ಅರುಜೀವ ಆಯುರ್ವೇದ – ಕಲಬುರಗಿಯನ್ನು ಅಂತರರಾಷ್ಟ್ರೀಯ ವೆಲ್ನೆಸ್ ಹಾಗೂ ವೈದ್ಯಕೀಯ ಪ್ರವಾಸೋದ್ಯಮದ ನಕ್ಷೆಯಲ್ಲಿ ಮುನ್ನೆಲೆಗೆ ತರುತ್ತಿದೆ
kkeditor
ಅರುಜೀವ ಆಯುರ್ವೇದ – ಕಲಬುರಗಿಯನ್ನು ಅಂತರರಾಷ್ಟ್ರೀಯ ವೆಲ್ನೆಸ್ ಹಾಗೂ ವೈದ್ಯಕೀಯ ಪ್ರವಾಸೋದ್ಯಮದ ನಕ್ಷೆಯಲ್ಲಿ ಮುನ್ನೆಲೆಗೆ ತರುತ್ತಿದೆ
ಕಲಬುರಗಿ : ಅರುಜೀವ ಆಯುರ್ವೇದವು ತನ್ನ ಸೇವಾ ಪಯಣದಲ್ಲಿ ಮಹತ್ವದ ಮೈಲಿಗಲ್ಲೊಂದನ್ನು ದಾಟಿದ್ದು, ಕಲಬುರಗಿಯನ್ನು ಅಂತರರಾಷ್ಟ್ರೀಯ ವೆಲ್ನೆಸ್ ಹಾಗೂ ಸಮಗ್ರ ಆರೋಗ್ಯ ಪ್ರವಾಸೋದ್ಯಮದ ನಕ್ಷೆಯಲ್ಲಿ ಗುರುತಿಸಿಕೊಳ್ಳುವಂತೆ ಮಾಡುತ್ತಿದೆ ಎಂದು ಡಾ ಸಂದೀಪ ಮಳಗಿ ಹೇಳಿದರು.
ನಗರದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಶಾಸ್ತ್ರೀಯ ಆಯುರ್ವೇದ, ಯೋಗ ಹಾಗೂ ನ್ಯಾಚುರೋಪಥಿ ಆಧಾರಿತ ಸಮಗ್ರ ಚಿಕಿತ್ಸಾ ಪದ್ಧತಿಗಳ ಮೂಲಕ ಅರುಜೀವ ಆಯುರ್ವೇದವು ಕಳೆದ ಒಂದು ವರ್ಷದಲ್ಲಿ ಗಮನಾರ್ಹ ಬೆಳವಣಿಗೆಯನ್ನು ಸಾಧಿಸಿದೆ. ಸಂಪೂರ್ಣ ನಿಷ್ಠೆ, ಪ್ರಾಮಾಣಿಕತೆ ಮತ್ತು ವೈಜ್ಞಾನಿಕ ಶಿಸ್ತುಬದ್ಧ ಚಿಕಿತ್ಸೆಗಳ ಮೂಲಕ ಆರೋಗ್ಯಸೇವೆಯಲ್ಲಿ ವಿಶ್ವಾಸಾರ್ಹ ಸಂಸ್ಥೆಯಾಗಿ ಹೊರಹೊಮ್ಮಿದೆ ಎಂದು ಹೇಳಿದರು.
ಇತ್ತೀಚಿನ ತಿಂಗಳುಗಳಲ್ಲಿ ಯುರೋಪ್, ಅಮೆರಿಕಾ ಹಾಗೂ ರಷ್ಯಾದಂತಹ ದೇಶಗಳಿಂದ ಅನೇಕ ಅಂತರರಾಷ್ಟ್ರೀಯ ಅತಿಥಿಗಳು ಅರುಜೀವ ಆಯುರ್ವೇದವನ್ನು ಆಯ್ಕೆ ಮಾಡಿಕೊಂಡು ಕಲಬುರಗಿಗೆ ಆಗಮಿಸುತ್ತಿದ್ದಾರೆ. ಪಂಚಕರ್ಮ ಚಿಕಿತ್ಸೆ, ನ್ಯಾಚುರೋಪಥಿ ಆಧಾರಿತ ಡಿಟಾಕ್ಸ್ ಥೆರಪಿ ಹಾಗೂ ಸಮಗ್ರ ಆರೋಗ್ಯ ಪುನಶ್ಚೇತನಕ್ಕಾಗಿ ಅರುಜೀವಕ್ಕೆ ಆಗಮಿಸುತ್ತಿರುವ ಅತಿಥಿಗಳ ಸಂಖ್ಯೆ ಹೆಚ್ಚುತ್ತಿದೆ ಎಂದು ಹೇಳಿದರು.
