ನಿಧನವಾರ್ತೆ:ನಾಗಯ್ಯ ಸ್ವಾಮಿ ಅಲ್ಲೂರ ನಿಧನ ಚಿತ್ತಾಪೂರ ತಾಲೂಕಿಗೆ ತುಂಬಲಾರದ ನಷ್ಟ

 ನಿಧನವಾರ್ತೆ:ನಾಗಯ್ಯ ಸ್ವಾಮಿ ಅಲ್ಲೂರ ನಿಧನ ಚಿತ್ತಾಪೂರ ತಾಲೂಕಿಗೆ ತುಂಬಲಾರದ ನಷ್ಟ

ಚಿತ್ತಾಪೂರ, ಏಪ್ರಿಲ್ 6: ಅಲ್ಲೂರು ಗ್ರಾಮದ ನಾಗಯ್ಯ ಸ್ವಾಮಿಯವರು ನಿನ್ನೆ ರಾತ್ರಿ 8 ಗಂಟೆಗೆ ನಿಧನರಾದ ಸುದ್ದಿ ಚಿತ್ತಾಪೂರ ಹಾಗೂ ಕಲಬುರಗಿ ಜಿಲ್ಲೆಯಾದ್ಯಂತ  ಬೇಸರದ ಛಾಯೆ ಮೂಡಿಸಿದೆ. ಸಾಮಾಜಿಕ, ಶೈಕ್ಷಣಿಕ, ಧಾರ್ಮಿಕ ಹಾಗೂ ಮಾದ್ಯಮ ಕ್ಷೇತ್ರಗಳಲ್ಲಿ ತಮ್ಮ ವಿಶಿಷ್ಟ ಹಾದಿ ಕಟ್ಟಿಕೊಂಡಿದ್ದ ಅವರು, ಪ್ರಾಮಾಣಿಕತೆ ಮತ್ತು ನಿಷ್ಠೆಯ ಆದರ್ಶ ಉದಾಹರಣೆಯಾಗಿದ್ದರು.

ಕನ್ನಡ ಸಾಹಿತ್ಯ ಪರಿಷತ್ತಿನ ತಾಲೂಕು ಅಧ್ಯಕ್ಷರಾಗಿ ಅವರು ಶ್ರೇಷ್ಠ ಸೇವೆ ಸಲ್ಲಿಸಿದ್ದರು. ಅಲ್ಲದೇ, ಗ್ರಾಮೀಣ ಜನರ ಹಿತಕ್ಕಾಗಿ ಹಲವಾರು ಸಮಾಜಮುಖಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು, ಜನಮಾನಸದಲ್ಲಿ ವಿಶಿಷ್ಟ ಸ್ಥಾನ ಹೊಂದಿದ್ದರು.

ಅವರು ಪತ್ನಿ, ಅಣ್ಣ, ತಮ್ಮಂದಿರು, ಮಕ್ಕಳು ಮತ್ತು ಅಪಾರ ಬಂಧುಗಳನ್ನು ಅಗಲಿದ್ದಾರೆ. ಅವರ ಅಂತ್ಯ ಸಂಸ್ಕಾರ ಇಂದು, 6-4-2025 ರಂದು ಮಧ್ಯಾಹ್ನ 2 ಗಂಟೆಗೆ ಚಿತ್ತಾಪೂರ ತಾಲೂಕಿನ ಅಲ್ಲೂರ ಬಿ ಗ್ರಾಮದ ಅವರ ಸ್ವಂತ ಜಮೀನಿನಲ್ಲಿ ನಡೆಯಲಿದೆ.

ನಾಗಯ್ಯ ಸ್ವಾಮಿಯವರ ಅಗಲಿಕೆ ಮಾದ್ಯಮ ಲೋಕಕ್ಕೆ ಮತ್ತು ಚಿತ್ತಾಪೂರ ತಾಲೂಕಿಗೆ ತುಂಬಲಾರದ ನಷ್ಟವಾಗಿದೆ. ಅವರ ಸೇವಾ ಮನೋಭಾವನೆ ಮತ್ತು ಸಮಾಜಪಾಲನೆಯು ಸದಾ ಸ್ಮರಣೀಯವಾಗಿರಲಿದೆ.

ಸಾಹಿತಿ/ ಪತ್ರಕರ್ತ ಮಹಿಪಾಲ ರೆಡ್ಡಿ ಮುನ್ನೂರ, ಬಾಬುರಾವ್ ಯಡ್ರಾಮಿ, ದೇವಯ್ಯ ಗುತ್ತೇದಾರ್ ,ಬಿ. ಎಚ್ ನಿರಗುಡಿ, ಶರಣಗೌಡ ಪಾಟೀಲ ಪಾಳಾ,ಡಾ.ಆನಂದ ಸಿದ್ದಾಮಣಿ, ವೀರಭದ್ರ ಸಿಂಪಿ,ನಾಗಲಿಂಗಯ್ಯ ಮಠಪತಿ, ಸಿ.ಎಸ್.ಮಾಲಿ ಪಾಟೀಲ,ಡಾ.ಶ್ರೀಶೈಲ ಬಿರಾದಾರ, ಸಿದ್ದಪ್ಪಾ ತಳ್ಳೊಳ್ಳಿ, ಅಂಬಾರಾಯ ಕೋಣೆ,  ಸೇರಿದಂತೆ ಅನೇಕ ಗಣ್ಯಮಾನರು ಶೋಕ ವ್ಯಕ್ತಪಡಿಸಿದ್ದಾರೆ.

ಕೆ.ಕೆ.ಪಿ. ವಾರ್ತೆ