೨೦ನೇ ಶತಮಾನದ ಮಹಾನ್ ಕಾರಣಿಕ ಯುಗಪುರುಷ ಹಾನಗಲ್ಲ ಶ್ರೀಗಳು – ಹುಬ್ಬಳ್ಳಿಯ ಶ್ರೀ ಡಾ. ಗುರುಸಿದ್ದರಾಜಯೋಗೇಂದ್ರ ಸ್ವಾಮೀಜಿ ಅಭಿಪ್ರಾಯ

೨೦ನೇ ಶತಮಾನದ ಮಹಾನ್ ಕಾರಣಿಕ ಯುಗಪುರುಷ ಹಾನಗಲ್ಲ ಶ್ರೀಗಳು – ಹುಬ್ಬಳ್ಳಿಯ ಶ್ರೀ ಡಾ. ಗುರುಸಿದ್ದರಾಜಯೋಗೇಂದ್ರ ಸ್ವಾಮೀಜಿ ಅಭಿಪ್ರಾಯ

ಹುಬ್ಬಳ್ಳಿ:

“ಸಮ ಸಮಾಜ ನಿರ್ಮಾಣ, ಸರ್ವರಿಗೂ ಶಿಕ್ಷಣ, ಅಂಧರಿಗೆ ಸಂಗೀತ ಶಿಕ್ಷಣ, ಅಖಿಲ ಭಾರತ ವೀರಶೈವ ಮಹಾಸಭಾ ಹಾಗೂ ಶಿವಯೋಗ ಮಂದಿರ ಸ್ಥಾಪನೆ, ವಚನ ತಾಳೆ ಪ್ರತಿ ಸಂಗ್ರಹ, ಗೋಶಾಲೆ, ವಿಭೂತಿ ಮತ್ತು ಇಷ್ಟಲಿಂಗಗಳ ನಿರ್ಮಾಣ ಹೀಗೆ ಅನೇಕ ಕ್ಷೇತ್ರಗಳಲ್ಲಿ ಅಮೂಲ್ಯ ಕೊಡುಗೆ ನೀಡಿದವರು ಹಾನಗಲ್ಲ ಶ್ರೀಗಳು” ಎಂದು ಹುಬ್ಬಳ್ಳಿಯ *ಮೂರು ಸಾವಿರ ಮಠದ ಶ್ರೀ ಡಾ. ಗುರುಸಿದ್ದರಾಜಯೋಗೇಂದ್ರ ಮಹಾಸ್ವಾಮಿಗಳು* ಅಭಿಪ್ರಾಯಪಟ್ಟರು.

ಜುಲೈ 25 ರಂದು ವಿದ್ಯಾನಗರದ ಬಸವೇಶ್ವರ ಆಸ್ಪತ್ರೆ ಎದುರುಗಡೆ ನಡೆದ **ಹಾನಗಲ್ಲ ಶ್ರೀಗಳ ಪುರಾಣ ಮುಕ್ತಾಯ ಸಮಾರಂಭದಲ್ಲಿ** ಅವರು ದಿವ್ಯ ಸಾನಿಧ್ಯ ವಹಿಸಿದ್ದರು.

ಗದ್ದುಗೆ ಮಠದ *ಶ್ರೀ ಚರಲಿಂಗ ಮಹಾಸ್ವಾಮಿಗಳು* ಪುರಾಣ ಪ್ರವಚನವನ್ನು ಮಂಗಳಗೊಳಿಸಿದರು. *ಸಿದ್ರಾಮ ದೇವರು ವಿದ್ಯಾನಗರ ವೆಲ್‌ಫೇರ್ ಸೊಸೈಟಿಯ ಅಧ್ಯಕ್ಷ ಮಲ್ಲಿನಾಥ ದೇಶಮುಖ, ಕಾರ್ಯದರ್ಶಿ ಶಿವರಾಜ ಅಂಡಗಿ* ವೇದಿಕೆ ಮೇಲೆ ಉಪಸ್ಥಿತರಿದ್ದರು.

ವಿದ್ಯಾನಗರದ ಮುಖ್ಯದ್ವಾರದಿಂದ ಸಮುದಾಯ ಭವನದವರೆಗೆ ನಡೆದ **ಅದ್ದೂರಿ ಮೆರವಣಿಗೆಯಲ್ಲಿ** 101 ಕುಂಭಮೇಳ, ಬ್ಯಾಂಡ್ ಬಾಜೆ, ಡೊಳ್ಳುಕುಣಿತ, ಸಾರೋಟ ಇತ್ಯಾದಿಗಳೊಂದಿಗೆ ಅಕ್ಕಮಹಾದೇವಿ ಮಹಿಳಾ ಟ್ರಸ್ಟಿನ ಸದಸ್ಯರು ಹಾಗೂ ಭಕ್ತರು ಭಾವಪೂರ್ಣ ಸ್ವಾಗತ ಮಾಡಿದರು.

**ಹರಾಜು ಪ್ರಕ್ರಿಯೆ:**

* ತೊಟ್ಟಿಲು – ರೂ. 80,000 – *ಚೈತ್ರಾ ಶಿವಶರಣಪ್ಪ ಪಾಟೀಲ ಖಣದಾಳ*

* ಲಿಂಗದ ಕಾಯಿ – ರೂ. 25,000 – *ಗೌರಮ್ಮ ಪಾಟೀಲ*

* ಪಾಟಿ ಕೈಚೀಲ – ರೂ. 5,500 – *ಶರಣಮ್ಮ ಬೀದಿಮನಿ*

* ಹಾನಗಲ್ಲ ಶ್ರೀಗಳ ಭಾವಚಿತ್ರ – ರೂ. 1,100 – *ರೇಣುಕಾ ಬಿರಾದಾರ*

ಹರಾಜಿನ ನಂತರ ಶ್ರೀಗಳ ಆಶೀರ್ವಾದ ಪಡೆದು ಸಾವಿರಾರು ಭಕ್ತರು ಗೋದಿ ಹುಗ್ಗಿ ಅನ್ನ ಪ್ರಸಾದವನ್ನು ಸ್ವೀಕರಿಸಿದರು.

ಕಾರ್ಯಕ್ರಮ ಯಶಸ್ವಿಗೆ ವಿವಿಧ ಸಮಿತಿಗಳ ಅಧ್ಯಕ್ಷರು *ಬಸವರಾಜ ಎನ್. ಪುಣ್ಯಶೆಟ್ಟಿ, ವಿರೇಶ ನಾಗಶೆಟ್ಟಿ, ಬಸವಂತರಾವ ಜಾಬಶೆಟ್ಟಿ, ಸುಭಾಷ ಮಂಠಾಳೆ, ಮಧು ಹಿಂದೊಡ್ಡಿ, ನಾಗರಾಜ ಹೆಬ್ಬಾಳ, ಶ್ರೀಮಂತ ರಾಜಾಪೂರ, ತಾರಾ ಪಾಟೀಲ* ಮತ್ತು ಸದಸ್ಯರು ಶ್ರಮಪಟ್ಟು ಜವಾಬ್ದಾರಿಯನ್ನು ನಿರ್ವಹಿಸಿದರು ಎಂದು ಕಾರ್ಯದರ್ಶಿ ಶಿವರಾಜ ಅಂಡಗಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.