ಜಾಮರ್‌ನ ಪರಿಣಾಮದಿಂದ ಮೊಬೈಲ್ ಹಾಗೂ ಡಿಜಿಟಲ್ ಸೇವೆ ಅಸ್ತವ್ಯಸ್ತ – ಜಿಲ್ಲಾಧಿಕಾರಿಗೆ ಗ್ರಾಮಸ್ಥರಿಂದ ಮನವಿ

ಜಾಮರ್‌ನ ಪರಿಣಾಮದಿಂದ ಮೊಬೈಲ್ ಹಾಗೂ ಡಿಜಿಟಲ್ ಸೇವೆ ಅಸ್ತವ್ಯಸ್ತ – ಜಿಲ್ಲಾಧಿಕಾರಿಗೆ ಗ್ರಾಮಸ್ಥರಿಂದ ಮನವಿ

ಕಲಬುರ್ಗಿ ಕೇಂದ್ರ ಕಾರಾಗೃಹದಲ್ಲಿ ಜಾಮರ್ ಸಾಧನದ ವ್ಯಾಪ್ತಿಯನ್ನು 3G ಯಿಂದ 5G ಗೆ ವಿಸ್ತರಿಸಿದ ಪರಿಣಾಮವಾಗಿ, ಸೀತನೂರ, ನಂದಿಕೂರ, ಪಾಣೆಗಾಂವ, ಕೋಟನೂರ (ಡಿ) ಮತ್ತು ಉದನೂರ ಗ್ರಾಮಗಳಲ್ಲಿ ಮೊಬೈಲ್ ನೇಟ್ವರ್ಕ್ ಹಾಗೂ ಡಿಜಿಟಲ್ ಸೇವೆಗಳು ಸಂಪೂರ್ಣವಾಗಿ ಅಸ್ತವ್ಯಸ್ತವಾಗಿವೆ.

ಈ ಸಮಸ್ಯೆ ಕುರಿತು, ಮೇಲ್ಕಂಡ ಗ್ರಾಮಗಳ ಸಾರ್ವಜನಿಕರು ಹಾಗೂ ಮುಖಂಡರಾದ ಶ್ರೀ ಪವನಕುಮಾರ ವಳಕೇರಿ, ಶ್ರೀ ಸಂಗಮೇಶ ನಾಗನಹಳ್ಳಿ, ಶ್ರೀ ಮಲ್ಲಿನಾಥ ನಾಗನಹಳ್ಳಿ ಸೇರಿದಂತೆ ಹಲವು ಗಣ್ಯರು ಇಂದು (02-06-2025) ಜಿಲ್ಲಾಧಿಕಾರಿಗೆ ಭೇಟಿ ನೀಡಿ ಮನವಿ ಸಲ್ಲಿಸಿದರು.

ಮುಖ್ಯ ಅಡಚಣೆಗಳು:

* ಮೊಬೈಲ್ ಕರೆಗಳು ಸ್ವೀಕರಿಸದ ಹಾಗೆಯೇ ಹೊರ ಹೋಗುತ್ತಿಲ್ಲ.

* ಕರೆ ಮಾಡಿದವರಿಗೆ “ಬೀಜಿ” ಸೂಚನೆ ಬರುತ್ತಿದೆ.

* ಫೋನ್ ಪೇ, ಗೂಗಲ್ ಪೇ ಮುಂತಾದ ಡಿಜಿಟಲ್ ಪಾವತಿ ಸೇವೆಗಳು ನಿಷ್ಕ್ರಿಯವಾಗಿದೆ.

* ಗ್ರಾಮ ಪಂಚಾಯಿತಿಗಳ ಡಾಟಾ ಸೇವೆಗಳು ಸ್ಥಗಿತಗೊಂಡಿವೆ.

* ಉದ್ಯೋಗ ಖಾತ್ರಿ ಯೋಜನೆಯ ಹಾಜರಾತಿ ನೋಂದಣಿ ಸಾಧ್ಯವಾಗುತ್ತಿಲ್ಲ.

* ನ್ಯಾಯಬೆಲೆ ಅಂಗಡಿಗಳ ಪಡಿತರ ವಿತರಣೆಯಲ್ಲಿ ತೊಂದರೆ ಉಂಟಾಗಿದೆ.

ಗ್ರಾಮಸ್ಥರು ಈ ಸಮಸ್ಯೆಯನ್ನು ಅಧಿಕಾರಿಗಳಿಗೆ ವಿವರವಾಗಿ ವಿವರಿಸಿದ್ದು, ಜಾಮರ್‌ನ ವಿಸ್ತಾರವನ್ನೇ ಮೂಲ ಕಾರಣವೆಂದು ಉಲ್ಲೇಖಿಸಿದ್ದಾರೆ. ಕೆಲವೊಮ್ಮೆ ವಿದ್ಯುತ್ ಸಂಪರ್ಕ ಕಡಿತಗೊಂಡಾಗ ನೆಟ್ವರ್ಕ್ ಸೇವೆಗಳು ಸುಧಾರಿಸುತ್ತಿರುವುದೂ ಗಮನಕ್ಕೆ ಬಂದಿದೆ.

ಇದಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಕಾರಾಗೃಹ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದರೂ ಯಾವುದೇ ಕ್ರಮ ಕೈಗೊಳ್ಳಲಾಗಿಲ್ಲ. ಜಾಮರ್ ವ್ಯಾಪ್ತಿಯನ್ನು ತಕ್ಷಣವೇ ಕುಗ್ಗಿಸಲು ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಲಾಯಿತು.

ಈ ಮನವಿಗೆ ಸ್ಪಂದನೆ ಇಲ್ಲದಿದ್ದಲ್ಲಿ, ದಿನಾಂಕ **09-06-2025** ರಂದು ಬೆಳಿಗ್ಗೆ **10:00 ಗಂಟೆಗೆ** ಕಲಬುರ್ಗಿಯ ಕೇಂದ್ರ ಕಾರಾಗೃಹ ಕಚೇರಿಗೆ ಸಾರ್ವಜನಿಕರು ಮುತ್ತಿಗೆ ಹಾಕುವದಾಗಿ ಎಚ್ಚರಿಕೆ ನೀಡಿದ್ದಾರೆ.

ಸೀತನೂರ, ನಂದಿಕೂರ, ಪಾಣೆಗಾಂವ, ಕೋಟನೂರ (ಡಿ), ಉದನೂರ ಗ್ರಾಮಗಳ ಗ್ರಾಮ ಪಂಚಾಯಿತಿ ಸದಸ್ಯರು ಹಾಗೂ ಚಂದ್ರಕಾಂತ ಸೀತನೂರ ,ಶಂಕರ ಕಾರಬಾರಿ, ಶಿವಪುತ್ರ ಪಾಟೀಲ್ , ಮಲ್ಲಿನಾಥ್ ಗೌಡ ನಂದಿಕೂರು ,ಚಾಂದ್ ಪಟೇಲ್ ಸೀತನೂರ, ಪ್ರಕಾಶ್ ,ಸಾರ್ವಜನಿಕರು ಉಪಸ್ಥಿತರಿದ್ದರು.