ಸಗರ ಪುಸ್ತಕ ಗೂಡು ಉದ್ಘಾಟನೆ

ಸಗರ ಪುಸ್ತಕ ಗೂಡು ಉದ್ಘಾಟನೆ 

ಶಹಪುರ : ಓದುವ ಅಭಿರುಚಿಯ ಜೊತೆಗೆ ಅಕ್ಷರ ಪ್ರೀತಿ ಬೆಳೆಸಿಕೊಳ್ಳುವಲ್ಲಿ ಪುಸ್ತಕ ಗೂಡು ಪೂರಕವಾಗುತ್ತದೆ ಎಂದು ಸಗರ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾದ ಗಿರೀಶ್ ಶಿದ್ರಾ ಹೇಳಿದರು.

ತಾಲೂಕಿನ ಸಗರ ಗ್ರಾಮದ ಚಾವಡಿ ಕಟ್ಟೆಯ ಹತ್ತಿರ ಗ್ರಾಮ ಪಂಚಾಯಿತಿ ಹಾಗೂ ಗ್ರಂಥಾಲಯ ಇಲಾಖೆ ವತಿಯಿಂದ ನಿರ್ಮಿಸಿದ ಪುಸ್ತಕ ಗೂಡು ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು. ಸಾರ್ವಜನಿಕ ಓದುಗರು ಇಲ್ಲಿರುವ ಪುಸ್ತಕಗಳನ್ನು ಓದಿ ತಮ್ಮ ಬದುಕಿನಲ್ಲಿ ಉತ್ತಮ ಸಂಸ್ಕೃತಿ ಅಳವಡಿಸಿಕೊಳ್ಳಬೇಕೆಂದು ಸಲಹೆ ನೀಡಿದರು. 

ಸಂಶೋಧಕ ಹಾಗೂ ಗ್ರಾಮ ಪಂಚಾಯಿತಿ ಕಂಪ್ಯೂಟರ್ ಆಪರೇಟರ್ ಸಾಯಿಬಾಬಾ ಮಾತನಾಡಿ ಪುಸ್ತಕಗಳು ಓದುವುದರಿಂದ ಮನುಷ್ಯನ ಜ್ಞಾನ ವೃದ್ಧಿಯಾಗುತ್ತದೆ,ಹೊಸ ಹೊಸ ವಿಷಯಗಳು ಅರಿತುಕೊಳ್ಳುವುದರ ಜೊತೆಗೆ ಮಾನವೀಯ ಮೌಲ್ಯಗಳು ಅಳವಡಿಸಿಕೊಳ್ಳಬಹುದು ಎಂದು ನುಡಿದರು. 

ಈ ಸಂದರ್ಭದಲ್ಲಿ ರಾಮ ಪಂಚಾಯಿತ ಅಭಿವೃದ್ಧಿ ಅಧಿಕಾರಿಗಳಾದ ದೇವರಾಜ ನಾಯಕ,ಗ್ರಂಥ ಪಾಲಕ ವಿಶ್ವರಾಧ್ಯ ದೇಸಾಯಿಮಠ,ಗ್ರಾಮ ಪಂಚಾಯಿತಿ ಕಾರ್ಯದರ್ಶಿ ಕಾಳಪ್ಪ ಬಡಿಗೇರ, ಗ್ರಾಮ ಪಂಚಾಯಿತಿ ಸದಸ್ಯರುಗಳಾದ ಗಣೇಶ್ ಜಾಯಿ, ಸಂಗಮೇಶ್ ಕನಗುಂಡ, ಭೀಮಣ್ಣ ಮೊಕಾಶಿ, ಗ್ರಾಮದ ಯುವ ಮುಖಂಡರಾದ ಶಿವಣ್ಣಗೌಡ ಗೌಡರ್,ಸೇರಿದಂತೆ ಇನ್ನಿತರರು ಹಾಜರಿದ್ದರು.