ರಾಜ್ಯೋತ್ಸವ ಪ್ರಶಸ್ತಿಗೆ ಕಲಬುರಗಿ ಜಿಲ್ಲೆಯ ಸೂಕ್ತ ಅಭ್ಯರ್ಥಿಗಳು :ಆರ್.ಕೆ. ಹುಡುಗಿ, ಲಕ್ಷ್ಮಣ್ ದಸ್ತಿ, ಡಿ.ಜಿ ಸಾಗರ, ಕೆ.ನೀಲಾ, ಬಸವರಾಜ ಕೊನೇಕ – ಸಾಹಿತ್ಯ, ಸಂಘಟನೆ, ಸಾಮಾಜಿಕ ಕ್ಷೇತ್ರದ ಜಿಲ್ಲೆಯ ಪ್ರಮುಖ ಸಾಧಕರು

ರಾಜ್ಯೋತ್ಸವ ಪ್ರಶಸ್ತಿಗೆ ಕಲ್ಬುರ್ಗಿ ಜಿಲ್ಲೆಯ ಸೂಕ್ತ ಅಭ್ಯರ್ಥಿಗಳು:

ಆರ್.ಕೆ. ಹುಡುಗಿ, ಲಕ್ಷ್ಮಣ್ ದಸ್ತಿ, ಡಿ.ಜಿ ಸಾಗರ, ಕೆ.ನೀಲಾ, ಬಸವರಾಜ ಕೊನೇಕ – ಸಾಹಿತ್ಯ, ಸಂಘಟನೆ, ಸಾಮಾಜಿಕ ಕ್ಷೇತ್ರದ ಜಿಲ್ಲೆಯ ಪ್ರಮುಖ ಸಾಧಕರು

ಕಲಬುರಗಿ: ಸಾಹಿತ್ಯ, ಸಾಮಾಜಿಕ, ಸಂಘಟನೆ ಹಾಗೂ ಅನುವಾದ ಕ್ಷೇತ್ರದಲ್ಲಿ ಅಸಾಮಾನ್ಯ ಸೇವೆ ಸಲ್ಲಿಸಿರುವ ಕಲಬುರ್ಗಿ ಜಿಲ್ಲೆಯ ಖ್ಯಾತ ಸಾಹಿತಿ ಹಾಗೂ ಪ್ರಾಧ್ಯಾಪಕ ಆರ್.ಕೆ. ಹುಡುಗಿ ಅವರು 2025-26ನೇ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿಗೆ ಅರ್ಹ ವ್ಯಕ್ತಿಗಳಾಗಿದ್ದಾರೆ.

ಮೂಲತಃ ಬೀದರ ಜಿಲ್ಲೆಯ ಬಸವಕಲ್ಯಾಣ ತಾಲ್ಲೂಕಿನ ಮುಚ್ಚಳಂಬ ಗ್ರಾಮದವರಾದ ಆರ್.ಕೆ. ಹುಡುಗಿಯವರು ಕಳೆದ ಅನೇಕ ವರ್ಷಗಳಿಂದ ಕಲಬುರ್ಗಿಯನ್ನೇ ತಮ್ಮ ಕಾರ್ಯಕ್ಷೇತ್ರವನ್ನಾಗಿ ಮಾಡಿಕೊಂಡಿದ್ದಾರೆ. ಅವರು ಹೈದರಾಬಾದ್ ಕರ್ನಾಟಕ ಶಿಕ್ಷಣ ಸಂಸ್ಥೆಯ **ಅಪ್ಪ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಇಂಗ್ಲಿಷ್ ಪ್ರಾಧ್ಯಾಪಕರಾಗಿ** ಕರ್ತವ್ಯ ನಿರ್ವಹಿಸಿ ಪ್ರಸ್ತುತ ನಿವೃತ್ತ ಜೀವನ ನಡೆಸುತ್ತಿದ್ದಾರೆ.

ಅವರು ಅಧ್ಯಾಪಕರಾಗಿರುವುದಕ್ಕಿಂತಲೂ ಹೆಚ್ಚಾಗಿ ಅವರು **ಸಾಹಿತಿ, ಸಂಘಟಕ ಮತ್ತು ಹಿಂದುಳಿದ, ಶೋಷಿತರ ಧ್ವನಿಯಾಗಿ** ಸಾಮಾಜಿಕ ಜಾಗೃತಿ ಮೂಡಿಸುವ ಕಾರ್ಯದಲ್ಲಿ ನಿರಂತರವಾಗಿ ತೊಡಗಿಸಿಕೊಂಡಿದ್ದಾರೆ. ಸಾಹಿತ್ಯ ಕ್ಷೇತ್ರದಲ್ಲಿ ಅವರ ಕೃತಿಗಳು ವಿಶಿಷ್ಟವಾದ ಸಾಮಾಜಿಕ ಸಂವೇದನೆ ಹಾಗೂ ಮಾನವೀಯ ಮೌಲ್ಯಗಳಿಂದ ಕೂಡಿವೆ.

