ಒಮ್ಮೆ ತಿರುಗಿ ನೋಡಿ – ಜರಗನಹಳ್ಳಿ ಸರ್ಕಾರಿ ಶಾಲೆಗೆ : ಶರಣಗೌಡ ಪಾಟೀಲ ಪಾಳಾ

ಒಮ್ಮೆ ತಿರುಗಿ ನೋಡಿ – ಜರಗನಹಳ್ಳಿ ಸರ್ಕಾರಿ ಶಾಲೆಗೆ : ಶರಣಗೌಡ ಪಾಟೀಲ ಪಾಳಾ 

ಬೆಂಗಳೂರು: ನಗರದ ಹೃದಯಭಾಗದಲ್ಲಿರುವ ಸರ್ಕಾರಿ ಮಾದರಿ ಪ್ರಾಥಮಿಕ ಮತ್ತು ಹಿರಿಯ ಪ್ರಾಥಮಿಕ ಶಾಲೆ – ಜರಗನಹಳ್ಳಿ (ಜೆ.ಪಿ. ನಗರ) 1935 ರಂದು ಪ್ರಾರಂಭವಾಯಿತು,ಕಳೆದ 70ವರ್ಷಗಳಿಂದ ಬಡವರ ಮಕ್ಕಳಿಗೆ ಬೆಳಕು ನೀಡುತ್ತಿರುವ ಮಾದರಿ ಶಾಲೆಯಾಗಿದೆ. ಕೂಲಿ ಕಾರ್ಮಿಕರು, ಗೃಹಕಾರ್ಮಿಕರು, ದಿನಗೂಲಿ ನೌಕರರ ಮಕ್ಕಳು ಇಲ್ಲಿ ಓದುತ್ತಿದ್ದು, ಮೂಲಸೌಕರ್ಯದ ಕೊರತೆಗಳಿದ್ದರೂ ಕಲಿಕೆಯಲ್ಲಿ ಯಾವುದೇ ತೊಂದರೆಯಾಗದಂತೆ ಗುರುಗಳು ತೊಡಗಿಸಿಕೊಂಡಿದ್ದಾರೆ.

 ಪ್ರತಿಭಾವಂತ ಮಕ್ಕಳು – ಚುರುಕಾದ ಗುರುಗಳು

ಈ ಶಾಲೆಯ ಮಕ್ಕಳಲ್ಲಿ ಅತ್ಯುತ್ತಮ ಪ್ರತಿಭೆ ಕಾಣಸಿಗುತ್ತದೆ. ಕ್ರೀಡೆ, ಪಾಠ, ಸಂಸ್ಕೃತಿ – ಎಲ್ಲ ಕ್ಷೇತ್ರಗಳಲ್ಲೂ ಮಕ್ಕಳು ಚುರುಕಾಗಿ ಪಾಲ್ಗೊಳ್ಳುತ್ತಾರೆ. ಶಿಕ್ಷಕರೂ ಸಹ ಅದೇ ಉತ್ಸಾಹದಲ್ಲಿ, ಮಕ್ಕಳನ್ನು ಉತ್ತಮ ವಿದ್ಯಾವಂತರಾಗಿಸಲು ಶ್ರಮಿಸುತ್ತಿದ್ದಾರೆ. ಶಾಲೆಯ ಬಾಲಕ ಬಾಲಕಿಯರು ನಿನ್ನೆ ನಡೆದ ತಾಲ್ಲೂಕು ಮಟ್ಟದ ಹಾಕಿ ಪಂದ್ಯದಲ್ಲಿ ಪ್ರಥಮ ಸ್ಥಾನದಲ್ಲಿ ವಿಜಯಿಯಾಗಿದ್ದಾರೆ.ಇದೇ ಕಾರಣದಿಂದ, ಹಲವಾರು ಕನ್ನಡ ಶಾಲೆಗಳು ಮುಳುಗುವ ಹಂತದಲ್ಲಿರುವ ಸಮಯದಲ್ಲಿ ಜರಗನಹಳ್ಳಿ ಶಾಲೆಯು ಇನ್ನೂ ಸ್ಫೂರ್ತಿದಾಯಕ ಮಾದರಿಯಾಗಿದೆ.

 ಮೂಲಸೌಕರ್ಯಗಳ ಕೊರತೆ

ಆದರೆ ಈ ಮಾದರಿ ಶಾಲೆಯಲ್ಲಿಯೇ ಅನೇಕ ಅಡಚಣೆಗಳು ಎದುರಾಗುತ್ತಿವೆ:

* ಹಳೆಯ ಕಟ್ಟಡಗಳು ಹಾನಿಗೊಳಗಾಗಿವೆ, ಮಕ್ಕಳ ಸುರಕ್ಷತೆಗೆ ಅಪಾಯ.

