ರಥೋತ್ಸವ, ಅಗ್ಗಿ, ಜಾತ್ರೆ — ಧಾರ್ಮಿಕ ತ್ರಿವೇಣಿ ಸಂಗಮದ ಸಂಭ್ರಮ: ಆಕರ್ಷಕ ಉದ್ಯಾನವನ ನೋಡಲು ಟೆಂಗಳಿಗೆ ಬನ್ನಿ!

ರಥೋತ್ಸವ, ಅಗ್ಗಿ, ಜಾತ್ರೆ — ಧಾರ್ಮಿಕ ತ್ರಿವೇಣಿ ಸಂಗಮದ ಸಂಭ್ರಮ: ಆಕರ್ಷಕ ಉದ್ಯಾನವನ ನೋಡಲು ಟೆಂಗಳಿಗೆ ಬನ್ನಿ!

ಪ್ರತಿ ವರ್ಷದಂತೆ ಈ ವರ್ಷವೂ ಏಪ್ರಿಲ್ ೧೭, ೧೮ ಮತ್ತು ೧೯ ರಂದು ಕಾಳಗಿ ತಾಲೂಕಿನ ಟೆಂಗಳಿ ಗ್ರಾಮದ ಶ್ರೀ ಭೀಮೇಶ್ವರ ದೇವಸ್ಥಾನದಲ್ಲಿ ಧಾರ್ಮಿಕ ತ್ರಿವೇಣಿ ಉತ್ಸವ—ಶ್ರೀ ಶರಣಬಸವೇಶ್ವರ ರಥೋತ್ಸವ, ರಾಚಣ್ಣ ವೀರಭದ್ರೇಶ್ವರ ಅಗ್ಗಿ ಹಾಗೂ ಭೀಮೇಶ್ವರ ಜಾತ್ರೆ ಅದ್ದೂರಿಯಾಗಿ ನಡೆಯಲಿದೆ.

ಈ ಧಾರ್ಮಿಕ ಪರ್ವವನ್ನು ಸಂದರ್ಶನಾತ್ಮಕವಾಗಿ ಆಯೋಜಿಸುವ ನಿಟ್ಟಿನಲ್ಲಿ ದೇವಸ್ಥಾನ ಟ್ರಸ್ಟ್ ಕಮಿಟಿಯ ನೂತನ ಅಧ್ಯಕ್ಷರಾದ ಯುವ ನಾಯಕ ವಿರೇಂದ್ರ ಬಿ. ವಾಲಿ ಅವರ ನೇತೃತ್ವದಲ್ಲಿ ಹಿರಿಯರ ಮಾರ್ಗದರ್ಶನ ಪಡೆದು ದೇವಸ್ಥಾನದ ಪರಿಸರವನ್ನು ವಿಶಿಷ್ಟ ರೀತಿಯಲ್ಲಿ ಅಲಂಕರಿಸಲಾಗಿದೆ. ಭಕ್ತರಿಗೆ ಸುಲಭವಾಗಿ ದರ್ಶನ ಹೊಂದಲು ಗುಣಮಟ್ಟದ ಕಲ್ಲು ಹಾಸಿಗೆ ಮಾರ್ಗ, ಆಕರ್ಷಕ ಉದ್ಯಾನವನ, ಹಸಿರಿನಿಂದ ಕೂಡಿದ ವಾತಾವರಣ, ಮೈದಾನ ಹಾಗೂ ಸ್ವಚ್ಛತೆದಾಯಕ ವ್ಯವಸ್ಥೆಗಳು ಮಾಡಲಾಗಿದೆ.

**ಆಯೋಜನೆಗಳ ವಿವರಗಳು ಹೀಗಿವೆ:**

- **ಏಪ್ರಿಲ್ ೧೭**: ಪಲ್ಲಕ್ಕಿ ಉತ್ಸವ. ಊರ ಮುಖ್ಯದ್ವಾರದಿಂದ ವಿವಿಧ ರಾಜ್ಯಗಳಿಂದ ಆಗಮಿಸುವ ಡ್ರಮ್ಸ್, ಚಂಡೆ, ವೀರಗಾಸೆ, ಡೊಳ್ಳುಕುಣಿತ, ಕೋಲಾಟ, ಭಜನಾ ಮಂಡಳಿ ಹಾಗೂ ಕಲಬುರಗಿಯ ಬ್ಯಾಂಜೋಗಳು ಸದ್ದು ಮಾಡಲಿವೆ.

- **ಏಪ್ರಿಲ್ ೧೮**: ಬೆಳಿಗ್ಗೆ ಅಗ್ನಿ ಪ್ರವೇಶ. ಸಂಜೆ ೬ ಗಂಟೆಗೆ ಶರಣಬಸವೇಶ್ವರ ರಥೋತ್ಸವ ಶ್ರೀ ಷ.ಬ್ರ. ಡಾ. ಶಾಂತಸೋಮನಾಥ ಶಿವಾಚಾರ್ಯರ ದಿವ್ಯ ಸಾನಿಧ್ಯದಲ್ಲಿ ನಡೆಯಲಿದೆ.

- **ಏಪ್ರಿಲ್ ೧೯**: ಬೆಳಿಗ್ಗೆಯಿಂದ ಸಂಜೆಯವರೆಗೂ ಅನ್ನದಾಸೋಹ, ಗೀಗಿ ಪಠಣಗಳು ನಡೆಯಲಿವೆ. ಸಂಜೆ ೪ ರಿಂದ ೬ ರವರೆಗೆ ಜಂಗಿ ಪೈಲ್ವಾನರಿಂದ ಕುಸ್ತಿ ಪಂದ್ಯಗಳು ನಡೆಯಲಿವೆ.

ಈ ಕಾರ್ಯಕ್ರಮಗಳ ಯಶಸ್ಸಿಗಾಗಿ ಶ್ರೀ ಭೀಮೇಶ್ವರ ದೇವಸ್ಥಾನ ಟ್ರಸ್ಟ್ ಕಮಿಟಿಯ ಗೌರವ ಅಧ್ಯಕ್ಷರಾದ ಸೋಮಶೇಖರ ಪಟೇದ, ಅಧ್ಯಕ್ಷ ವಿರೇಂದ್ರ ವಾಲಿ, ಉಪಾಧ್ಯಕ್ಷ ಭೀಮರಾವ ಬೇರನ, ಕೋಶಾಧಿಕಾರಿ ಚಂದ್ರಶೇಖರ ಮಂಗದ, ಪ್ರಧಾನ ಕಾರ್ಯದರ್ಶಿ ವೀರಭದ್ರಯ್ಯ ಸಾಲಿಮಠ ಹಾಗೂ ಎಲ್ಲಾ ಸದಸ್ಯರು ಶ್ರಮಿಸುತ್ತಿದ್ದಾರೆ.

ಎಲ್ಲಾ ಭಕ್ತರು ಈ ಧಾರ್ಮಿಕ ಉತ್ಸವದಲ್ಲಿ ಪಾಲ್ಗೊಂಡು ಶ್ರೀ ಭೀಮೇಶ್ವರ ದೇವರ ಕೃಪೆಗೆ ಪಾತ್ರರಾಗುವಂತೆ ವಿನಂತಿ.

 ಶಿವರಾಜ ಅಂಡಗಿ ಶ್ರೀ ಭೀಮೇಶ್ವರ ದೇವಸ್ಥಾನ ಟ್ರಸ್ಟ್ ಕಮಿಟಿ ತಿಳಿಸಿದರು