ಅಂತರಾಷ್ಟ್ರೀಯ ಚಾಕಲೇಟ್ ದಿನದಂದು ‘ಚಾಕಲೇಟ್ ದಾನಿ’ ಎಸ್.ಜಿ. ಸೋಮಾಣಿಗೆ ಸನ್ಮಾನ
kkeditor
ಅಂತರಾಷ್ಟ್ರೀಯ ಚಾಕಲೇಟ್ ದಿನದಂದು ‘ಚಾಕಲೇಟ್ ದಾನಿ’ ಎಸ್.ಜಿ. ಸೋಮಾಣಿಗೆ ಸನ್ಮಾನ
ಕಲಬುರಗಿ: ಸೆಪ್ಟೆಂಬರ್ 13ರಂದು ಜರುಗಿದ ಅಂತರಾಷ್ಟ್ರೀಯ ಚಾಕಲೇಟ್ ದಿನದ ಅಂಗವಾಗಿ, ನಗರದಲ್ಲಿ ಪ್ರಸಿದ್ಧರಾದ ‘ಚಾಕಲೇಟ್ ದಾನಿ’ ನ್ಯಾಯವಾದಿ ಎಸ್.ಜಿ. ಸೋಮಾಣಿಯವರಿಗೆ ಅಂಡಗಿ ಪ್ರತಿಷ್ಠಾನದ ವತಿಯಿಂದ ಭಾವಪೂರ್ಣ ಸನ್ಮಾನ ಕಾರ್ಯಕ್ರಮ ಆಯೋಜಿಸಲಾಯಿತು.
ಅಂಡಗಿ ಪ್ರತಿಷ್ಠಾನದ ಅಧ್ಯಕ್ಷರಾದ ನ್ಯಾಯವಾದಿ ಶಿವರಾಜ ಅಂಡಗಿ ಅವರು ಶಾಲು ಹೊದಿಸಿ ಸನ್ಮಾನಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು, “ಸೋಮಣಿಯವರೊಂದಿಗೆ ನನಗೆ 27 ವರ್ಷಗಳ ಹಳೆಯ ಪರಿಚಯವಿದೆ. 1998ರಲ್ಲಿ ನಾನು ವಕೀಲ ವೃತ್ತಿ ಪ್ರಾರಂಭಿಸಿದಾಗ ಅವರು ಮೊದಲ ಬಾರಿಗೆ ಚಾಕಲೇಟ್ ನೀಡಿ ಕೈಕುಲುಕಿದ್ದರು. ನಂತರ ಎಲ್ಲಿ ಸಿಕ್ಕರೂ ಆತ್ಮೀಯವಾಗಿ ಸ್ನೇಹಿತರಿಗೆ ಚಾಕಲೇಟ್ ಹಂಚುತ್ತಾ ಸ್ನೇಹದ ಸಿಹಿಯನ್ನು ಕಾಪಾಡಿಕೊಂಡು ಬರುತ್ತಿದ್ದಾರೆ. ಇಂತಹ ನಿಸ್ವಾರ್ಥ ವ್ಯಕ್ತಿತ್ವ ಗೌರವಕ್ಕೆ ಅರ್ಹ” ಎಂದು ಅಭಿಪ್ರಾಯಪಟ್ಟರು.
ಸನ್ಮಾನ ಕಾರ್ಯಕ್ರಮದಲ್ಲಿ ಸೋಮಣಿಯವರ ಧರ್ಮಪತ್ನಿ, ಮಕ್ಕಳು ಹಾಗೂ ನ್ಯಾಯವಾದಿ ವಿನೋದಕುಮಾರ ಜನೇವರಿ ಉಪಸ್ಥಿತರಿದ್ದರು
**ಫೋಟೋ ವಿವರಣೆ:**
ಅಂತರಾಷ್ಟ್ರೀಯ ಚಾಕಲೇಟ್ ದಿನದ ಅಂಗವಾಗಿ ‘ಚಾಕಲೇಟ್ ದಾನಿ’ ಎಸ್.ಜಿ. ಸೋಮಣಿಯವರಿಗೆ ಅಂಡಗಿ ಪ್ರತಿಷ್ಠಾನದ ಅಧ್ಯಕ್ಷ ಶಿವರಾಜ ಅಂಡಗಿ ಸನ್ಮಾನ ಸಲ್ಲಿಸುತ್ತಿರುವ ದೃಶ್ಯ. ಜೊತೆಗೆ ವಿನೋದಕುಮಾರ ಜನೇವರಿ, ಸೋಮಣಿಯವರ ಕುಟುಂಬದವರು ಉಪಸ್ಥಿತರಿದ್ದಾರೆ.