* ವೈರಿಂಗ್ ವ್ಯವಸ್ಥೆ ಹಳೆಯದು, ವಿದ್ಯುತ್ ದೋಷಗಳು ಹೆಚ್ಚಾಗುತ್ತಿವೆ. ತಿಂಗಳಿಗೆ ₹2,000–₹3,000 ವಿದ್ಯುತ್ ಬಿಲ್ ಬರುತ್ತಿದ್ದು, ಅದನ್ನು ಗುರುಗಳು ಸ್ವತಃ ಭರಿಸುವಂತಾಗಿದೆ.

* ಕಾಂಪೌಂಡ್ ಗ್ರೀಲ್ ಇಲ್ಲದ ಕಾರಣ ರಾತ್ರಿ ಹೊತ್ತು ಅನಧಿಕೃತ ಪ್ರವೇಶ, ಮದ್ಯಪಾನ, ಬಾಟಲ್‌ಗಳನ್ನು ಬಿಟ್ಟು ಹೋಗುವ ಘಟನೆಗಳು ಕಂಡುಬರುತ್ತಿವೆ. ಇದರಿಂದ ಮಕ್ಕಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದೆ.

* ಶೌಚಾಲಯ ಸಿಬ್ಬಂದಿ ಕೊರತೆ– ಸ್ವಚ್ಛತೆಯ ತೊಂದರೆ.

* ಸುರಕ್ಷತಾ ಗಾರ್ಡ್ ವ್ಯವಸ್ಥೆ ಇಲ್ಲ– ನಗರ ಮಧ್ಯದಲ್ಲಿದ್ದರೂ ಶಾಲೆಗೆ ಭದ್ರತೆ ಇಲ್ಲ.

* ಮೈಕ್ ವ್ಯವಸ್ಥೆ, ಸಿಸಿ ಕ್ಯಾಮೆರಾ, ಕಾರ್ಯಕ್ರಮ ಕೊಠಡಿ ಕೊರತೆ– ಮಕ್ಕಳ ಪ್ರತಿಭೆ ಪ್ರದರ್ಶನಕ್ಕೆ ಅವಕಾಶ ಕಡಿಮೆ.

* ಹೊಸ ಕಟ್ಟಡದಲ್ಲಿ ಲಿಫ್ಟ್ ನಿರ್ಮಾಣ ಆರಂಭವಾದರೂ, ಮಕ್ಕಳ ಸುರಕ್ಷತೆಗೆ ಬೇಕಾದ ಗ್ರಿಲ್ ವ್ಯವಸ್ಥೆ ಇನ್ನೂ ಮಾಡಿಲ್ಲ.

ಭಾನುವಾರ,ಶನಿವಾರ ಶಾಲೆಯ ಮೈದಾನದೊಳಗೆ ಅನೇಕ ವ್ಯಕ್ತಿಗಳು ಗುಂಪು ,ಗುಂಪು ಕಟ್ಟಿ ಆಡುತ್ತಾರೆ.

ಇದರಿಂದ ಗಾಜಿನ ಕಿಟಕಿ ವಡೆದು,ಬಾಗಿಲುಗಳು ಮುರುದಿದೆ. ಮಕ್ಕಳು ಮತ್ತು ಶಿಕ್ಷಕರು ನೆಟ್ಟ ಗಿಡಗಳಿನ್ನು ಹಾನಿಯಾಗಿದೆ.

ಪದೇ ಪದೇ ಶಾಲೆಯ ಉಪಯುಕ್ತ ವಸ್ತುಗಳು ರಾತ್ರಿವೇಳೆ ಕಳ್ಳತನವಾಗುತ್ತಿದ್ದು

ಮೂಲ ಸೌಕರ್ಯ ಕ್ಕೆ ಭಂಗ ಉಂಟಾಗುವುದರಿಂದ ಶಿಕ್ಷಕರಿಗೆ ನೆಮ್ಮದಿಯಿಂದ ಪಾಠ ಮಾಡಲು ಕಷ್ಟವಾಗುತ್ತಿದೆ ಎಂದು ಹೇಳಿದರು.

 ಆಟದ ಮೈದಾನಕ್ಕೂ ಪ್ರವೇಶ ತೊಂದರೆ

ಶಾಲೆಯ ಹತ್ತಿರವೇ ಮೈದಾನವಿದ್ದರೂ, ಮುಖ್ಯರಸ್ತೆಯ ಡಿವೈಡರ್ ಮತ್ತು ಮೆಟ್ರೋ ಸೇತುವೆ ಕಾರಣದಿಂದ ಮಕ್ಕಳು ಮೈದಾನ ತಲುಪಲು ಸಾಧ್ಯವಾಗುತ್ತಿಲ್ಲ. ಪೋಷಕರ ಅಭಿಪ್ರಾಯ ಪ್ರಕಾರ, ಸುರಂಗ ಮಾರ್ಗ ಕಲ್ಪಿಸಿದರೆ ಮಕ್ಕಳಿಗೆ ಸುರಕ್ಷಿತ ಪ್ರವೇಶ ಸಾಧ್ಯ.