ಅವರ ಪ್ರಮುಖ ಕೃತಿಗಳಲ್ಲಿ “ಆರನೇ ಹೆಂಡತಿ – ಆತ್ಮಕಥೆ”, “ಧರೆ ಹೊತ್ತಿ ಉರಿದಾಗ”, “ಭಯೋತ್ಪಾದಕ”, “ಜಾತಿ ವ್ಯವಸ್ಥೆ”, “ಬುಡಬೇರು” ಮುಂತಾದವು ವಿಶೇಷ ಖ್ಯಾತಿ ಪಡೆದಿವೆ. ಇವರು ಅನುವಾದ ಸಾಹಿತ್ಯಕ್ಕೂ ಮಹತ್ವದ ಕೊಡುಗೆ ನೀಡಿದ್ದು, ಕನ್ನಡ ಸಾಹಿತ್ಯ ಲೋಕದಲ್ಲಿ ವಿಭಿನ್ನ ಧ್ವನಿಯಾಗಿ ಗುರುತಿಸಿಕೊಂಡಿದ್ದಾರೆ.

ಕರ್ನಾಟಕ ಸಾಹಿತ್ಯ ಅಕಾಡೆಮಿಯಿಂದ ಗೌರವ ಪುರಸ್ಕಾರ ಸೇರಿದಂತೆ ಹಲವು ಸಂಸ್ಥೆಗಳಿಂದ ಪ್ರಶಸ್ತಿಗಳನ್ನು ಪಡೆದಿರುವ ಆರ್.ಕೆ. ಹುಡುಗಿ ಅವರು ಯುವ ಸಾಹಿತ್ಯಕಾರರಿಗೆ ಪ್ರೇರಣೆಯಾಗಿದ್ದಾರೆ.

ಕಲಬುರ್ಗಿ ಜಿಲ್ಲೆಯ ಸಾಹಿತ್ಯ ಪ್ರೇಮಿಗಳು ಹಾಗೂ ಸಾಮಾಜಿಕ ವಲಯದವರು ರಾಜ್ಯ ಸರ್ಕಾರವು **ಆರ್.ಕೆ. ಹುಡುಗಿ ಅವರಿಗೆ ರಾಜ್ಯೋತ್ಸವ ಪ್ರಶಸ್ತಿಯನ್ನು ನೀಡುವ ಮೂಲಕ ಅವರ ಸಾಹಿತ್ಯ ಹಾಗೂ ಸಾಮಾಜಿಕ ಸೇವೆಯನ್ನು ಗೌರವಿಸಬೇಕು** ಎಂದು ಒತ್ತಾಯಿಸಿದ್ದಾರೆ.

                             *******************

ಕೆ. ನೀಲಾ — ರಾಜ್ಯೋತ್ಸವ ಪ್ರಶಸ್ತಿಗೆ ಸೂಕ್ತ ಮಹಿಳಾ ಅಭ್ಯರ್ಥಿ

ಕರ್ನಾಟಕದ ಪ್ರಮುಖ ಹೋರಾಟಗಾರ್ತಿ, ಕಥೆಗಾರ್ತಿ ಹಾಗೂ ಸಮಾಜ ಸೇವಕಿ ಕೆ. ನೀಲಾ ಅವರು 2025-26ನೇ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿಗೆ ಅತ್ಯಂತ ಅರ್ಹ ಮಹಿಳಾ ಅಭ್ಯರ್ಥಿಯಾಗಿದ್ದಾರೆ.

ಕೆ. ನೀಲಾ ಅವರು 1966ರ ಆಗಸ್ಟ್ 1ರಂದು ಬೀದರ ಜಿಲ್ಲೆಯ ಬಸವಕಲ್ಯಾಣದಲ್ಲಿ ಜನಿಸಿದವರು. ಬಾಲ್ಯದಿಂದಲೇ ಓದು, ಬರಹ, ಸಾಹಿತ್ಯದ ಆಸಕ್ತಿ ಬೆಳೆಸಿಕೊಂಡ ಅವರು, ಸಾಮಾಜಿಕ ನ್ಯಾಯಕ್ಕಾಗಿ ಹೋರಾಡುತ್ತಿರುವರು.

ಕೆ.ನೀಲಾ ಅವರ ಕತೆಗಳು, ಕವನಗಳು, ಲೇಖನಗಳು ಹಲವು ಪ್ರಮುಖ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ. ತೊಗರಿ ಬೆಲೆ ಹೋರಾಟದ ಸಮಯದಲ್ಲಿ ಜೈಲಿನ ಅನುಭವವನ್ನು ಒಳಗೊಂಡು ಬರೆದ ‘ಬದುಕು ಬಂದೀಖಾನೆ’ ಕೃತಿ ಇವರ ಹೃದಯದ ಧ್ವನಿಯಾಗಿದೆ.

ಮಹಿಳೆ – ಸಮಸ್ಯೆ ಸವಾಲುಗಳು ಜ್ಯೋತಿಯೊಳಗಣ ಕಾಂತಿ,ತಿಪ್ಪೆಯನರಸಿ,ಇತರ ಕತೆಗಳು,ರೈಲು ಚಿತ್ರಗಳು ಅಂಚಿನಲ್ಲಿ* (ಪ್ರವಾಸಕಥನ),ನೆಲದ ಪಿಸಿಮಾತು,ನೆಲದ ನಂಟು,ಬಾಳ ಕೌದಿ,(ಅಂಕಣ ಬರಹಗಳು),ಕರುಳಿರಿಯುವ ನೋವು ಈ ಕತೆ ಬಿ.ಎ ಮತ್ತು ಬಿ.ಕಾಂ ನಾಲ್ಕನೇ ಸೆಮಿಸ್ಟರ್ ಪಠ್ಯವಾಗಿದೆ.

