ಪೌರಾಯುಕ್ತರಾಗಿ ಫಕ್ರುದ್ದೀನ್ ಸಾಬ್ ಅಧಿಕಾರ ಸ್ವೀಕಾರ
kkeditor
|ನಗರಸಭೆ ನೂತನ ಪೌರಾಯುಕ್ತರ ಕಾರ್ಯಾರಂಭ|
ಪೌರಾಯುಕ್ತರಾಗಿ ಫಕ್ರುದ್ದೀನ್ ಸಾಬ್ ಅಧಿಕಾರ ಸ್ವೀಕಾರ :..
ನಾಗರಾಜ್ ದಂಡಾವತಿ ವರದಿ ಶಹಾಬಾದ : - ನಗರ ಸಭೆಯ ನೂತನ ಪೌರಾಯುಕ್ತರಾಗಿ ಫಕ್ರುದ್ದೀನ್ ಸಾಬ್ ರವರು ಗುರುವಾರ ಅಧಿಕಾರ ಸ್ವೀಕರಿಸಿದರು.
ಶಹಾಬಾದ ನಗರ ಸಭೆಗೆ ಪೌರಾಯುಕ್ತರಾಗಿ ಫಕ್ರುದ್ದೀನ್ ಸಾಬ ನವರು ಮೊದಲನೇಯ ಬಾರಿಗೆ ಶಹಾಬಾದ ನಗರ ಸಭೆಯ ಅಧಿಕಾರ ವಹಿಸಿಕೊಂಡರು.
ಬಳ್ಳಾರಿಯ ಬರಮನಳ್ಳಿ ಪ.ಪಂ 2 ವರ್ಷ, ಕೂಡ್ಲಿಗಿ ಪ.ಪಂ ಯಲ್ಲಿ 3 ವರ್ಷ ನಂತರ ಇವರು ಈ ಹಿಂದೆ ವಾಡಿ ಪುರ ಸಭೆಯಲ್ಲಿ 3 ವರ್ಷ ಮುಖ್ಯಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದ್ದರು.
ನೂತನ ಪೌರಾಯುಕ್ತರಾಗಿ ಅಧಿಕಾರ ವಹಿಸಿಕೊಂಡ ಫಕ್ರುದ್ದೀನ್ ಅಲಿ ಅವರು ಕಚೇರಿ ಸಿಬ್ಬಂದಿ, ನಗರಸಭೆಯ ಮಾಜಿ ಸದಸ್ಯರುಗಳಿಂದ ಸನ್ಮಾನ ಸ್ವೀಕರಿಸಿ ಮಾತನಾಡಿ, ಚುನಾಯಿತ ಜನ ಪ್ರತಿನಿಧಿಗಳು, ಕಚೇರಿ ಸಿಬ್ಬಂದಿ, ಸಾರ್ವಜನಿಕರ ಸಹಕಾರದೊಂದಿಗೆ ನಗರದ ಮೂಲಭೂತ ಸೌಕರ್ಯಗಳಾದ ಲೈಟ್, ಕುಡಿಯುವ ನೀರು, ನೈರ್ಮಲ್ಯಕ್ಕೆ ಮೊದಲ ಆದ್ಯತೆ ನೀಡಲಾಗುವುದು, ನೀರನ್ನು ಪೋಲಾಗದಂತೆ ಸಮರ್ಪಕವಾಗಿ ನಾಗರಿಕರಿಗೆ ಸರಬರಾಜು ಮಾಡಲಾಗುವುದು ಎಂದರು.
ಯಾವುದೇ ಒತ್ತಡಗಳಿಗೆ ಮಣಿಯುವ ಪ್ರಶ್ನೆಯೇ ಇಲ್ಲ, ಹಂತ ಹಂತವಾಗಿ ನಗರದ ಅಭಿವೃದ್ಧಿಗೆ ಶ್ರಮಿಸಲಾಗುವುದು ಎಂದರು.
ನಗರ ಸಭೆಗೆ ತುಂಬಾ ಕೆಲಸ ಆಗಬೇಕಾಗಿದ್ದು, ಜಿಲ್ಲಾ ಉಸ್ತುವಾರಿ ಸಚಿವರು, ಸಂಸದರು, ಶಾಸಕರು, ನಗರ ಸಭೆಯ ಮಾಜಿ ಸದಸ್ಯರು ಹಾಗೂ ಸಾರ್ವಜನಿಕರ ಜೊತೆಯಲ್ಲಿ ಚರ್ಚಿಸಿ, ಎಲ್ಲಾ ಕೊರತೆ ನೀಗಿಸಲು ಪ್ರಯತ್ನಿಸಲಾಗುವುದು, ಸಾರ್ವಜನಿಕರು ನಗರ ಸಭೆಯೊಂದಿಗೆ ಸಹಕರಿಸುವಂತೆ ಮನವಿ ಮಾಡಿದರು.
ನಗರ ಸಭೆಯ ಮಾಜಿ ಸದಸ್ಯರುಗಳು ಹಾಗೂ ಕಚೇರಿ ಸಿಬ್ಬಂದಿ ಇನ್ನಿತರರು ಇದ್ದರು.
