ನಾಯಕರಿಗೆ ಶಿಸ್ತಿನ ಕಟ್ಟಣೆ ಬೇಕು: ನಾರಾಯಣಸ್ವಾಮಿಯ ಆರೋಪ ಖಂಡಿಸಿ 31ರಂದು ಕಲಬುರಗಿಯಲ್ಲಿ ಪ್ರತಿಭಟನೆ

ನಾಯಕರಿಗೆ ಶಿಸ್ತಿನ ಕಟ್ಟಣೆ ಬೇಕು: ನಾರಾಯಣಸ್ವಾಮಿಯ ಆರೋಪ ಖಂಡಿಸಿ 31ರಂದು ಕಲಬುರಗಿಯಲ್ಲಿ ಪ್ರತಿಭಟನೆ

ಸೇಡಂ: ಮೇಲ್ಮನೆ ವಿರೋಧ ಪಕ್ಷದ ನಾಯಕ ಛಲವಾದಿ ನಾರಾಯಣಸ್ವಾಮಿ ಅವರ ಇತ್ತೀಚಿನ ಹೇಳಿಕೆಗಳ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಗಿದ್ದು, ಅವರು ಪಕ್ಷದ ನಾಯಕರಾಗಿ ಉಚಿತವಾದ ನಡವಳಿಕೆಯನ್ನು ತೋರಿಸಬೇಕೆಂಬ ಒತ್ತಾಯ ವ್ಯಕ್ತವಾಗಿದೆ. ಸಚಿವ ಪ್ರಿಯಾಂಕ ಖರ್ಗೆ ರವರ ವಿರುದ್ಧ ವೈಯಕ್ತಿಕ ಮಟ್ಟದ ನಿಂದನೆಗೆ ಮುಂದಾಗಿರುವ ನಾರಾಯಣಸ್ವಾಮಿ ಅವರ ನಡೆ ಖಂಡನೀಯವಾಗಿದೆ ಎಂದು ಯುವ ಕಾಂಗ್ರೆಸ್ ಘಟಕದ ಉಪಾಧ್ಯಕ್ಷ ವಿಲಾಸ ಗೌತಂ ನಿಡಗುಂದಾ ಹೇಳಿದ್ದಾರೆ.

"ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ವಿಪಕ್ಷಗಳಿಗೆ ಟೀಕೆಯ ಸ್ವಾತಂತ್ರ್ಯ ಇದೆ. ಆದರೆ ಅದು ಸಂವಿಧಾನದ ಚೌಕಟ್ಟಿನಲ್ಲಿ ಇರಬೇಕು. ನಾರಾಯಣಸ್ವಾಮಿ ಅವರು ಪ್ರಿಯಾಂಕ ಖರ್ಗೆ ಅವರ ಬಗ್ಗೆ ನಿರಂತರವಾಗಿ ಅಪಮಾನದ ಮಾತುಗಳನ್ನು ಬಳಸುತ್ತಿರುವುದು ವಿರೋಧ ಪಕ್ಷದ ಜವಾಬ್ದಾರಿಯುತ ಹುದ್ದೆಗೆ ನಾಜೂಕಿನಲ್ಲ," ಎಂದು ವಿಲಾಸ ಗೌತಂ ಆಕ್ರೋಶ ವ್ಯಕ್ತಪಡಿಸಿದರು.

ಅವರು ಮುಂದುವರೆದು, "ಕಲಬುರಗಿಯಲ್ಲಿ ಎಷ್ಟೇ ಪ್ರತಿಭಟನೆಗಳು ನಡೆದರೂ ಜನ ಸಹನೆ ತೋರುತ್ತಾರೆ. ಆದರೆ ಖರ್ಗೆ ಪರಿವಾರದ ಬಗ್ಗೆ ಅಸಹ್ಯವಾದ ಭಾಷೆ ಬಳಸಿದರೆ ಸಹಿಸುವುದು ಅಸಾಧ್ಯ. ಇದನ್ನು ಖಂಡಿಸಿ 31 ರಂದು ಕಲಬುರಗಿಯಲ್ಲಿ ಭಾರಿ ಮಟ್ಟದ ಪ್ರತಿಭಟನೆ ನಡೆಸಲಾಗುತ್ತದೆ," ಎಂದು ತಿಳಿಸಿದರು.

ಇನ್ನೂ ಮುಂದೆ ನಾರಾಯಣಸ್ವಾಮಿ ಅವರು ಶಿಸ್ತಿನಿಂದ ನಡೆದುಕೊಳ್ಳಬೇಕು ಅಥವಾ ತಕ್ಷಣ ರಾಜೀನಾಮೆ ನೀಡಬೇಕು ಎಂದು ಅವರು ಆಗ್ರಹಿಸಿದ್ದಾರೆ.