ಪ್ರಶಸ್ತಿಗಳು ಮತ್ತು ಗೌರವಗಳು: ಗುಲಬರ್ಗಾ ವಿಶ್ವವಿದ್ಯಾಲಯದ ರಾಜಪುರೋಹಿತ ದತ್ತಿ ಪುರಸ್ಕಾರ* ಹಾಗೂ *ಚಿನ್ನದ ಪದಕದೊಂದಿಗೆ ಪ್ರಥಮ ಬಹುಮಾನ,ಮುನ್ನೂರು ಪ್ರತಿಷ್ಠಾನದ *ಅಮ್ಮ ಪ್ರಶಸ್ತಿ* (2009),ಪ್ರಜಾವಾಣಿ ದೀಪಾವಳಿ ಸಂಭ್ರಮ ಕಥಾಸ್ಪರ್ಧೆಯ *ತಿಪ್ಪೆಯನರಸಿ* ಕತೆಗೆ ದ್ವಿತೀಯ ಬಹುಮಾನ (2000),ಶ್ರೀಮತಿ ಯಶೋಧಾ ರಾಗೌ ಟ್ರಸ್ಟ್‌ನ *ಶ್ರೀಮತಿ ಕವಿತಾ ಸ್ಮಾರಕ ಪ್ರಶಸ್ತಿ* (2011), ಸಾಮಾಜಿಕ ಸೇವೆಗೆ *ಕಿತ್ತೂರ ರಾಣಿ ಚೆನ್ನಮ್ಮ ಪ್ರಶಸ್ತಿ* (2019)

ಸಾಹಿತ್ಯ ಸಮ್ಮೇಳನ

* ಬೀದರ ಜಿಲ್ಲೆಯ *ಬಂಡಾಯ ಸಾಹಿತ್ಯ ಸಮ್ಮೇಳನ (2012)* ಸರ್ವಾಧ್ಯಕ್ಷೆ

* *ಬೀದರ ಜಿಲ್ಲಾ ಮಹಿಳಾ ಸಾಹಿತ್ಯ ಸಮ್ಮೇಳನ (2013)* ಅಧ್ಯಕ್ಷೆ

* *ಕರ್ನಾಟಕ ಸಾಹಿತ್ಯ ಅಕಾಡೆಮಿ ಸದಸ್ಯೆ*

* *ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿನಿಧಿ ಪ್ರಶಸ್ತಿ* ಪುರಸ್ಕೃತ

ಸಮಾಜಸೇವೆ ಮತ್ತು ಹೋರಾಟ:

ಕೆ. ನೀಲಾ ಅವರು ವರದಕ್ಷಿಣೆ ವಿರೋಧಿ, ಮಹಿಳಾ ಹಿಂಸೆ, ಅತ್ಯಾಚಾರ, ಮಕ್ಕಳ ಮೇಲಿನ ಹಿಂಸೆ ಇತ್ಯಾದಿ ಸಾಮಾಜಿಕ ಅನ್ಯಾಯಗಳ ವಿರುದ್ಧ ಧೈರ್ಯವಾಗಿ ಹೋರಾಟ ನಡೆಸಿದ್ದಾರೆ. ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಯೋಜನೆಯಡಿಯಲ್ಲಿ ಸಾವಿರಾರು ಕೂಲಿ ಕಾರ್ಮಿಕರಿಗೆ ಉದ್ಯೋಗ ಕಲ್ಪಿಸಿದ ಸೇವೆ ಅಮೂಲ್ಯವಾದುದ್ದು.

ಕೆ.ನೀಲಾ ಅವರ ಜೀವನ ಮತ್ತು ಹೋರಾಟ ವರ್ತಮಾನದ ಸಮಾಜಕ್ಕೆ ಮಾದರಿಯಾಗಿದ್ದಾರೆ. ಮಹಾತ್ಮ ಗಾಂಧೀ ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆ ಅಡಿಯಲ್ಲಿ ಕಲಬುರಗಿ ಜಿಲ್ಲೆಯು ರಾಷ್ಟ್ರಮಟ್ಟದಲ್ಲಿ ಹೆಸರು ಗಳಿಸಲು ಅವರ ಕೆಲಸಗಳು ಮುಖ್ಯವಾಗಿವೆ.

ಇಂತಹ ಸಾಹಿತ್ಯ, ಸಮಾಜ ಸೇವೆ ಮತ್ತು ಹೋರಾಟದ ಮೂಲಕ ಮಾನವೀಯತೆ ಸಾರುವ ಕೆ. ನೀಲಾ ಅವರಿಗೆ ಕಲಬುರಗಿ ಜಿಲ್ಲೆಯ ಪರವಾಗಿ “ರಾಜ್ಯೋತ್ಸವ ಪ್ರಶಸ್ತಿ” ದೊರಕುವುದು ಕಲಬುರಗಿಯ ಹೆಮ್ಮೆ ಅನಿಸಲಿದೆ.