ಕನ್ನಡ ಮಾಧ್ಯಮದ ಸಂಕಟ

ಇತ್ತೀಚೆಗೆ ಮೊದಲ ಬಾರಿಗೆ ಇಂಗ್ಲಿಷ್ ಮಾಧ್ಯಮ ವಿಭಾಗ ಆರಂಭವಾದ್ದರಿಂದ ಬಹುತೇಕ ಮಕ್ಕಳು ಅದರಲ್ಲಿ ಸೇರ್ಪಡೆಯಾಗಿದ್ದಾರೆ. ಕನ್ನಡ ಮಾಧ್ಯಮದಲ್ಲಿ ಕೇವಲ 2–3 ವಿದ್ಯಾರ್ಥಿಗಳು ಮಾತ್ರ ಇದ್ದಾರೆ. ಇದರಿಂದ ಮುಂದಿನ ದಿನಗಳಲ್ಲಿ ಕನ್ನಡ ಶಾಲೆಗಳು ಉಳಿಯುತ್ತವೇ? ಎಂಬ ಆತಂಕವೂ ಮೂಡಿದೆ.

 ಜನಪ್ರತಿನಿಧಿಗಳ ಗಮನಕ್ಕೆ

ಈ ಶಾಲೆ ಬೊಮ್ಮನಹಳ್ಳಿ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿದ್ದು,ಶಾಸಕರು ಸರ್ಕಾರ ಮತ್ತು ಸ್ಥಳೀಯ ಪ್ರತಿನಿಧಿಗಳು ಗಮನಹರಿಸಿ ತಕ್ಷಣ ಕ್ರಮ ಕೈಗೊಂಡರೆ, ಈ ಶಾಲೆಯ ಮೂಲಸೌಕರ್ಯ ಸುಧಾರಣೆ ಸಾಧ್ಯ.

 ಪರಿಹಾರಕ್ಕೆ ಸಲಹೆಗಳು

* ಹಳೆಯ ಕಟ್ಟಡ ಮರುಕಟ್ಟಡ, ಹೊಸ ವೈರಿಂಗ್ ವ್ಯವಸ್ಥೆ.

* ಕಾಂಪೌಂಡ್ ಗ್ರೀಲ್, ಗೇಟ್, ಸಿಸಿ ಕ್ಯಾಮೆರಾ ಮತ್ತು ಸುರಕ್ಷತಾ ಗಾರ್ಡ್ ನೇಮಕ.

* ಮಕ್ಕಳಿಗೆ ಸುರಕ್ಷಿತವಾಗಿ ಮೈದಾನ ತಲುಪಲು ಸುರಂಗ ಮಾರ್ಗ.

* ಶೌಚಾಲಯ ಹಾಗೂ ಸ್ವಚ್ಛತಾ ಸಿಬ್ಬಂದಿ ನೇಮಕ.

* ಕಾರ್ಯಕ್ರಮ ಕೊಠಡಿ, ಮೈಕ್ ವ್ಯವಸ್ಥೆ ಒದಗಿಕೆ.

* ವಿದ್ಯುತ್ ಬಿಲ್ ಅನ್ನು ಸರ್ಕಾರವೇ ಹೊತ್ತುಕೊಳ್ಳುವುದು.

ಜರಗನಹಳ್ಳಿ ಸರ್ಕಾರಿ ಮಾದರಿ ಶಾಲೆ – ಮೂಲಸೌಕರ್ಯ ಕೊರತೆಗಳಿದ್ದರೂ, ಉತ್ತಮ ಗುರುಗಳು ಮತ್ತು ಪ್ರತಿಭಾವಂತ ಮಕ್ಕಳಿಂದ ಮುಂದುವರಿಯುತ್ತಿರುವ ಒಂದು ಮಾದರಿ ಕೇಂದ್ರ. ಸರ್ಕಾರ ಮತ್ತು ಸಮಾಜ ಸಹಕಾರ ನೀಡಿದರೆ, ಈ ಶಾಲೆ ಇನ್ನಷ್ಟು ಪ್ರಗತಿ ಸಾಧಿಸಿ ನೂರಾರು ಬಡ ಮಕ್ಕಳ ಭವಿಷ್ಯಕ್ಕೆ ಬೆಳಕು ನೀಡಬಲ್ಲದು

ಶರಣಗೌಡ ಪಾಟೀಲ್ ಪಾಳಾ,ಪತ್ರಕರ್ತ, ಕಲಬುರಗಿ