಾರ ಈಗಾಗಲೇ ಈ ಸಂಬಂಧ ಎರಡು ಬಾರಿ ನೆನಪೂಲೆ ರವಾನಿಸಿ ಕ್ರಮ ಕೈಗೊಳ್ಳುವಂತೆ ಸೂಚಿಸಿದೆ ಎಂದು ವಿನೋದಕುಮಾರ ತಿಳಿಸಿದ್ದಾರೆ. ಪ್ರಾದೇಶಿಕ ಆಯುಕ್ತರು ಸಲ್ಲಿಸಲಾದ ಮನವಿಯನ್ನು ಗಂಭೀರವಾಗಿ ಪರಿಗಣಿಸಿ ತಮ್ಮ ಜವಾಬ್ದಾರಿಯನ್ನು ನಿಭಾಯಿಸಬೇಕೆಂದು ಅವರು ಒತ್ತಾಯಿಸಿದ್ದಾರೆ.