                   ****************************

ಲಕ್ಷ್ಮಣ ದಸ್ತಿ — ಕಲ್ಯಾಣ ಕರ್ನಾಟಕ ಅಭಿವೃದ್ಧಿಪರ ಹೋರಾಟದ ಮುಂಚೂಣಿ ಧ್ವನಿ: ರಾಜ್ಯೋತ್ಸವ ಪ್ರಶಸ್ತಿಗೆ ಅರ್ಹ ವ್ಯಕ್ತಿ

ಕಲ್ಯಾಣ ಕರ್ನಾಟಕ ಅಭಿವೃದ್ಧಿಯಲ್ಲಿ ತಮ್ಮ ಸಕ್ರಿಯ ದೀರ್ಘಕಾಲೀನ ಹೋರಾಟಗಳ ಮೂಲಕ ಜನಸೊರೆಗೊಂಡವರು ಡಾ. ಲಕ್ಷ್ಮಣ ದಸ್ತಿ ಅವರು. ರಾಜ್ಯದ ಸಾಮಾಜಿಕ ಮತ್ತು ಪ್ರಾದೇಶಿಕ ನ್ಯಾಯಕ್ಕಾಗಿ ಕಟಿಬದ್ಧರಾಗಿ ತಮ್ಮಿಡಿ ಜೀವನವನ್ನು ಸವೆಸಿದರು. **ಲಕ್ಷ್ಮಣ ದಸ್ತಿ**. ಇವರು ಕಲಬುರ್ಗಿ ಜಿಲ್ಲೆಯ ಪ್ರಜಾಹಿತ ಚಿಂತಕ, ಹೋರಾಟಗಾರ ಮತ್ತು ಸಂಘಟಕರಾಗಿ ಹಲವು ದಶಕಗಳಿಂದ ಕಲ್ಯಾಣ ಕರ್ನಾಟಕದ ಹಿಂದುಳಿದ ಪ್ರದೇಶದ ಹಕ್ಕುಗಳಿಗಾಗಿ ಶ್ರಮಿಸುತ್ತಿದ್ದಾರೆ.

ಹೈದರಾಬಾದ್ ಕರ್ನಾಟಕಕ್ಕೆ 371ನೇ ಕಲಂನಡಿ ಸೌಲತ್ತುಗಳನ್ನು ಕೊಡಿಸುವ ಹೋರಾಟದಲ್ಲಿ ಅವರ ಪಾತ್ರ ಬಹಳ ಮಹತ್ವದ್ದು. ಮಾನ್ಯ ಲಿಂಗೈಕ್ಯ ವೈಜನಾಥ ಪಾಟೀಲ ಅವರ ನೇತೃತ್ವದಲ್ಲಿ ನಡೆದ ಈ ಹೋರಾಟದಲ್ಲಿ ಇವರು ಸಹಯೋಧರಾಗಿ ಅನೇಕ ಧರಣಿ, ಪ್ರತಿಭಟನೆ, ಉಪವಾಸ ಸತ್ಯಾಗ್ರಹಗಳಲ್ಲಿ ಪಾಲ್ಗೊಂಡು ಜನಜಾಗೃತಿ ಮೂಡಿಸಿದವರು. ಅವರ ನಿರಂತರ ಹೋರಾಟದ ಫಲವಾಗಿ ಈ ಪ್ರದೇಶಕ್ಕೆ **ಸಂವಿಧಾನದ 371(ಜೆ)** ಕಲಂ ಜಾರಿಯಾಗಿ, ಕಲ್ಯಾಣ ಕರ್ನಾಟಕದ ವಿದ್ಯಾರ್ಥಿಗಳು, ಯುವಕರು ಮತ್ತು ಉದ್ಯೋಗಾರ್ಥಿಗಳಿಗೆ ಬದುಕಿನ ಹೊಸ ದಾರಿ ತೆರೆದಿದೆ.

ಡಾ. ಲಕ್ಷ್ಮಣ ದಸ್ತಿ ಅವರ ಹೋರಾಟ ಅಲ್ಲಿಯೇ ನಿಲ್ಲಲಿಲ್ಲ. 371(ಜೆ) ಕಲಂ ಜಾರಿಯಾದ ನಂತರ ಅದರ **ಸಂಪೂರ್ಣ ಅನುಷ್ಠಾನ**ಕ್ಕಾಗಿ ಅವರು ನಿರಂತರ ಹೋರಾಟ ಮುಂದುವರಿಸಿದ್ದಾರೆ. ಸರ್ಕಾರದ ನಿರ್ಲಕ್ಷ್ಯಕ್ಕೆ ವಿರುದ್ಧವಾಗಿ ಒತ್ತಡದ ರಾಜಕಾರಣ ಮಾಡಿ, ಜನರ ಧ್ವನಿಯನ್ನು ಅಧಿಕಾರದ ಕಿವಿಗೆ ತಲುಪಿಸಲು ಅವರ ಪ್ರಯತ್ನಗಳು ಇಂದು ಕೂಡಾ ಸಕ್ರಿಯವಾಗಿವೆ.

