ವಕ್ಫ್ ತಿದ್ದುಪಡಿ ಕಾಯಿದೆ 2025 ವಿರೋಧಿಸಿ ಪ್ರತಿಭಟನೆ ಮತ್ತು ಜ್ಞಾಪಕ ಪತ್ರ ಸಲ್ಲಿಕೆ
kkeditor
ವಕ್ಫ್ ತಿದ್ದುಪಡಿ ಕಾಯಿದೆ 2025 ವಿರೋಧಿಸಿ ಪ್ರತಿಭಟನೆ ಮತ್ತು ಜ್ಞಾಪಕ ಪತ್ರ ಸಲ್ಲಿಕೆ
ಕಲಬುರಗಿ: ಕುಲ್ ಜಮಾಅತಿ ಇತ್ತಿಹಾದ್ ಕಲಬುರಗಿ ಸಂಘಟನೆಯ ವತಿಯಿಂದ ಕಲಬುರಗಿಯ ಡಿಸಿ ಕಚೇರಿ, ಮಿನಿ ವಿಧಾನ ಸೌಧದ ಮುಂದೆ ವಕ್ಫ್ ತಿದ್ದುಪಡಿ ಕಾಯಿದೆ 2025 ವಿರುದ್ಧ ಪ್ರತಿಭಟನೆ ಹಾಗೂ ಜ್ಞಾಪಕ ಪತ್ರ ಸಲ್ಲಿಕೆ ನಡೆಯಿತು. ಈ ಪ್ರತಿಭಟನೆ ಅಖಿಲ ಭಾರತ ಮುಸ್ಲಿಂ ವೈಯಕ್ತಿಕ ಕಾನೂನು ಮಂಡಳಿಯ ಮಾರ್ಗದರ್ಶನದ ಮೇರೆಗೆ ಆಯೋಜಿಸಲಾಯಿತು.
ಭಾರತದ ಗೌರವಾನ್ವಿತ ರಾಷ್ಟ್ರಪತಿ ಶ್ರೀಮತಿ ದ್ರೌಪದಿ ಮುರ್ಮು ಅವರಿಗೆ ಉದ್ದೇಶಿಸಿದ ಜ್ಞಾಪಕಪತ್ರದಲ್ಲಿ, ಇತ್ತೀಚೆಗೆ ಅಂಗೀಕೃತಗೊಂಡ ವಕ್ಫ್ ತಿದ್ದುಪಡಿ ಕಾಯಿದೆ 2025 ಸಾಂವಿಧಾನಿಕ ಹಕ್ಕುಗಳನ್ನು ಉಲ್ಲಂಘಿಸುತ್ತದೆ ಎಂದು ವಿವರಿಸಲಾಗಿದೆ. ಭಾರತೀಯ ಸಂವಿಧಾನದ ಕಲಂಗಳು 14, 25, 26 ಮತ್ತು 29ರಲ್ಲಿ ನಮೂದಿಸಿದ ಮೂಲ ಹಕ್ಕುಗಳಿಗೆ ಇದು ವಿರುದ್ಧವಾಗಿದೆ. ಈ ತಿದ್ದುಪಡಿಗಳು ಮುಸ್ಲಿಂ ಸಮುದಾಯದ ಧಾರ್ಮಿಕ, ಆಸ್ತಿ ಮತ್ತು ಆಡಳಿತ ಹಕ್ಕುಗಳ ಮೇಲೆ ಧಕ್ಕೆಯಾಗಿವೆ. ಅಸ್ಗರ್ ಚುಲ್ಬುಲ್, ಮೌಲಾನಾ ಶರೀಫ್ ಮಜಹರಿ, ಜಾಕೀರ್ ಹುಸೇನ್, ಮುಬೀನ್ ಅಹ್ಮದ್, ರಿಜ್ವಾನ್ ಸಿದ್ದೀಕಿ, ಶಹ್ನಾಝ್ ಅಖ್ತರ್, ಜಬ್ಬಾರ್ ಅಡ್ವೊಕೆಟ್, ಮೌಲಾನಾ ನೂಹ್, ಲಕ್ಷ್ಮಿಕಾಂತ್ ಹುಬ್ಬಳ್ಳಿ, ಪ್ರೊಫೆಸರ್ ಸಂಜಯ್ ಮಾಕಲ್, ಪ್ರತಿಭಟನಾಕಾರರು ಈ ತಿದ್ದುಪಡಿಗಳನ್ನು ತಕ್ಷಣವೇ ಹಿಂಪಡೆಯುವಂತೆ ಕೇಂದ್ರ ಸರ್ಕಾರವನ್ನು ಒತ್ತಾಯಿಸಿದರು ಹಾಗೂ ಭಾರತದ ಸಂವಿಧಾನಾತ್ಮಕ ಲೌಕಿಕತೆ ಮತ್ತು ಧಾರ್ಮಿಕ ಸ್ವಾತಂತ್ರ‍್ಯವನ್ನು ಕಾಪಾಡುವಂತೆ ಆಗ್ರಹಿಸಿದರು. ಶಾಂತಿಯುತ ಪ್ರತಿಭಟನೆ ನಂತರ, ಜ್ಞಾಪಕ ಪತ್ರವನ್ನು ಜಿಲ್ಲಾಧಿಕಾರಿಗೆ ಸಲ್ಲಿಸಲಾಯಿತು, ರಾಷ್ಟ್ರಪತಿಗೆ ರವಾನಿಸಲು ವಿನಂತಿಸಲಾಯಿತು
.
