ಇಂದು ಜಯನಗರ ಶಿವಮಂದಿದಲ್ಲಿ ಶ್ರೀ ಶರಣಬಸವೇಶ್ವರರ ತೊಟ್ಟಿಲು ಕಾರ್ಯಕ್ರಮಕ್ಕೆ ಬನ್ನಿ ಲಿಂಗರಾಜ ಸಿರಗಾಪೂರ

 ಇಂದು ಜಯನಗರ ಶಿವಮಂದಿದಲ್ಲಿ ಶ್ರೀ ಶರಣಬಸವೇಶ್ವರರ ತೊಟ್ಟಿಲು ಕಾರ್ಯಕ್ರಮಕ್ಕೆ ಬನ್ನಿ ಲಿಂಗರಾಜ ಸಿರಗಾಪೂರ

ಕಲಬುರಗಿ: ಶ್ರಾವಣ ಮಾಸ ನಿಮಿತ್ತ ಜಯನಗರದ ಶಿವಮಂದಿರದಲ್ಲಿ ಒಂದು ತಿಂಗಳು ಕಲಬುರಗಿಯ ಆರಾಧ್ಯ ದೈವ ಮಹಾದಾಸೋಹಿ ಶ್ರೀ ಶರಣಬಸವೇಶ್ವರ ಪುರಾಣ ಕಾರ್ಯಕ್ರಮದ 7 ನೆಯ ದಿನವಾದ ದಿನಾಂಕ :11-8-2024 ರವಿವಾರ ರಾತ್ರಿ 8 ಗಂಟೆಗೆ ಶ್ರೀ ಶರಣಬಸವೇಶ್ವರರ ತೊಟ್ಟಿಲು ಕಾರ್ಯಕ್ರಮ ನಡೆಯಲಿದೆ ಎಂದು ಜಯನಗರ ಶಿವ ಮಂದಿರ ಅಭಿವೃದ್ಧಿ ಟ್ರಸ್ಟ್ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ ಅವರು ತಿಳಿಸಿದ್ದಾರೆ.

ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ಪುರಾಣ ಪ್ರಾರಂಭ ಯಶಸ್ವಿಯಾಗಿ 6 ದಿನಗಳು ಕಳೆದಿವೆ.ಪುರಾಮ ಪಂಡಿತ ಮಲ್ಲಿಕಾರ್ಜುನ ಶಾಸ್ತ್ರೀ ನಿತ್ಯ ಪುರಾಣ ನಡೆಸಿಕೊಡುತ್ತಿದ್ದಾರೆ.ಅಪಾರ ಸಂಖ್ಯೆಯಲ್ಲಿ ಭಕ್ತರು, ಸಾರ್ವಜನಿಕರು ಶಿವಮಂದಿರಕ್ಕೆ ಆಗಮಿಸಿ ಪುರಾಣ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಿದ್ದಾರೆ.ಪುರಾಣದ ನಂತರ ಭಕ್ತರು ನೀಡಿದ ದೇಣಿಗೆಯಿಂದ ದಿನ ನಿತ್ಯ ಪ್ರಸಾದ ದಾಸೋಹ ಹಮ್ಮಿಕೊಳ್ಳಲಾಗುತ್ತಿದೆ.ಶ್ರೀ ಶರಣಬಸವೇಶ್ವರರ ಜೀವನ ಚರಿತ್ರೆ ಕಥಾ ರೂಪದಲ್ಲಿ ಪ್ರಾರಂಭ ವಾಗಿದ್ದು, ರವಿವಾರ ಬಾಲಕ ಶರಣಬಸವೇಶ್ವರರ ತೊಟ್ಟಿಲು ತೂಗುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.ಅಂದು ಭಕ್ತರು, ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಬರಬೇಕು ಎಂದು ಕೋರಿದ್ದಾರೆ.