ಶಾಲೆಯೆಂದರ
kkeditor
0
62
ಶಾಲೆಯೆಂದರ
ಶಾಲೆಯೆಂದರ ಹೇಗಿರಬೇಕ
ಮುದ್ದು ಮಕ್ಕಳ ನಂದನವಾಗಿರಬೇಕ
ನಕ್ಕು ನಲಿದು ಆಟ ಪಾಠ ಕಲಿತು
ಕುಣಿ ಕುಣಿದು ಆಡುವಂತಿರಬೇಕ//
ಬುದ್ಧಿವಂತ ಮಾಸ್ತರ ಬೇಕ
ಶಿಸ್ತಿನ ಸಿಪಾಯಿ ಜೊತೆ ಇರಬೇಕ
ತಿದ್ದಿ ತೀಡಿ ಪೆದ್ದ ಮನಸ ಹಸನ ಮಾಡಿ
ಹದಮಾಡಿ ಅಕ್ಷರ ಬೀಜ ಬಿತ್ತಬೇಕ//
ಮನೆಯಂಗಳ ಅವ್ವನ ಕಂಗಳ
ನೆನಪಾಗದಂಗ ಇರಬೇಕ ಕೇಳ
ಮಗ್ಗಿ ಅಂಕಿ ಅಕ್ಷರಗಳ ಸುಗ್ಗಿ
ದಿನ ದಿನ ತೂರಿ ರಾಶಿ ಮಾಡುವಂತಿರಬೇಕ//
ಗೆಳೆಯರ ಬಳಗ ನಳನಳಿಸಬೇಕ
ಗೆಳೆತನದಾಗ ಕೂಡಿ ನಲಿವಂತಿರಬೇಕ
ಕುಲು ಕುಲು ಸರಸದಿಂದ ಭಕುತಿಯಿಂದ
ಸರಸತಿ ಒಲಿಸಿಕೊಂಡು ಗೆಲುವಂತಿರಬೇಕ//
ನೆಲ ಜಲದ ಬಗ್ಗೆ ಶ್ರೇಷ್ಠ ವ್ಯಕ್ತಿಗಳ ಬಗ್ಗೆ
ಜಗದ ವಿಸ್ಮಯ ವಿಚಿತ್ರಗಳ ಬಗ್ಗೆ
ತಿಳಿ ತಿಳಿದು ಮೆಟ್ಟಿಲು ತುಳಿಸುತ
ಸಾಧಕರ ತಯಾರಿಸುವ ಕುಲುಮೆಯಾಗಿರಬೇಕ//
ಅಜ್ಞಾನವಳಿದು ಅರಿಕೆ ಮೂಡುವಂತಿರಬೇಕ
ವಿಜ್ಞಾನದ ಸಸಿ ಮರವಾಗಬೇಕ
ಹೆತ್ತ ಮನೆಗೆ ಹೊತ್ತ ಭೂಮಿಗೆ ಕೀರ್ತಿ
ಬರುವಂತ ವಿದ್ಯಾರ್ಥಿಯ ಸಿದ್ಧಪಡಿಸುವಂತಿರಬೇಕ//
ಡಾ ಅನ್ನಪೂರ್ಣ ಹಿರೇಮಠ
