ವೀರೇಶ್ವರ ಪುಣ್ಯಾಶ್ರಮದ ಜಾತ್ರಾ ಮಹೋತ್ಸವದಲ್ಲಿ ಧರ್ಮಸಭೆ – ಬಾಬುರಾವ ಕೋಬಾಳ್ ಭಾಗವಹಿಸಿದ ವಿಶೇಷ ಕ್ಷಣ

ವೀರೇಶ್ವರ ಪುಣ್ಯಾಶ್ರಮದ ಜಾತ್ರಾ ಮಹೋತ್ಸವದಲ್ಲಿ ಧರ್ಮಸಭೆ – ಬಾಬುರಾವ ಕೋಬಾಳ್ ಭಾಗವಹಿಸಿದ ವಿಶೇಷ ಕ್ಷಣ

ಗದಗ: ಪ್ರಸಿದ್ಧ ವೀರೇಶ್ವರ ಪುಣ್ಯಾಶ್ರಮದಲ್ಲಿ ಜರುಗಿದ ಉಭಯ ಗುರುಗಳ ಸಂಗೀತ ಸಮಾರಾಧನೆ ಹಾಗೂ ವಾರ್ಷಿಕ ಜಾತ್ರಾ ಮಹೋತ್ಸವದ ಧರ್ಮ ಸಭೆ ಕಾರ್ಯಕ್ರಮವು ಭಕ್ತ ಸಮುದಾಯದ ಭಾವಪೂರ್ಣ ಉಪಸ್ಥಿತಿಯಲ್ಲಿ ವಿಜೃಂಭಣೆಯಿಂದ ನೆರವೇರಿತು.

ಈ ಧರ್ಮ ಸಭೆಯಲ್ಲಿ ಕಲಬುರಗಿ ಜಿಲ್ಲೆಯಿಂದ ಖ್ಯಾತ ಸಮಾಜಮುಖಿ, ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರು ಹಿರಿಯ ಸಂಘಟಕರಾದ ಬಾಬುರಾವ ಕೋಬಾಳ್ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ, ತಮ್ಮ ಮನೋಹರ ಭಾಷಣದ ಮೂಲಕ ಶ್ರದ್ಧಾವಂತರಿಗೆ ಧಾರ್ಮಿಕ, ಸಾಂಸ್ಕೃತಿಕ ಮೌಲ್ಯಗಳ ಮಹತ್ವವನ್ನು ಪ್ರತಿಪಾದಿಸಿದರು.

ಈ ಸಂದರ್ಭದಲ್ಲಿ ಡಾ. ಕಲ್ಲಯ್ಯ ಅಜ್ಜ, ಹಾಗೂ ಶ್ರೀಮತ್ ಶಿವಮೂರ್ತಿ ಶಿವಾಚಾರ್ಯ ಸ್ವಾಮೀಜಿ ಅವರ ಸಾನ್ನಿಧ್ಯದಲ್ಲಿ ನಡೆದ ಧರ್ಮಸಭೆಯಲ್ಲಿ ವಿವಿಧ ಧಾರ್ಮಿಕ ಮುಖಂಡರು, ಶ್ರದ್ಧಾಳುಗಳು ಹಾಗೂ ಸ್ಥಳೀಯ ನಾಗರಿಕರು ಭಾಗವಹಿಸಿದ್ದರು.

ಸಂಗೀತ ಸಮಾರಾಧನೆ ಮತ್ತು ಧಾರ್ಮಿಕ ಉಪನ್ಯಾಸಗಳ ಮೂಲಕ ಜಾತ್ರಾ ಮಹೋತ್ಸವವನ್ನು ವಿಶೇಷಮಯವಾಗಿ ಮಾಡಲಾಯಿತು. ಆಧ್ಯಾತ್ಮಿಕತೆ, ಸಾಮರಸ್ಯ ಮತ್ತು ಸಾಂಸ್ಕೃತಿಕ ಸಮಗ್ರತೆಯ ಸಂಕೇತವಾಗಿ ಈ ಕಾರ್ಯಕ್ರಮ ಪರಿಗಣಿಸಲಾಯಿತು. ಸಂಗೀತಗಾರ ಬಸಯ್ಯ ಗುತ್ತೇದಾರ, ಕ.ಸಂ.ಇಲಾಖೆ ಉಪ ನಿರ್ದೇಶಕ ದತ್ತಪ್ಪ ಸಾಗನೂರ ಇದ್ದರು 

---