ಬಾ ಗೆಳತಿ ಜೊತೆಯಾಗು ಈ ಜೀವಕ್ಕೆ
kkeditor
0
305
ಬಾ ಗೆಳತಿ ಜೊತೆಯಾಗು ಈ ಜೀವಕ್ಕೆ
ಬಾ ಗೆಳತಿ…
ಜೀವನ ಪಯಣಕ್ಕೆ,
ಸಾಯುವವರೆಗೂ ಜೊತೆಯಾಗು,
ಸರಿ–ತಪ್ಪುಗಳಲಿ ತಿದ್ದಿ ಹೇಳುವ
ಆತ್ಮೀಯ ಸಂಗಾತಿಯಾಗು.
ನೀನು ಅಂದುಕೊಂಡಷ್ಟು
ನಾನು ಒಳ್ಳೆಯವನು ಅಲ್ಲವೆಂದು ತಿಳಿದರೂ,
ನಿನ್ನನ್ನು ಕೈ ಬಿಡುವ ಕನಸೇ ನನಗಿಲ್ಲ;
ಈ ಹೃದಯವು ಮೊದಲೇ ತೀರ್ಮಾನಿಸಿದೆ,
ಈ ಬದುಕಿಗೆ ನೀನೇ ಒಡತಿ.
ಪ್ರೀತಿ ಹೇಳುವೆನು ನಿನಗೆ,
ಆದರೆ ಹೇಗೆ ಪ್ರೀತಿಸಬೇಕು ಎಂಬ ಪಾಠ
ನನಗಿಲ್ಲ ಗೊತ್ತಿಲ್ಲ,
ಆ ಪಾಠ ಹೇಳುವ ಗುರುವಾಗು ನೀನೆ.
ಸಿಗುವೆಯೋ ನೀನು,
ಸಿಗುವುದಿಲ್ಲವೋ ಗೊತ್ತಿಲ್ಲ ನನಗೆ;
ಆದರೂ ಬರೆದಿಟ್ಟಿದ್ದೇನೆ ಮನದ ಪುಸ್ತಕದಲ್ಲಿ
ನಮ್ಮ ಭವಿಷ್ಯದ ಕನಸುಗಳು.
ಒಮ್ಮೆ ನೀನು ಒಪ್ಪಿದರೆ,
ಈ ಜನ್ಮದಲ್ಲಿ ಕೈ ಹಿಡಿದರೆ,
ಸಂತೋಷ–ದುಃಖ, ಸುಖ–ಕಷ್ಟ ಎಲ್ಲದರಲ್ಲೂ
ಜೊತೆಯಾಗಿದ್ದರೆ…
ಆಗ ನೀನು ಕೇವಲ ಮಡದಿ ಅಲ್ಲ,
ನನ್ನ ತಾಯಿ, ನನ್ನ ಜೀವಾಳ.
ಲೇಖಕ -ಜೀವನ್ ಸುರೇಶ ಗಾಯಕವಾಡ
ಪರತಾಪೂರ, ಬಸವಕಲ್ಯಾಣ, ಬೀದರ