ಮುಂದಿನ ದಿನಗಳಲ್ಲಿ ಯುರೋಪ್, ದಕ್ಷಿಣ ಏಷ್ಯಾ ಹಾಗೂ ಮಧ್ಯಪ್ರಾಚ್ಯ ದೇಶಗಳಲ್ಲಿ ಯೋಗ, ಆಯುರ್ವೇದ ಮತ್ತು ನ್ಯಾಚುರೋಪಥಿ ಆಧಾರಿತ ಪ್ರಾಚೀನ ವೆಲ್ನೆಸ್ ಪದ್ಧತಿಗಳಿಗಾಗಿ ಕಲಬುರಗಿಯನ್ನು ಅಂತರರಾಷ್ಟ್ರೀಯ ವೈದ್ಯಕೀಯ ಮತ್ತು ವೆಲ್ನೆಸ್ ಪ್ರವಾಸೋದ್ಯಮದ ಕೇಂದ್ರವಾಗಿ ಪ್ರಚಾರ ಮಾಡುವ ಗುರಿಯನ್ನು ಅರುಜೀವ ಆಯುರ್ವೇದ ಹೊಂದಿದೆ ಎಂದು ತಿಳಿಸಿದರು.
ಈ ಸಾಧನೆ ಅರುಜೀವ ಆಯುರ್ವೇದಕ್ಕೆ ಮಾತ್ರವಲ್ಲದೆ, ಕಲಬುರಗಿ ನಗರಕ್ಕೂ ಹೆಮ್ಮೆಯ ವಿಷಯವಾಗಿದೆ. ಪ್ರಾಮಾಣಿಕ ಆರೋಗ್ಯಸೇವೆಯ ಮೂಲಕ ಕಲಬುರಗಿಯನ್ನು ಜಾಗತಿಕ ಆರೋಗ್ಯ ಪ್ರವಾಸೋದ್ಯಮದ ನಕ್ಷೆಯಲ್ಲಿ ಸ್ಥಾಪಿಸುವಲ್ಲಿ ಅರುಜೀವ ಮಹತ್ವದ ಪಾತ್ರ ವಹಿಸಲಿದೆ ಎಂದರು ತಿಳಿಸಿದರು.
ಅರುಜೀವ ಆಯುರ್ವೇದವು ರಾಸಾಯನಿಕರಹಿತ, ಸಂಪೂರ್ಣ ನೈಸರ್ಗಿಕ ವಿಧಾನಗಳಲ್ಲಿ ಯೋಗ, ಆಯುರ್ವೇದ ಹಾಗೂ ನ್ಯಾಚುರೋಪಥಿ ಚಿಕಿತ್ಸೆಯನ್ನು ಒದಗಿಸುವಲ್ಲಿ ಹೆಸರುವಾಸಿಯಾಗಿದೆ. ಇಲ್ಲಿ ಯಾವುದೇ ಹಾನಿಕಾರಕ ಪದಾರ್ಥಗಳನ್ನು ಬಳಸದೆ, ಶುದ್ಧ ನೈಸರ್ಗಿಕ ಅಂಶಗಳಿಂದ ಚಿಕಿತ್ಸೆ ನೀಡಲಾಗುತ್ತದೆ.
