ಪರಮಾನಂದ ಸರಸಂಬಿ, ಶಿಕ್ಷಕ,ಸಾಹಿತಿ

ಯುವಭರವಸೆ: ಪರಮಾನಂದ ಸರಸಂಬಿ

- ಶರಣಗೌಡ ಪಾಟೀಲ ಪಾಳಾ

"ಸಿರಿಗನ್ನಡಂ ಗೆಲ್ಗೆ!" ಎನ್ನುವುದು ಅವರ ಭಾಷಣದ ಪ್ರತಿ ಆರಂಭದ ಘೋಷವಾಕ್ಯ. ಇದು ಕೇವಲ ಮಾತಲ್ಲ, ಅವರ ಕನ್ನಡ ನಿಷ್ಠೆಯ ಪ್ರತಿಬಿಂಬ. ಯುವ ಸಾಹಿತಿಯಾದ ಶ್ರೀ ಪರಮಾನಂದ ಸರಸಂಬಿ ಅವರು ನಿಜಕ್ಕೂ  ಜಿಲ್ಲಾ ಮಟ್ಟದ ಶ್ರೇಷ್ಠ ಶಿಕ್ಷಕರಾಗಿ ಗುರುತಿಸಲ್ಪಟ್ಟಿದ್ದು, ಅಪ್ಪಟ ಕನ್ನಡಾಭಿಮಾನಿ, ಸಾಹಿತ್ಯಾಸಕ್ತ ಮತ್ತು ಸಕ್ರಿಯ ಸಮಾಜಸೇವಕರಾಗಿದ್ದಾರೆ.

ಶಿವಶರಣಪ್ಪ ಮತ್ತು ಶಿವಮ್ಮ ದಂಪತಿಯ ಮುದ್ದಾದ ಮಗ, ಇವರು ಕಲಬುರ್ಗಿ ಜಿಲ್ಲೆ ರೇವೂರ (ಕೆ) ಗ್ರಾಮದ ಹಿರಿದು ಹೃದಯದ ಗ್ರಾಮೀಣ ಬದುಕಿನಲ್ಲಿ ಬೆಳೆದವರು. ಅವರ ಪ್ರಾಥಮಿಕ ವಿದ್ಯಾಭ್ಯಾಸ ಕರಜಗಿಯಲ್ಲಿ, ಪದವಿ ಶಿಕ್ಷಣ ಕಲಬುರ್ಗಿಯ ಶರಣಬಸವೇಶ್ವರ ಕಾಲೇಜಿನಲ್ಲಿ, ಹಾಗೂ ಡಿ.ಇಡಿಯಲ್ಲಿ ನೂತನ ವಿದ್ಯಾಲಯದಲ್ಲಿ ಪೂರ್ಣಗೊಳಿಸಿದ್ದಾರೆ. ಧಾರವಾಡ ವಿಶ್ವವಿದ್ಯಾಲಯ ಮತ್ತು ಇಂದಿರಾ ಗಾಂಧಿ ಮುಕ್ತ ವಿಶ್ವವಿದ್ಯಾಲಯದ ಮೂಲಕ ಬಿ.ಇಡ್ ಮತ್ತು ಸ್ನಾತಕೋತ್ತರ ಪದವಿಗಳನ್ನು ಸಂಪಾದಿಸಿದ್ದಾರೆ.

ಸಾಹಿತ್ಯದ ನೂರು ದಿಕ್ಕುಗಳಲ್ಲಿ ತಮ್ಮ ಹೆಜ್ಜೆ ಗುರುತು ಮೂಡಿಸಿರುವ ಅವರು ಕಥೆ, ಕವನ, ಗಜಲ್, ಚುಟುಕು, ಆಧುನಿಕ ವಚನಗಳಲ್ಲಿ ಕೈಚಳಕ ತೋರಿದ್ದಾರೆ. ಬಹುಮಾನಿತ ಕವನ ಸಂಕಲನ *ಚಿಗುರೆಲೆ* (2018) ಮತ್ತು ಮಕ್ಕಳ ಕಥಾ ಸಂಕಲನ *ಹಕ್ಕಿಹಿಂಡು* (2017) ಇವರ ಪ್ರಮುಖ ಕೃತಿಗಳು.

ಶಾಲಾ ಮಕ್ಕಳಿಗೆ ಕಥೆ ಬರೆಯುವ ಪ್ರೇರಣೆಯಿಂದ ‘ಹಕ್ಕಿಹಿಂಡು’ವನ್ನು ಪ್ರಕಟಿಸಿ, ಬಂದ ಹಣದಿಂದ ಶಾಲೆಗೆ OHP ಖರೀದಿಸಿದ ಕೆಲಸ ಬಹುಮಾನದಿಗಿಂತ ಮೇಲಾಗಿರುತ್ತದೆ. ಈ ಪ್ರಯತ್ನದಿಂದ ಅವರು ಶಿಕ್ಷಕರಾಗಿ ತಮ್ಮ ಪಾತ್ರವನ್ನು ವ್ಯಾಪಕವಾಗಿ ವಿಸ್ತರಿಸಿದ್ದಾರೆ.

