ಡಾ. ಅಮೃತಾ ಆರ್. ಕಟಕೆ ಅವರ ಸೇವಾ ನಿವೃತ್ತಿ ಸಮಾರಂಭ: ಅದ್ಭುತ ಸ್ಮರಣೀಯ ಸಂದರ್ಭ
kkeditor
ಡಾ. ಅಮೃತಾ ಆರ್. ಕಟಕೆ ಅವರ ಸೇವಾ ನಿವೃತ್ತಿ ಸಮಾರಂಭ: ಅದ್ಭುತ ಸ್ಮರಣೀಯ ಸಂದರ್ಭ
"ವಿದ್ಯಾರ್ಥಿ ದೆಸೆಯಿಂದಲೇ ಕ್ರಿಯಾಶೀಲರಾಗಿದ್ದ ಡಾ. ಅಮೃತಾ ಕಟಕೆ ಅವರ ಸೇವಾ ನಿವೃತ್ತಿ ಸಮಾರಂಭ ಅದ್ಧೂರಿಯಾಗಿ ಜರುಗಿತು – ಡಾ. ಡಿ.ಬಿ. ನಾಯಕ್ ಅವರ ಗುಣಗಾನ"
ಕರ್ನಾಟಕದ ಶಿಕ್ಷಣ ಕ್ಷೇತ್ರದಲ್ಲಿ ಗಮನಾರ್ಹ ಸೇವೆ ಸಲ್ಲಿಸಿದ ಹೆಸರಾಂತ ವಿದ್ವಾಂಸರು, ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಕಮಲಾಪುರದ ಪ್ರಾಂಶುಪಾಲರಾಗಿದ್ದ ಡಾ. ಅಮೃತಾ ಆರ್. ಕಟಕೆ ಅವರ ಸೇವಾ ನಿವೃತ್ತಿ ಪ್ರಯುಕ್ತ ಬಿಳ್ಕೊಡುಗೆ ಸಮಾರಂಭವು ಕಾಲೇಜು ಆವರಣದಲ್ಲಿ ಅತ್ಯಂತ ಅದ್ಭುತವಾಗಿ, ಭಾವುಕತೆಯಿಂದ ಕೂಡಿ ನಡೆಯಿತು.
ಈ ವಿಶೇಷ ಸಮಾರಂಭಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ಪ್ರಖ್ಯಾತ ವಿದ್ವಾಂಸ ಡಾ. ಡಿ. ಬಿ. ನಾಯಕ್ ಅವರು ಮಾತನಾಡಿ, ಡಾ. ಅಮೃತಾ ಕಟಕೆ ಅವರು ವಿದ್ಯಾರ್ಥಿ ದೆಸೆಯಿಂದಲೇ ಅತ್ಯಂತ ಕ್ರಿಯಾಶೀಲರಾಗಿದ್ದರು ಮತ್ತು ಇಂದಿಗೂ ಕೂಡ ಅದೇ ಉತ್ಸಾಹದೊಂದಿಗೆ ಕ್ರಿಯಾಶೀಲರಾಗಿರುವುದನ್ನು ಗುರುತಿಸಿ ಹೃದಯಸ್ಪರ್ಶಿಯಾಗಿ ಗುಣಗಾನ ಮಾಡಿದರು. 'ಸರ್ಕಾರಿ ಸಂಬಳವು ಸಮಾಜದ ಋಣ' ಎಂದು ಅವರು ತಮ್ಮ ಭಾಷಣದಲ್ಲಿ ಒತ್ತಿ ಹೇಳಿದರು – ಇದು ಎಲ್ಲರ ಮನಸ್ಸನ್ನು ತಟ್ಟಿತು.
ಕಾರ್ಯಕ್ರಮದ ಸುಂದರ ನಿರೂಪಣೆಯ ಜವಾಬ್ದಾರಿಯನ್ನು ಡಾ. ಗಿರೀಶ ರಾಠೋಡ್ ಅವರು ನಿಭಾಯಿಸಿದರು. ಸ್ವಾಗತ ಸಮಿತಿಯ ಪರವಾಗಿ ಸ್ವಾಗತಿಸಿದ್ದು ಜ್ಯೋತಿ ಕಿರಣಗಿ ಅವರು. ಅತಿಥಿಗಳ ಪರಿಚಯವನ್ನು ಡಾ. ರವಿಂದ್ರ ಗೌಡಗೇರಿ ಅವರು ಮಾಡಿಕೊಟ್ಟರು.
ಈ ಸಂದರ್ಭದಲ್ಲಿ ಮಹಾಗಾವ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಶರಣಪ್ಪ ಮಾಳಗಿ ಅವರು, ಸಂಶೋಧನ ವಿದ್ಯಾರ್ಥಿಗಳಾದ ಅರುಣಕುಮಾರ ಡಾ.ಹಣಮಂತರಾಯ,
ಡಾ. ಅಣ್ಣಾರಾವ್, ಡಾ. ಸುಖದೇವಿ, ಡಾ. ಸವಿತಾ, ಡಾ. ಅವಿನಾಶ್ ಕಟಕೆ ಅವರ ಕುಟುಂಬಸ್ಥರು ಹಾಗೂ ಹಲವಾರು ಹಿತೈಷಿಗಳು ಉಪಸ್ಥಿತರಿದ್ದರು. ಸಮಾರಂಭದಲ್ಲಿ ಭಾವುಕ ಕ್ಷಣಗಳು, ಸ್ಮರಣೆಗಳು, ಗೌರವ ಸಮರ್ಪಣೆಗಳೊಂದಿಗೆ ಡಾ. ಅಮೃತಾ ಅವರ ದೀರ್ಘಕಾಲದ ಸೇವೆಗೆ ಸಾಕ್ಷಿಯಾಯಿತು.
ಡಾ. ಅಮೃತಾ ಆರ್. ಕಟಕೆ ಅವರು ಕನ್ನಡ ಸಾಹಿತ್ಯ, ರಂಗಭೂಮಿ, ಮಹಿಳಾ ಸಬಲೀಕರಣ ಮತ್ತು ಶಿಕ್ಷಣ ಕ್ಷೇತ್ರದಲ್ಲಿ ಗಮನಾರ್ಹ ಕೊಡುಗೆ ನೀಡಿದ್ದಾರೆ. ಅವರ ನಿವೃತ್ತಿಯ ನಂತರವೂ ಶಿಕ್ಷಣ ಮತ್ತು ಸಾಮಾಜಿಕ ಕ್ಷೇತ್ರದಲ್ಲಿ ಅವರ ಪ್ರಭಾವ ಮುಂದುವರಿಯಲಿ ಎಂದು ಎಲ್ಲರೂ ಆಶಿಸುತ್ತಿದ್ದಾರೆ.
ವರದಿ ಡಾ .ಅವಿನಾಶ . S ದೇವನೂರ