ಅರುಜೀವ ಆವರಣದಲ್ಲಿ 40 ಹಾಸಿಗೆಗಳ ಆಯುರ್ವೇದ ಹಾಗೂ ನ್ಯಾಚುರೋಪಥಿ ಚಿಕಿತ್ಸಾ ಕೇಂದ್ರವಿದ್ದು, ಅತಿಥಿಗಳಿಗೆ ನಾಲ್ಕು ನಕ್ಷತ್ರ ಮಟ್ಟದ ವಸತಿ ಸೌಲಭ್ಯ ಒದಗಿಸಲಾಗಿದೆ. ‘ಆನಂದೋ ಕುಟುಂಬ’ ಎಂಬ ವಿಶಿಷ್ಟ ಪರಿಕಲ್ಪನೆಯಡಿ ವೈಯಕ್ತಿಕ ಚಿಕಿತ್ಸಾ ವ್ಯವಸ್ಥೆ, ಸಾತ್ವಿಕ ನೈಸರ್ಗಿಕ ಆಹಾರ ಹಾಗೂ ಶಿಸ್ತುಬದ್ಧ ದಿನಚರ್ಯೆಯ ಮೂಲಕ ಸಮಗ್ರ ಆರೋಗ್ಯ ಮತ್ತು ಕಲ್ಯಾಣದ ದೃಷ್ಟಿಕೋನವನ್ನು ಅಳವಡಿಸಲಾಗಿದೆ ಎಂದು ಹೇಳಿದರು.
ಮಕರ ಸಂಕ್ರಾಂತಿ ಹಾಗೂ ಗಣರಾಜ್ಯೋತ್ಸವದ ಅಂಗವಾಗಿ ಅರುಜೀವ ಸಂಸ್ಥೆಯು ಕೆಳಕಂಡ ಉಚಿತ ಕಾರ್ಯಕ್ರಮಗಳನ್ನು ಆಯೋಜಿಸಿದೆ:
* ಅವೈನ್-ಎ-ಶಾಹಿ ಉದ್ಯಾನವನದಲ್ಲಿ ಉಚಿತ ಯೋಗ ತರಗತಿಗಳು
* ಅರುಜೀವ ವೈದ್ಯರಿಂದ ಉಚಿತ ವೈದ್ಯಕೀಯ ಸಲಹೆಗಳು
* ಅವೈನ್-ಎ-ಶಾಹಿ ಸಮೀಪದ ಎಸ್.ಎಸ್. ಪಾಟೀಲ್ ಅಪಾರ್ಟ್ಮೆಂಟ್ನಲ್ಲಿರುವ ಅರುಜೀವ ಸಿಟಿ ಕ್ಲಿನಿಕ್ನಲ್ಲಿ ಉಚಿತ ಸಲಹಾ ಶಿಬಿರ
ನಾಗರಿಕರು ಪೂರ್ವ ನೇಮಕಾತಿಯೊಂದಿಗೆ ಈ ಸೌಲಭ್ಯಗಳನ್ನು ಬಳಸಿಕೊಳ್ಳುವಂತೆ ಸಾರ್ವಜನಿಕರಲ್ಲಿ ಮನವಿ ಮಾಡಿದರು.
ಈ ಮಾಧ್ಯಮ ಸಂವಾದದ ಮೂಲಕ ಅರುಜೀವ ಆಯುರ್ವೇದವು ತನ್ನ ಜಾಗತಿಕ ದೃಷ್ಟಿಕೋನ, ಭವಿಷ್ಯದ ಯೋಜನೆಗಳು ಹಾಗೂ ಕಲಬುರಗಿಯನ್ನು ಅಂತರರಾಷ್ಟ್ರೀಯ ಸಮಗ್ರ ಚಿಕಿತ್ಸಾ ಗಮ್ಯಸ್ಥಾನವಾಗಿ ರೂಪಿಸುವ ಸಂಕಲ್ಪವನ್ನು ಮಾಧ್ಯಮ ವಲಯದೊಂದಿಗೆ ಹಂಚಿಕೊಳ್ಳಲು ನಿರೀಕ್ಷಿಸುತ್ತಿದೆ ಎಂದು ಹೇಳಿದರು. ಪತ್ರಿಕಾಗೋಷ್ಠಿಯಲ್ಲಿ ಡಾ.ಶಾಲಿನ್ ಭಾರತಿ, ಡಾ.ಸಂದೀಪ್ ಮ್ಯಾನೇಜಿಂಗ್, ಡಾ.ಆಕಾಂಕ್ಷಾ ಸಿದ್ದು ಇದ್ದರು