ಲಕ್ಷ್ಮಣ ದಸ್ತಿ ಅವರು ಕರ್ನಾಟಕ ತರುಣ ಸಂಘವನ್ನು ಸ್ಥಾಪಿಸಿ ಯುವಕರನ್ನು ಹೋರಾಟ ಮತ್ತು ಸಾಮಾಜಿಕ ಚಳವಳಿಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.ಇದಲ್ಲದೆ ಅವರು 

ಹೈದರಾಬಾದ್ ಕರ್ನಾಟಕ ಮಲತಾಯಿ ಧೋರಣೆ**ಗೆ ವಿರೋಧ ವ್ಯಕ್ತಪಡಿಸಿದ್ದಾರೆ,

* **ಕೃಷ್ಣ ಮೇಲ್ದಂಡೆ ಯೋಜನೆ**ಗೆ ಸಂಬಂಧಿಸಿದ ಅನ್ಯಾಯದ ವಿರುದ್ಧ ಹೋರಾಟ ನಡೆಸಿದ್ದಾರೆ,

* ಈ ಭಾಗದ **440 ಇಂಜಿನಿಯರಿಂಗ್ ವಿದ್ಯಾರ್ಥಿಗಳಿಗೆ ನೇಮಕಾತಿ** ದೊರಕಿಸಲು ಒತ್ತಾಯಿಸಿದ್ದಾರೆ,

* **ವಿಮೋಚನೆ ದಿನಾಚರಣೆ**ಗಳನ್ನು ಪ್ರತಿ ವರ್ಷ ಆಚರಿಸಿ ಜನರಲ್ಲಿ ಜಾಗೃತಿ ಮೂಡಿಸಿದ್ದಾರೆ,

* **ನಂಜುಂಡಪ್ಪ ವರದಿ ಅನುಷ್ಠಾನ**ಕ್ಕಾಗಿ ಹೋರಾಟ ಮುಂದುವರಿಸಿದ್ದಾರೆ,

* ಹಾಗೂ **37ನೇ ಫಿಲಂ ತಿದ್ದುಪಡಿ** ಕುರಿತ ಚಳವಳಿಯಲ್ಲೂ ಧ್ವನಿ ಎತ್ತಿದ್ದಾರೆ.

ಆದ್ದರಿಂದ ಲಕ್ಷ್ಮಣ ದಸ್ತಿ ಅವರು 2025-26ನೇ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿಗೆ ಅತ್ಯಂತ ಅರ್ಹ ವ್ಯಕ್ತಿ.

              ****************************

ಹೋರಾಟವೇ ಬದುಕು— ಡಿ. ಜಿ. ಸಾಗರ ರಾಜ್ಯೋತ್ಸವ ಪ್ರಶಸ್ತಿಗೆ ಸೂಕ್ತ ವ್ಯಕ್ತಿ.

**ಕಲಬುರ್ಗಿ:** ಕಳೆದ ನಾಲ್ಕು ದಶಕಗಳಿಂದ ಸಮಾಜ, ಶಿಕ್ಷಣ, ಹೋರಾಟ ಹಾಗೂ ಸಂಸ್ಕೃತಿ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಹಿರಿಯ ಸಮಾಜಸೇವಕ **ಡಿ. ಜಿ. ಸಾಗರ (ಧುಳಪ್ಪ ಗುಂಡಪ್ಪ ಸಾಗರ)** 

ಇವರು ಮೂಲತಃ ಆಳಂದ ತಾಲೂಕಿನ ಭೀಮನಗರ (ನರೋಣ) ಗ್ರಾಮದವರು. ಡಿ. ಜಿ. ಸಾಗರ ಅವರು ಸಮಾಜದ ಶೋಷಿತ ವರ್ಗ, ರೈತರು, ಮಹಿಳೆಯರು ಹಾಗೂ ವಿದ್ಯಾರ್ಥಿಗಳ ಹಕ್ಕುಗಳ ಪರ ನಿರಂತರ ಹೋರಾಟ ನಡೆಸಿ ಹೆಸರಾಂತ ಹೋರಾಟಗಾರರಾಗಿದ್ದಾರೆ. ಸಂವಿಧಾನಾತ್ಮಕ ಹಕ್ಕುಗಳ ರಕ್ಷಣೆಗೆ ತಮ್ಮ ಜೀವನವನ್ನೇ ಸಮರ್ಪಿಸಿದ ಅವರು, ಕಲ್ಯಾಣ ಕರ್ನಾಟಕ ಪ್ರದೇಶದ ಜನರ ಹಕ್ಕು ಸಂರಕ್ಷಣೆಯ ಹಾದಿಯಲ್ಲಿ ನಿಂತು ಹಲವಾರು ಜನಜಾಗೃತಿ ಕಾರ್ಯಕ್ರಮಗಳನ್ನು ಮಾಡಿದ್ದಾರೆ.

ಡಿ. ಜಿ. ಸಾಗರ ಅವರು ಎಂ.ಎಸ್.ಐ. ಕಾಲೇಜು, ಕಲಬುರ್ಗಿಯಿಂದ **B.A.** ಮತ್ತು **M.A.** ಪದವಿಗಳನ್ನು ಹಾಗೂ ಎಸ್.ಎಸ್.ಎಲ್ ಕಾನೂನು ಕಾಲೇಜಿನಿಂದ **LL.B.** ಪದವಿಯನ್ನು ಪಡೆದಿದ್ದಾರೆ.

ಕಲ್ಯಾಣ ಕರ್ನಾಟಕ ಪ್ರದೇಶದಲ್ಲಿ ರೈತರು ಮತ್ತು ದಲಿತರ ಹಕ್ಕುಗಳ ಪರ ಹೋರಾಟ ನಡೆಸಿದ ಸಾಗರ ಅವರು ಅನೇಕ ಪ್ರತಿಭಟನೆಗಳು, ಸಭೆಗಳು ಮತ್ತು ಸಂವಿಧಾನ ಜಾಗೃತಿ ಅಭಿಯಾನಗಳನ್ನು ನಡೆಸಿದ್ದಾರೆ.

