ಕನ್ನಡ ನಾಡಗೀತೆಯಲ್ಲಿ ಹೊಸ ಚಿಂತನೆ ಅಗತ್ಯ – ಶಿವಲಿಂಗಪ್ಪ ಅಷ್ಟಗಿ ಅಭಿಪ್ರಾಯ
kkeditor
ಕಲಬುರಗಿಯಲ್ಲಿ ಸಪ್ತ ನೇಕಾರ ಸೇವಾ ಸಂಘದ ವತಿಯಿಂದ ಕನ್ನಡ ರಾಜ್ಯೋತ್ಸವ ಆಚರಣೆ
ಕನ್ನಡ ನಾಡಗೀತೆಯಲ್ಲಿ ಹೊಸ ಚಿಂತನೆ ಅಗತ್ಯ – ಶಿವಲಿಂಗಪ್ಪ ಅಷ್ಟಗಿ ಅಭಿಪ್ರಾಯ
ಕಲಬುರಗಿ : ಸಪ್ತ ನೇಕಾರ ಸೇವಾ ಸಂಘದ ಕಚೇರಿಯಲ್ಲಿ ಇಂದು ಕನ್ನಡ ರಾಜ್ಯೋತ್ಸವವನ್ನು ಭಾವಪೂರ್ಣವಾಗಿ ಆಚರಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಸಂಘದ ಅಧ್ಯಕ್ಷ ಶಿವಲಿಂಗಪ್ಪ ಅಷ್ಟಗಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಅವರು “*ಕನ್ನಡ ನಾಡಗೀತೆಯಲ್ಲಿ ಕಾಲಕ್ಕನುಗುಣವಾಗಿ ಹೊಸ ದಾರ್ಶನಿಕರ ಹೆಸರುಗಳು ಮತ್ತು ಸ್ಥಳ ನಾಮಗಳು ಸೇರಿ ಹೊಸ ನಾಡಗೀತೆ ರೂಪಗೊಳ್ಳಬೇಕು*” ಎಂದು ಅಭಿಪ್ರಾಯಪಟ್ಟರು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಸೌಹಾರ್ದ ಕಾಯ್ದೆ ಕುರಿತು ಮಾಹಿತಿ ನೀಡಲು ಆಗಮಿಸಿದ ತರಬೇತಿದಾರ ಶ್ರೀ ಶಿವಕಾಂತ್ ತೆಂಗಳಿ ಭಾಗವಹಿಸಿದ್ದರು. ಅವರನ್ನು ಸಂಘದ ಅಧ್ಯಕ್ಷ ಶಿವಲಿಂಗಪ್ಪ ಅಷ್ಟಗಿ ಅವರು ಶಾಲು ಹೊದಿಸಿ, ನೂಲಿನ ಹಾರ ಹಾಕಿ ಸನ್ಮಾನಿಸಿದರು. ನಂತರ ಅವರು ಸುಮಾರು ಒಂದು ಗಂಟೆ ಮೂರ್ನೂರು ನಿಮಿಷಗಳ ಕಾಲ ಸೌಹಾರ್ದ ಕಾಯ್ದೆಯ ಮಹತ್ವ ಹಾಗೂ ಅದರ ಅನುಷ್ಠಾನ ಕುರಿತು ಉಪನ್ಯಾಸ ನೀಡಿದರು.
ಇನ್ನೋರ್ವ ಅತಿಥಿಯಾಗಿ ಸಮುದಾಯದ ಸಂಪನ್ಮೂಲ ವ್ಯಕ್ತಿ ಬಿ.ಎಂ. ರಾವೋರ ಉಪಸ್ಥಿತರಿದ್ದು, ಅವರನ್ನು ಕೂಡ ಅವರ ಕನ್ನಡ ಸೇವೆಗಾಗಿ ಗೌರವಿಸಲಾಯಿತು. ತಮ್ಮ ಅಭಿನಂದನಾ ಮಾತಿನಲ್ಲಿ ಅವರು, “ಸಂಘದ ಕಳೆದ ಮೂರು ವರ್ಷದ ಚಟುವಟಿಕೆಗಳು ಸಂತೋಷಕರವಾಗಿವೆ. ಮಾನವನ ಮಾನ ಹೆಚ್ಚಿಸಲು ಮತ್ತು ಆರ್ಥಿಕ ಪ್ರಗತಿಯತ್ತ ಸಮುದಾಯವನ್ನು ಮುನ್ನಡೆಸಲು ಸಂಘ ನಿರಂತರ ಪ್ರಯತ್ನಿಸುತ್ತಿದೆ. ಈ ಸಂಘ ಚಿರಸ್ಥಾಯಿಯಾಗಿ ಬೆಳೆಯಲಿ” ಎಂದು ಹಾರೈಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕುರುಹಿನ್ ಶೆಟ್ಟಿ ಸಮಾಜದ ಖಜಾಂಚಿ ಮಲ್ಲಿನಾಥ್ ಕುಂಟೋಜಿ ವಹಿಸಿದ್ದರು. ಸಂಘದ ಉಪಾಧ್ಯಕ್ಷ ಶ್ರೀನಿವಾಸ್ ಬಲಪುರ ಸ್ವಾಗತ ಭಾಷಣ ಮಾಡಿದರು ಮತ್ತು ಕೊನೆಯಲ್ಲಿ ನ್ಯಾಯವಾದಿ ಜೆ.ಎಸ್. ವಿನೋದಕುಮಾರ ವಂದಿಸಿದರು.
ಕಾರ್ಯಕ್ರಮದಲ್ಲಿ ರಾಜು ಕೊಷ್ಠಿ, ಚಂದ್ರಶೇಖರ ಮ್ಯಾಳಗಿ ಹಾಗೂ ಸಂಘದ ಸದಸ್ಯರು ಮತ್ತು ನೇಕಾರ ಸಮುದಾಯದ ಅನೇಕರು ಉಪಸ್ಥಿತರಿದ್ದರು.
