151 ಜನ ರಕ್ತದಾನ ಮಾಡಿ ಸ್ವಾತಂತ್ರದ ಸಂದೇಶ ಸಾರಿದರು.. ಬಿ ಆರ್. ಅಂಬೇಡ್ಕರ್ ಯುವಕರು

151 ಜನ ರಕ್ತದಾನ ಮಾಡಿ ಸ್ವಾತಂತ್ರದ ಸಂದೇಶ ಸಾರಿದರು.. ಬಿ ಆರ್. ಅಂಬೇಡ್ಕರ್ ಯುವಕರು 

ಶಹಾಬಾದ್ : ನಗರದಲ್ಲಿ ಡಾ. ಬಿ ಆರ್. ಅಂಬೇಡ್ಕರ್ ಯುವಕ ಮಂಡಳಿ ವತಿಯಿಂದ 78ನೇ ಸ್ವಾತಂತ್ರ್ಯೋತ್ಸವದ ದಿನದ ಅಂಗವಾಗಿ ಹಮ್ಮಿಕೊಂಡ ರಕ್ತದಾನ ಶಿಬಿರದಲ್ಲಿ 151ಜನ ರಕ್ತದಾನ ಮಾಡಿ ದಾಖಲೆಬರೆದು, ಸ್ವಾತಂತ್ರ್ಯೋತ್ಸವದ ಸಂದೇಶವನ್ನು ಸಾರಿದರು.

ನಗರದ ಬಾಲಕರ ಪ್ರೌಢಶಾಲೆ ಅವಳದಲ್ಲಿ ಹಮ್ಮಿಕೊಂಡ ರಕ್ತದಾನ ಶಿಬಿರ ಮತ್ತು ಸಸಿ ನೆಡುವ ಕಾರ್ಯಕ್ರಮವನ್ನು ತಹಸೀಲ್ದಾರ ಜಗದೀಶ ಚೌರ್ ಉದ್ಘಾಟಿಸಿದರು. ನಗರಸಭೆಯ ಪೌರಾಯುಕ್ತ ಡಾ. ಕೆ ಗುರುಲಿಂಗಪ್ಪ, ತಾಪಂ ಇಓ ಮಲ್ಲಿನಾಥ ರಾವೂರ, ಜಿಮ್ಸ ಆಸ್ಪತ್ರೆಯ ರಕ್ತ ನಿಧಿ ಕೇಂದ್ರದ ವೈದ್ಯಧಿಕಾರಿ ಡಾ. ಜಗದೀಶ ಕಟ್ಟಿಮನಿ ಉಪಸ್ಥಿತರಿದ್ದರು.

 ಡಾಕ್ಟರ್ ಬಿ ಆರ್ ಅಂಬೇಡ್ಕರ್ ಯುವಕ ಮಂಡಳಿ ಮತ್ತು ಯುವ ಪ್ರತಿನಿಧಿ ವಿಜಯಕುಮಾರ ಹಳ್ಳಿ ಅವರ ನೇತೃತ್ವದಲ್ಲಿ ಬೃಹತ್ ರಕ್ತದಾನ ಶಿಬಿರದಲ್ಲಿ ಸಿದ್ದಾರ್ಥ್ ಆಟೋ ಚಾಲಕರ ಸಂಘ ಮತ್ತು ಅನೇಕರು ಸ್ವಯಂ ಪ್ರೇರಿತವಾಗಿ ಶಹಾಬಾದ ಸಾರ್ವಜನಿಕ ರಕ್ತದಾನ ಮಾಡಿ ದಾಖಲೆಯನ್ನು ಬರೆದರು. ಸ.ಆ.ಕೇಂದ್ರದ ವೈದ್ಯಾಧಿಕಾರಿ ಡಾ. ವೀರನಾಥ ಕನಕ, ಆಪ್ತಮಾಲೋಚಕಿ ಸುಗ್ಞಾನಿ ಪಾಟೀಲ್, ಮಲ್ಲಿಕಾರ್ಜುನ ಪರಿತ್, ರಕ್ತನಿಧಿ ಕೇಂದ್ರದ ಸಿಬ್ಬಂದಿ ಮತ್ತು ಸ.ಆ.ಕೇಂದ್ರ ಶಹಾಬಾದ ಆಸ್ಪತ್ರೆಯ ಸಿಬ್ಬಂದಿ ಪಾಲ್ಗೋಂಡಿದ್ದರು. ಹಾಗೂ ಹಿರಿಯರಾದ ಡಿ ಡಿ ಓಣಿ ಮಂಡಳಿ ಸದಸ್ಯರಾದ ಮಲ್ಲಿಕಾರ್ಜುನ ಕಟ್ಟಿಮನಿ, ಸಂದೀಪ್ ಹಳ್ಳಿ ಚಂದ್ರಕಾಂತ ಬುರಲಿ, ರಾಚಯ್ಯ ಸ್ವಾಮಿ, ಮಮ್ಮದ ಮುಸ್ತಾಕ್ ಹಾಗೂ ಮಂಡಳಿಯ ಸದಸ್ಯರ ಭಾಗವಹಿಸಿದರು ವರದಿ ನಾಗರಾಜ್ ದಂಡವತಿ