ಮಹಿಳೆಯರ ವಿರುದ್ಧದ ಅಸಮಾನತೆ ಮತ್ತು ಮೂಢನಂಬಿಕೆಗಳ ವಿರುದ್ಧ ಜನರ ಮನಸ್ಸಿನಲ್ಲಿ ಜಾಗೃತಿ ಮೂಡಿಸುವಲ್ಲಿ ಅವರ ಪಾತ್ರ ಪ್ರಮುಖವಾಗಿದೆ.

ಸಾಗರ ಅವರು ಜಾತಿ, ಧರ್ಮ ಅಥವಾ ವರ್ಗಕ್ಕೆ ಸೀಮಿತವಾಗದೆ ಎಲ್ಲ ವರ್ಗದ ಶೋಷಿತರ ಪರವಾಗಿ ಕೆಲಸ ಮಾಡುತ್ತಿದ್ದಾರೆ.

ಇಂತಹ ಮಹಾನ್ ಹೋರಾಟಗಾರ ಡಿ. ಜಿ. ಸಾಗರ ಅವರ ದೀರ್ಘಕಾಲದ ಸೇವೆ, ಸತ್ಯನಿಷ್ಠೆ ಮತ್ತು ಸಮಾಜ ಸುಧಾರಣೆಯ ಪರಿಗಣಿಸಿ, ಕಲಬುರ್ಗಿ ಜಿಲ್ಲೆಯ ವಿವಿಧ ಸಮಾಜಸೇವಾ ಸಂಘಟನೆಗಳು ಮತ್ತು ಹೋರಾಟಗಾರರ ಸಂಘಟನೆಗಳು ಅವರನ್ನು 2025ರ ರಾಜ್ಯೋತ್ಸವ ಪ್ರಶಸ್ತಿಗೆ ಶಿಫಾರಸು ಮಾಡಿವೆ.

                    ************************

ಡಾ. ಬಸವರಾಜ ಕೊನೇಕ – ಪುಸ್ತಕ ಲೋಕದ ಪ್ರಕಾಶಮಾನ ನಕ್ಷತ್ರ*

ಕಲ್ಯಾಣ ಕರ್ನಾಟಕದ ಸಾಹಿತ್ಯ, ಶಿಕ್ಷಣ ಮತ್ತು ಪ್ರಕಾಶನ ಕ್ಷೇತ್ರದಲ್ಲಿ ಅಮೋಘ ಸೇವೆ ಸಲ್ಲಿಸಿರುವ *ಡಾ. ಬಸವರಾಜ ಕೊನೇಕ* ಅವರು ಮೂಲತಃ ಅಳಂದ ತಾಲೂಕಿನ ಮಾಡ್ಯಾಳ ಗ್ರಾಮದವರು. ಬಾಲ್ಯದಲ್ಲೇ ಓದು ಹಾಗೂ ಪುಸ್ತಕಗಳ ಬಗ್ಗೆ ಅಪಾರ ಆಸಕ್ತಿ ಹೊಂದಿದ ಅವರು, 10ನೇ ತರಗತಿಯ ಸಮಯದಲ್ಲಿ ಕಲಬುರ್ಗಿಗೆ ಬಂದು ಪುಸ್ತಕ ಅಂಗಡಿಯಲ್ಲಿ ಕೆಲಸ ಮಾಡಿ, ಕೆಲವು ವರ್ಷಗಳ ನಂತರ ಮುಖ್ಯರಸ್ತೆಯ ಮೇಲೆ ಚಿಕ್ಕ ಅಂಗಡಿ ಆರಂಭಿಸಿ, ಕಲಬುರಗಿಯ ಪ್ರಸಿದ್ಧ *“ಸಿದ್ದಲಿಂಗೇಶ್ವರ ಪ್ರಕಾಶನ ಮತ್ತು ಬುಕ್ ಡಿಪೋ”** ಸಂಸ್ಥೆಯಾಗಿ ಬೆಳೆಸಿದ್ದಾರೆ.

ಸಿದ್ದಲಿಂಗೇಶ್ವರ ಪ್ರಕಾಶನದ ಮೂಲಕ ಕಳೆದ **ಐದು ದಶಕಗಳಿಂದ (50 ವರ್ಷಗಳಿಂದ)** ಪುಸ್ತಕ ಪ್ರಕಾಶನ ಕ್ಷೇತ್ರದಲ್ಲಿ ಅನುಪಮ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ. ಈ ಸಂಸ್ಥೆ ಇಂದಿನವರೆಗೆ **3,700ಕ್ಕೂ ಹೆಚ್ಚು ಕೃತಿಗಳನ್ನು** ಪ್ರಕಟಿಸಿದೆ. ಸಾಹಿತ್ಯ ಮಾಲಿಕೆಗಳು, ಜನಪ್ರಿಯ ಮಾಲಿಕೆಗಳು, ಸ್ಪರ್ಧಾತ್ಮಕ ಪರೀಕ್ಷಾ ಪುಸ್ತಕಗಳು, ಪಠ್ಯಪುಸ್ತಕಗಳು, ಶಿಕ್ಷಣ, ವಾಣಿಜ್ಯ, ಕಲಾ, ವಿಜ್ಞಾನ, ತಂತ್ರಜ್ಞಾನ ಹಾಗೂ ಮಕ್ಕಳ ಸಾಹಿತ್ಯ ಮುಂತಾದ ಎಲ್ಲ ಕ್ಷೇತ್ರಗಳಲ್ಲಿಯೂ ಈ ಪ್ರಕಾಶನ ಸಂಸ್ಥೆ ಕಾರ್ಯನಿರ್ವಹಿಸಿದೆ.

