ಜೈ ಭವಾನಿ ಸಂಸ್ಥೆಯಲ್ಲಿ 79ನೇ ಸ್ವಾತಂತ್ರ್ಯೋತ್ಸವ ಆಚರಣೆ
kkeditor
ಜೈ ಭವಾನಿ ಸಂಸ್ಥೆಯಲ್ಲಿ 79ನೇ ಸ್ವಾತಂತ್ರ್ಯೋತ್ಸವ ಆಚರಣೆ
ಕಲಬುರಗಿ: ಜೈ ಭವಾನಿ ಶಿಕ್ಷಣ ಸಂಸ್ಥೆಯ ಅಪರಾಜಿತ ಶಾಲೆಯಲ್ಲಿ 79ನೇ ಭಾರತ ಸ್ವಾತಂತ್ರ್ಯೋತ್ಸವವನ್ನು ಭಾವಪೂರ್ಣವಾಗಿ ಹಾಗೂ ರಾಷ್ಟ್ರೀಯ ಭಾವನೆಯನ್ನು ಉಜ್ವಲಗೊಳಿಸಿ ಆಚರಿಸಲಾಯಿತು. ಬೆಳಗ್ಗೆ 8 ಗಂಟೆಗೆ ಧ್ವಜಾರೋಹಣವನ್ನು ಶ್ರೀಮತಿ ರೂಪಾಲಿ ಪ್ರವೀಣ್ ಜೈನ್ ಅವರ ಅಮೃತ ಹಸ್ತದಿಂದ ನೆರವೇರಿಸಲಾಯಿತು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಸಂಸ್ಥೆಯ ಅಧ್ಯಕ್ಷ ಶ್ರೀಮತಿ ಪುಷ್ಪಾಂಜಲಿ ಭಂಡಾರಿ ಸ್ವಾಗತ ಭಾಷಣ ಮೂಲಕ ಹಜರಾತಿಗೆ ಆಶಯ ವ್ಯಕ್ತಪಡಿಸಿದರು. ಮುಖ್ಯ ಅತಿಥಿ ರೂಪಾಲಿ ಜೈನ್ ತಮ್ಮ ಮಾತಿನಲ್ಲಿ ಮಹಿಳಾ ಸಬಲೀಕರಣ ಕುರಿತು ಮಾತಾಡಿ, ಸಂಸ್ಥೆಯ ಅಭಿವೃದ್ಧಿಗೆ ಭವಿಷ್ಯದಲ್ಲಿಯೂ ತಾವು ಸಹಕಾರಿಗಳಾಗುತ್ತಿರುವುದಾಗಿ ತಿಳಿಸಿದರು. ಕಿರಿಯ ಅತಿಥಿ ಕುಮಾರಿ ನಿಹಾರಿಕಾ ಜೈನ್ ಅವರು “ಸಮರ್ಪಿತ ಮಹಿಳೆಯೊಬ್ಬಳು ಎಲ್ಲವನ್ನೂ ಸಾಧಿಸಬಲ್ಲಳು” ಎಂಬ ಮಾತಿನಿಂದ ಅಧ್ಯಕ್ಷೆಯ ಕಾರ್ಯತತ್ತ್ವವನ್ನು ವಹಿಸಿದ್ದರು
ಸಂಪನ್ಮೂಲ ವ್ಯಕ್ತಿ ಹಾಗೂ ಹೋರಾಟಗಾರ್ತಿ ಶ್ರೀಮತಿ ದೀಪಾ ಡಿಗ್ಗಿಕರ ಅವರು ವಿದ್ಯಾರ್ಥಿಗಳ ಭವಿಷ್ಯ ಮತ್ತು ಶಿಕ್ಷಕರ ಪಾತ್ರವನ್ನು ಕುರಿತು ಪ್ರಭಾವಶಾಲಿವಾಗಿ ಮಾತನಾಡಿದರು. ಪೋಷಕ ಅತಿಥಿಯಾಗಿ ಭಾಗವಹಿಸಿದ ನ್ಯಾಯವಾದಿ ಶ್ರೀ ಜೆ. ಎಸ್. ವಿನೋದಕುಮಾರ ಅವರು ಕಲಬುರಗಿಯಲ್ಲಿನ ಶಿಕ್ಷಣ ಕ್ಷೇತ್ರದ ಪ್ರಗತಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು ಮತ್ತು ಸಂಸ್ಥೆಯ ಸೇವಾ ಮನೋಭಾವಕ್ಕೆ ಸಹಕಾರ ನೀಡುವುದಾಗಿ ತಿಳಿಸಿದರು.
ಕಾರ್ಯಕ್ರಮದಲ್ಲಿ ಮಕ್ಕಳಿಂದ ದೇಶಭಕ್ತಿ ಗೀತೆಗಳು, ನೃತ್ಯ ಹಾಗೂ ಭಾಷಣಗಳು ಮೂಡಿಬಂದವು. ಸಂಸ್ಥೆಯ ಕಾರ್ಯದರ್ಶಿ ಶ್ರೀ ರಾಜಗೋಪಾಲ ಭಂಡಾರಿ ವಂದನಾರ್ಪಣೆ ಮಾಡಿದರು.
ಕಾರ್ಯಕ್ರಮದಲ್ಲಿ ಸಂಸ್ಥೆಯ ಸಂಚಾಲಕಿ ಕುಮಾರಿ ಭೂಮಿಕಾ ಭಂಡಾರಿ ಹಾಗೂ ಶಿಕ್ಷಕಿಯರಾದ ಶ್ರೀಮತಿ ಭಾಗ್ಯಶ್ರೀ ದೊಡ್ಡಮನಿ, ವಿಜಯಲಕ್ಷ್ಮಿ, ರೇಣುಕಾ, ಸಹಾಯಕ ಉದಯಕುಮಾರ ರಾಮಶೆಟ್ಟಿ ಮತ್ತಿತರರು ಉಪಸ್ಥಿತರಿದ್ದರು. ಪಾಲಕರು ಹಾಗೂ ಪೋಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು.
