ನಮ್ಮ ದೇಶದ ಯೋಧರು

ಹಗಲಿರುಳು ಎನ್ನದೆ

 ಬಿಸಿಲು ಚಳಿಗೆ ಕುಗ್ಗದೆ

ಭಾರತಾಂಬೆಯ ರಕ್ಷಣೆ ಮಾಡುವರು 

ನಮ್ಮಯ ದೇಶದ ಯೋಧರು 

ಕಣ್ಣುಮುಚ್ಚದ ಕಾವಲಿಗರು

 ಹದ್ದಿನಗಸ್ತು ಮಾಡುವವರು 

ಗಂಡೆದೆಯ ಗಂಡುಗಲಿಗಳಿವರು

ನಮ್ಮಯ ದೇಶದ ಯೋಧರು 

ಪ್ರಾಣವನ್ನು ಪಣವಾಗಿಸಿದವರು 

ವೈರಿ ಪಡೆಯ ಸದೆ ಬಡಿದವರು 

ಎಂಟೆದೆಯ ಭಂಟರಿವರು

ನಮ್ಮಯ ದೇಶದ ಯೋಧರು 

ಪುಣ್ಯ ಭೂಮಿ ಸೇವೆಗೈದ ಪುಣ್ಯಾತ್ಮರು

ವೈರಿಗಳ ಗುಂಡಿಗೆ

ಬಲಿಯಾದ ಹುತಾತ್ಮರು

ಎಂದೆಂದಿಗೂ ಇವರು ಅಮರರು 

ನಮ್ಮಯ ದೇಶದ ಯೋಧರು

ನಮ್ಮೆಲ್ಲರನ್ನು ರಕ್ಷಿಸಿ

 ತಾನು ತನ್ನವರನ್ನು ಅಗಲಿ

 ಚಿರ ನಿದ್ರೆ ಗೈದ ಯೋಧರಿಗೆ 

ತ್ರಿವರ್ಣ ಧ್ವಜದಿಂದ ಸಮ್ಮಾನ 

ಅದಕ್ಕೆಂದೆ ನಮ್ಮೆಲ್ಲರಿಗೂ ನಮ್ಮಯ 

ದೇಶದ ಯೋಧರೆಂದರೆ ಗೌರವ ಅಭಿಮಾನ

                                 ಶ್ರೀಮತಿ ಮಲ್ಲಮ್ಮ ಶಿವರಾಜ ಕಾಳಗಿ