ಸಿದ್ದಲಿಂಗೇಶ್ವರ ಪ್ರಕಾಶನವು ಹಿರಿಯರಿಂದ ಕಿರಿಯರ ತನಕ ಅನೇಕ ಲೇಖಕರನ್ನು ಪ್ರೋತ್ಸಾಹಿಸಿ ಅವರ ಕೃತಿಗಳನ್ನು ಪ್ರಕಟಿಸಿ ಸಾಹಿತ್ಯ ಲೋಕಕ್ಕೆ ಹೊಸ ಪ್ರತಿಭೆಗಳನ್ನು ಪರಿಚಯಿಸಿದ ಕೀರ್ತಿ ಅವರಿಗೆ ಸಲ್ಲುತ್ತದೆ. ವಿಶೇಷವಾಗಿ ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಯುವ ಸಾಹಿತಿಗಳಿಗೆ ಬೆಳೆಸಿದ ಹೆಗ್ಗಳಿಕೆಗೆ ಅವರು ಪಾತ್ರವಾಗಿದ್ದಾರೆ.

ಡಾ. ಬಸವರಾಜ ಕೊನೇಕ ಅವರ ದೀರ್ಘಾವಧಿಯ ಶ್ರಮ, ಪ್ರಕಾಶನ ಕ್ಷೇತ್ರದ ಶಿಸ್ತುಬದ್ಧತೆ ಮತ್ತು ಪುಸ್ತಕದ ಮೇಲಿನ ಅಸಾಮಾನ್ಯ ಪ್ರೀತಿ ಅವರ ಈ ಗೌರವದ ಹಿನ್ನೆಲೆ. ಅನೇಕ ಸಂಘ ಸಂಸ್ಥೆಗಳು, ವಿಶ್ವವಿದ್ಯಾಲಯಗಳು , ಮತ್ತು ರಾಷ್ಟ್ರಮಟ್ಟದಲ್ಲಿಯು ಪ್ರಶಸ್ತಿಗಳು ಲಭಿಸಿವೆ.

             *********************************

ಹಿಂದುಳಿದ ಪ್ರದೇಶದಲ್ಲಿ ಶೈಕ್ಷಣಿಕ ಕ್ರಾಂತಿಗೈದ ಕಲಬುರಗಿಯ ಶ್ರೀ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘ — ಶಿಕ್ಷಣ ಸೇವೆಯ ಶತಮಾನೋತ್ಸವ ಹಾದಿಯಲ್ಲಿ

ಕಲಬುರಗಿ:ಶರಣತತ್ವದ ಮೌಲ್ಯಗಳ ಮೇಲೆ ಸಮಾಜದ ಎಲ್ಲ ವರ್ಗದ ಜನರಿಗೆ ಸುಲಭವಾಗಿ ಶಿಕ್ಷಣದ ಬಾಗಿಲನ್ನು ತೆರೆದ ಕೀರ್ತಿ ಈ ಸಂಸ್ಥೆಗಿದೆ. ಮಹಿಳೆಯರಿಗೂ ಶಿಕ್ಷಣದ ಅವಕಾಶಗಳನ್ನು ಒದಗಿಸುವ ಮೂಲಕ ಬುದ್ಧನ ಸಮಸಮಾಜದ ಪರಿಕಲ್ಪನೆಗೆ ಭದ್ರ ಬುನಾದಿಯನ್ನು ಹಾಕಿದವರು. ಶಿಕ್ಷಣವೇ ಸಮಾಜ ಸುಧಾರಣೆ ಮತ್ತು ಪರಿವರ್ತನೆಗೆ ಸಾಧನವೆಂದು ನಂಬಿದ ಸಂಸ್ಥೆ. *“ಶ್ರೀ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘ, ಕಲಬುರಗಿ”** ಇಂದು ಕಲ್ಯಾಣ ಕರ್ನಾಟಕದ ಶಿಕ್ಷಣಪ್ರಿಯರ ನಾಡಿಯಾಗಿ ಬೆಳಗುತ್ತಿದೆ. *ಅನ್ನ ಮತ್ತು ಅರಿವಿನ ದಾಸೋಹವೇ ಶ್ರೇಷ್ಠ ದಾಸೋಹ* ಎಂಬ ಧ್ಯೇಯವಾಕ್ಯದೊಂದಿಗೆ ಆರಂಭವಾದ ಈ ಸಂಸ್ಥೆ ಪ್ರಾಥಮಿಕದಿಂದ ವಿಶ್ವವಿದ್ಯಾಲಯ ಮಟ್ಟದ ಶಿಕ್ಷಣವನ್ನು ಒದಗಿಸುತ್ತಿದೆ.

