ಭೃಂಗಿ ಪಾಚೇಶ್ವರರ 10ನೇ ಜಾತ್ರಾ ಮಹೋತ್ಸವ: ಪ್ರಶಸ್ತಿ ಪ್ರದಾನ ಮತ್ತು ಧಾರ್ಮಿಕ ಉಪನ್ಯಾಸ ಕಾರ್ಯಕ್ರಮ ಜರಗಿತು

ಭೃಂಗಿ ಪಾಚೇಶ್ವರರ 10ನೇ ಜಾತ್ರಾ ಮಹೋತ್ಸವ: ಪ್ರಶಸ್ತಿ ಪ್ರದಾನ ಮತ್ತು ಧಾರ್ಮಿಕ ಉಪನ್ಯಾಸ ಕಾರ್ಯಕ್ರಮ ಜರಗಿತು 

ಚಿಂಚೋಳಿ ತಾಲ್ಲೂಕಿನ ಚಂದನಕೇರಾದಲ್ಲಿ ಭೃಂಗಿ ಪಾಚೇಶ್ವರರ 10ನೇ ಜಾತ್ರಾ ಮಹೋತ್ಸವದ ಅಂಗವಾಗಿ ಆಲೂರಿನ ಕೆಂಚಬಸವೇಶ್ವರ ಪುರಾಣ ಮಹಾಮಂಗಲ ಕಾರ್ಯಕ್ರಮದಲ್ಲಿ ನಿಡಗುಂದಾದ ಕರುಣೇಶ್ವರ ಶಿವಾಚಾರ್ಯರು ಸಾನಿಧ್ಯ ವಹಿಸಿದರು. ಈ ಸಂದರ್ಭದಲ್ಲಿ ಪತ್ರಕರ್ತ ಜಗನ್ನಾಥ ಶೇರಿಕಾರ, ವೈದ್ಯಾಧಿಕಾರಿ ಡಾ. ದೀಪಕ್ ಸಿ. ಪಾಟೀಲ, ಸಾವಯವ ಕೃಷಿಕ ಗುಂಡೇರಾಯ ಪಾಟೀಲ ಧೂಳಗೊಂಡ ಅವರಿಗೆ "ಚಂದನ ಸುಗಂಧ" ಪ್ರಶಸ್ತಿ ಹಾಗೂ ನಿವೃತ್ತ ಎಂಜಿನಿಯರ್ ರಾಜಶೇಖರ ಬಿರಾದಾರ ಅವರಿಗೆ "ಭೃಂಗಿಶ್ರೀ" ಪ್ರಶಸ್ತಿಯನ್ನು ಶ್ರೀಮಠದ ಅಭಿನವ ರಾಚೋಟೇಶ್ವರ ಶಿವಾಚಾರ್ಯರು ಪ್ರದಾನ ಮಾಡಿದರು.

ಶ್ರೇಷ್ಠ ಗುರುಗಳ ಆದರ್ಶ: ಕರುಣೇಶ್ವರ ಶಿವಾಚಾರ್ಯರ ಅಭಿಮತ

ಮಠಾಧೀಶರ ಗೌರವವನ್ನು ಹೆಚ್ಚಿಸಿದ ಮಹಾನ್ ಗುರು ಎಂದರೆ ಸಿದ್ಧಗಂಗೆಯ ಶಿವಕುಮಾರ ಸ್ವಾಮೀಜಿಗಳು ಎಂದು ನಿಡಗುಂದಾದ ಕರುಣೇಶ್ವರ ಶಿವಾಚಾರ್ಯರು ಅಭಿಪ್ರಾಯಪಟ್ಟರು. ಅವರು ಗುರುಗಳು ಭಕ್ತರ ಏಳಿಗೆಗಾಗಿ ತೊಡಗಿಸಿಕೊಂಡಿರುತ್ತಾರೆ ಮತ್ತು ಜೀವನ ಮೌಲ್ಯಗಳು ಸ್ಥಿರವಾಗಿ ಉಳಿಯಲು ಅವರ ಮಾರ್ಗದರ್ಶನ ಅಗತ್ಯವಿದೆ ಎಂದು ಹೇಳಿದರು. ಇದೇ ಸಂದರ್ಭದಲ್ಲಿ ಮಳಖೇಡದ ಅಭಿನವ ಕಾರ್ತಿಕೇಶ್ವರ ಶಿವಾಚಾರ್ಯರು ಗುರುಗಳ ಮಹತ್ವವನ್ನು ಬಣ್ಣಿಸಿದರು.

ಅತಿಥಿಗಳ ಭಾಷಣ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮ

ಕಾರ್ಯಕ್ರಮದಲ್ಲಿ ದೇವಸೂಗೂರಿನ ವೀರಭದ್ರಯ್ಯ ತಾತ, ಮಹಿಳಾ ಹಿತರಕ್ಷಣಾ ವೇದಿಕೆ ತಾಲ್ಲೂಕು ಅಧ್ಯಕ್ಷೆ ಉಮಾ ಪಾಟೀಲ, ವೀರಶೈವ ಲಿಂಗಾಯತ ಮಹಾಸಭೆ ತಾಲ್ಲೂಕು ಅಧ್ಯಕ್ಷ ಶರಣು ಪಾಟೀಲ, ಗುಲ್ಬರ್ಗ ವಿವಿಯ ಆಂಗ್ಲ ಪ್ರಾಧ್ಯಾಪಕ ಚಿಂತನ ರಾಠೋಡ್ ಸೇರಿದಂತೆ ಹಲವಾರು ಗಣ್ಯರು ಪಾಲ್ಗೊಂಡರು. ವಿಜೇತ ಮಕ್ಕಳಿಗೆ ವಚನ ಕಂಠಪಾಠ ಮತ್ತು ರಂಗೋಲಿ ಸ್ಪರ್ಧೆಯಲ್ಲಿ ಬಹುಮಾನ ವಿತರಿಸಲಾಯಿತು.