15 ವರ್ಷಗಳ ಸೇವೆ ಪೂರ್ಣಗೊಳಿಸಿರುವ ಅವರು ಈಚೆಗೆ *ಕೆಕ್ಕರಸಾವಳಗಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ* ಸೇವೆ ಸಲ್ಲಿಸುತ್ತಿದ್ದು, ಹಸಿರುಗಾರಿಕೆಯ ಪ್ರೇರಕವಾಗಿ, ನೂರಾರು ಸಸಿಗಳನ್ನು ನಾಟಿ, ಮಕ್ಕಳ ಮನಸ್ಸಿನಲ್ಲಿ ಪರಿಸರದ ಪ್ರೀತಿಯನ್ನು ಬೆಳೆಸಿದ್ದಾರೆ.

ಇಷ್ಟರಿಂದಲೇ ಅಲ್ಲ – ತಮ್ಮ ಸ್ವಂತ ಹಣದಿಂದ *ಆಂಗ್ಲ ಭಾಷಾ ಲ್ಯಾಬ್* ನಿರ್ಮಿಸಿ, ಮಕ್ಕಳ ಭಾಷಾ ಭೀತಿಯು ಕಡಿಮೆ ಮಾಡುವತ್ತ ಮಹತ್ವದ ಹೆಜ್ಜೆ ಇಟ್ಟಿದ್ದಾರೆ. ಇವರು ನಡೆಸಿದ ಎರಡು ಆಂಗ್ಲ ಭಾಷಾ ಮೇಳಗಳು ಮತ್ತು ಸ್ಕೌಟ್ ಘಟಕದ ಮೂಲಕ ಮಕ್ಕಳಲ್ಲಿ ಶಿಸ್ತು, ಕ್ರಿಯಾಶೀಲತೆ, ದೇಶಾಭಿಮಾನ ಬೆಳೆಸುವ ಕಾರ್ಯ ಯಶಸ್ವಿಯಾಗಿದೆ.

ಇವರು ಮಾರ್ಗದರ್ಶನ ನೀಡಿದ ಶಾಲಾ ವಿದ್ಯಾರ್ಥಿಗಳು ಮೂಡುಬಿದಿರೆ ಮತ್ತು ಬೀದರ್‌ ಜಾಂಬೂರಿಗಳಲ್ಲಿ ಭಾಗವಹಿಸಿ ತಮ್ಮ ಶಾಲೆಯ ಹೆಮ್ಮೆ ಹೆಚ್ಚಿಸಿದ್ದಾರೆ. ಸಾಹಿತ್ಯಾಭಿಮಾನದಿಂದ ತನ್ನ ಮನೆಯಲ್ಲಿ ಪುಸ್ತಕಗಳ ಪುಟ್ಟ ಗ್ರಂಥಾಲಯವನ್ನೇ ನಿರ್ಮಿಸಿಕೊಂಡಿರುವ ಇವರು, ವಿವಿಧ ಸಾಹಿತ್ಯ ಪ್ರಕಾರಗಳನ್ನು ಅಧ್ಯಯನ ಮಾಡುತ್ತಾರೆ.

ಸಂಘಟನಾ ಚಟುವಟಿಕೆಗಳಲ್ಲಿಯೂ ಇವರ ಪಾತ್ರ ಅತ್ಯಂತ ಶ್ಲಾಘನೀಯ. ಇವರು ಚುಟುಕು ಸಾಹಿತ್ಯ ಪರಿಷತ್ತು ಚೌಡಾಪುರ ವಲಯದ ಅಧ್ಯಕ್ಷರಾಗಿದ್ದರೆ, ಅಫಜಲಪುರ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನಲ್ಲಿ ಗೌರವ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಅವರ ಸಾಧನೆಗಳಿಗೆ ರಾಜ್ಯ ಮತ್ತು ಜಿಲ್ಲಾ ಮಟ್ಟದಲ್ಲಿ ಅನೇಕ ಪ್ರಶಸ್ತಿಗಳು ಲಭಿಸಿವೆ. ಕೆಲ ಪ್ರಮುಖ ಪ್ರಶಸ್ತಿಗಳು:

* ತಾಲೂಕು ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ (2015)

* ಜಿಲ್ಲಾ ಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ (2020)

* ಕಾಯಕಯೋಗಿ ಪ್ರಶಸ್ತಿ (2019)

* ಜ್ಞಾನಜ್ಯೋತಿ ಪ್ರಶಸ್ತಿ (2017)

* ಬಸವಜ್ಯೋತಿ ಪ್ರಶಸ್ತಿ (2018)

* ಕನ್ನಡ ಸಿರಿ ಪ್ರಶಸ್ತಿ (2018)

* ಅಕ್ಷರ ದಾಸೋಹಿ ಪ್ರಶಸ್ತಿ (2018)

ಸಾಧಕ ಶಿಕ್ಷಕ ಪ್ರಶಸ್ತಿ – ಭಾರತ ಜ್ಞಾನವಿಜ್ಞಾನ ಸಮಿತಿ (2024)

ಪ್ರಶಸ್ತಿಗಳು ಲಭಿಸಿದೆ.