ಸಂಸ್ಥೆಯ ಸ್ಥಾಪಕ **ಪೂಜ್ಯ ಲಿಂ ದೊಡ್ಡಪ್ಪ ಅಪ್ಪ ಡಾ.ಹಾಗೂ ಲಿಂ ಶರಣಬಸವಪ್ಪ ಅಪ್ಪ** ಅವರ ಆಶಯದಂತೆ, ಈ ಸಂಘವು ಸಮಾಜದ ಎಲ್ಲ ವರ್ಗದ ವಿದ್ಯಾರ್ಥಿಗಳಿಗೆ ಶಿಕ್ಷಣವನ್ನು ತಲುಪಿಸುವ ನಿಟ್ಟಿನಲ್ಲಿ ಶ್ರಮಿಸುತ್ತಿದೆ. ಹಿಂದುಳಿದ, ಗ್ರಾಮೀಣ ಮತ್ತು ಬಡ ವಿದ್ಯಾರ್ಥಿಗಳಿಗೆ ಉತ್ತಮ ಶಿಕ್ಷಣದ ಅವಕಾಶ ನೀಡುವುದರೊಂದಿಗೆ ಮಾನವೀಯ ಮೌಲ್ಯಗಳು, ಶ್ರದ್ಧೆ, ಶಿಸ್ತು ಮತ್ತು ಶ್ರಮದ ಪಾಠವನ್ನು ಕಲಿಸುತ್ತಿದೆ.

ಪ್ರಾಥಮಿಕ ಮತ್ತು ಪ್ರೌಢಶಾಲೆಗಳು,ಪದವಿ ಮತ್ತು ಸ್ನಾತಕೋತ್ತರ ಕಾಲೇಜುಗಳು,

ಎಂಜಿನಿಯರಿಂಗ್, ನರ್ಸಿಂಗ್, ಫಾರ್ಮಸಿ, ಬಿ.ಎಡ್ ಮತ್ತು ತಾಂತ್ರಿಕ ಶಿಕ್ಷಣ ಸಂಸ್ಥೆಗಳು ವಿಶ್ವ ವಿದ್ಯಾಲಯ* ಕಾರ್ಯನಿರ್ವಹಿಸುತ್ತಿದ್ದು, ಸಾವಿರಾರು ವಿದ್ಯಾರ್ಥಿಗಳು ಪ್ರತಿವರ್ಷ ಇಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ.

ವಿದ್ಯಾರ್ಥಿಗಳ ನೈತಿಕ ಹಾಗೂ ವ್ಯಕ್ತಿತ್ವ ವಿಕಸನಕ್ಕಾಗಿ ಸಂಘವು ಶರಣತತ್ವದ ಮೌಲ್ಯಗಳಾದ “ಕಾಯಕವೇ ಕೈಲಾಸ”, “ದಯೇ ಧರ್ಮ”, “ಸಮಾನತೆ” ಮುಂತಾದ ತತ್ವಗಳನ್ನು ಶಿಕ್ಷಣದ ಅವಿಭಾಜ್ಯ ಅಂಗವನ್ನಾಗಿ ಮಾಡಿದೆ.

ಸಂಸ್ಥೆಯ ವಿದ್ಯಾರ್ಥಿಗಳು ರಾಜ್ಯ, ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳಲ್ಲಿ ಅನೇಕ ಪ್ರಶಸ್ತಿಗಳನ್ನು ಪಡೆದು ಸಂಸ್ಥೆಯ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಕಲಬುರಗಿಯ ಸಾಮಾಜಿಕ, ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ಬೆಳವಣಿಗೆಗೆ ಸಂಘದ ಕೊಡುಗೆ ಅನನ್ಯವಾಗಿದೆ.ಶ್ರೀ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘ, ಕಲಬುರಗಿ, ರಾಜ್ಯೋತ್ಸವ ಪ್ರಶಸ್ತಿ ಸೂಕ್ತ ಸಂಸ್ಥೆಯಾಗಿದೆ.

ಈ ಮೇಲಿನ ಎಲ್ಲ‌ ಮಹನಿಯರು ಆಯಾ ಕ್ಷೇತ್ರಗಳಲ್ಲಿ ಕಳೆದ ಐದಾರು ದಶಕಗಳಿಂದ ಅವಿರತ ಹೋರಾಟ, ಸಮಾಜ ಸೇವೆ, ಶೈಕ್ಷಣಿಕ ಕ್ರಾಂತಿ, ಅನುವಾದ, ಪುಸ್ತಕ ಸಂಸ್ಕೃತಿ ಬೆಳೆಸುವ ನಿಟ್ಟಿನಲ್ಲಿ ಅವಿರತವಾಗಿ ಶ್ರಮಿಸುತ್ತಿದ್ದಾರೆ. ಅವರ ಈ ಅನುಪಮ ಸೇವೆಯನ್ನು ಪರಿಗಣಿಸಿ ರಾಜ್ಯ ಸರ್ಕಾರವು ಈ ವರ್ಷ ಅವರುಗಳನ್ನು ರಾಜ್ಯೋತ್ಸವ ಪ್ರಶಸ್ತಿಗೆ ಪರಿಗಣಿಸಬೇಕೆಂದು ಈ ಮೂಲಕ ಕಲ್ಯಾಣ ಕಹಳೆ ಪತ್ರಿಕಾ ಬಳಗ ಒತ್ತಾಯಿಸುತ್ತದೆ.