ಹರಾಜು ಕಾರ್ಯಕ್ರಮ

ಜೋಳ ರಾಶಿಯ ರಾಗೋಲು ಹರಾಜಿನಲ್ಲಿ ಕೃಷಿಕರಾದ ಹಣಮಂತರಾವ್ ಪಾಟೀಲ ಸಿನಿಗೊಂಡ ಅವರು ರೂ. 16,500ಕ್ಕೆ ಮತ್ತು ಕೆಂಚಬಸವೇಶ್ವರರ ತೊಟ್ಟಿಲು ರೂ. 9991ಕ್ಕೆ ನಾಗಣ್ಣ ಪೂಜಾರಿ ಪಡೆದುಕೊಂಡರು.

ಈ ಕಾರ್ಯಕ್ರಮವನ್ನು  ಮೀನಾಕ್ಷಿ ರೇವಣಸಿದ್ದಪ್ಪ ಮೋಘಾ ದಂಪತಿ ನಿರ್ಣಾಯಕರಾಗಿದ್ದರು.

ಕಸಾಪ ಅಧ್ಯಕ್ಷ ಸುರೇಶ ದೇಶಪಾಂಡೆ, ವೀರಭದ್ರಪ್ಪ ಸಿರಂಜಿ, ದತ್ತಾತ್ರೆಯ ರಾಯಗೋಳ, ಸಿದ್ದಣ್ಣ ವಟವಟಿ, ಶರಣಗೌಡ ಪಾಟೀಲ, ಅಮೃತರಾವ ರಾಮಗೊಂಡ, ಉಮೇಶ ಹಣಮಗೊಂಡ, ಸಿದ್ದಣ್ಣ ಸಿನಗೊಂಡ, ಭವಾನಿ ಫತೆಪುರ, ಸಚ್ಚಿದಾನಂದ ಸುಂಕದ್, ಶ್ರೀನಿವಾಸ ಚಿಂಚೋಳಿಕರ್, ಸಂಜೀವಕುಮಾರ ಪಾಟೀಲ ಯಂಪಳ್ಳಿ, ಕೇಶವ ಕುಲಕರ್ಣಿ, ಶಿವಪ್ರಸಾದ ಪಿಜಿ, ವಿರೂಪಾಕ್ಷಯ್ಯ ಮಠಪತಿ, ಜಗದೀಶ ಪಾಟೀಲ, ಡಾ. ಗುರುಪ್ರಸಾದ ಮರಗುತ್ತಿ, ಬಸವರಾಜ ಪಾಟೀಲ, ಮಹಾನಂದಪ್ರಭು, ಕಲ್ಲಯ್ಯಸ್ವಾಮಿ, ಸಂಪತಕುಮಾರ ಮುಸ್ತಾರಿ, ಮಲ್ಲಿನಾಥ ಮೇಲಗಿರಿ, ಮಂಜುನಾಥ ಸುನಾಗಮಠ, ಗಣೇಶ ಹೂಗಾರ, ಸಂತೋಷ ಪಾಟೀಲ ಮೊದಲಾದವರು ಇದ್ದರು.ಪುರಾಣಿಕರಾದ ಶಿವರುದ್ರಯ್ಯ ಮಠಪತಿ ಸ್ವಾಗತಿಸಿದರು. ಹಣಮಂತ ಪಾಣಿ ನಿರೂಪಿಸಿದರು. 

ಇದರಿಂದ ಭೃಂಗಿ ಪಾಚೇಶ್ವರರ ಜಾತ್ರಾ ಮಹೋತ್ಸವ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಮೌಲ್ಯಗಳನ್ನು ಹಂಚಿದ ಅಮೂಲ್ಯ ಸನ್ನಿವೇಶವಾಗಿ ಗುರುತಿಸಲಾಯಿತು.

ಗುರುಗಳು ತಮ್ಮ ಭಕ್ತರ ಭವಿಷ್ಯ ನಿರ್ಮಾಣಕ್ಕಾಗಿ ಶ್ರಮಿಸುತ್ತಾರೆ. ಅವರ ಮಾರ್ಗದರ್ಶನದಿಂದ ಭಕ್ತರಲ್ಲಿ ನೀತಿಯುತ ಬದುಕಿನ ಬುದ್ಧಿ ಮೂಡುತ್ತದೆ. ಗುರುಗಳ ಉಪದೇಶ ಬದುಕಿನ ಸತತ ಅಭಿವೃದ್ಧಿಗೆ ಪೂರಕವಾಗಿರುತ್ತದೆ. ಹೀಗಾಗಿ, ಜೀವನ ಮೌಲ್ಯಗಳ ಸ್ಥಿರತೆಗೆ ಅವರ ಮಾರ್ಗದರ್ಶನ ಅತ್ಯಗತ್ಯ.

                                                  -ಪತ್ರಕರ್ತ ಜಗನ್ನಾಥ ಶೇರಿಕಾರ