ಮಕ್ಕಳಲ್ಲಿ ಸೃಜನಶೀಲತೆ ಬೆಳೆಸಲು ಶಿಶಿರೋತ್ಸವ ಸಂಭ್ರಮ ಪ್ರೇರಣೆ: ಮಾನಯ್ಯ ಬಡಿಗೇರ್

ಶರಣಬಸವೇಶ್ವರ ಉದ್ಯಾನವನದಲ್ಲಿ ಹೆಜ್ಜೆ ಗೆಜ್ಜೆ ಸ್ವರ ನಿನಾದ

ಮಕ್ಕಳಲ್ಲಿ ಸೃಜನಶೀಲತೆ ಬೆಳೆಸಲು ಶಿಶಿರೋತ್ಸವ ಸಂಭ್ರಮ ಪ್ರೇರಣೆ: ಮಾನಯ್ಯ ಬಡಿಗೇರ್

ಕಲಬುರಗಿ : ಆಧುನಿಕ ಸಮಾಜದಲ್ಲಿ ಮಕ್ಕಳಿಗೆ ಕಲೆ ಮತ್ತು ಸಾಂಸ್ಕೃತಿಕ ಲೋಕದಲ್ಲಿ ಸ್ವತಂತ್ರವಾಗಿ ಹಾಗೂ ಮುಕ್ತವಾಗಿ ಬೆಳೆಯಲು ಅವಕಾಶ ಮಾಡಿಕೊಡಬೇಕು ಆಗ ಸೃಜನಶೀಲತೆ ತನ್ನಿಂದ ತಾನೇ ಹುಟ್ಟಿಕೊಳ್ಳುತ್ತದೆ ಎಂದು ಖ್ಯಾತ ಕಲಾವಿದರು ನಾಡೋಜ ನಾಗಣ್ಣ ಶಿಲ್ಪಕಲಾ ಕೇಂದ್ರ ನಿರ್ದೇಶಕರು ಹಾಗೂ ಸ್ಥಪತಿಗಳಾದ ಡಾ. ಮಾನಯ್ಯ ನಾಗಣ್ಣ ಬಡಿಗೇರ್ ಹೇಳಿದರು. 

   ಶ್ರೀ ಶರಣಬಸವೇಶ್ವರ ಕೆರೆ ನಿರ್ವಹಣಾ ಪ್ರಾಧಿಕಾರ ಕಲ್ಬುರ್ಗಿ ಇದರ ವತಿಯಿಂದ ನಡೆಯುತ್ತಿರುವ ಶಿಶಿರೋತ್ಸವ ಸಂಭ್ರಮ 2025ರ ಎರಡನೇ ದಿನದ ಕಾರ್ಯಕ್ರಮದ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿ ಮಕ್ಕಳನ್ನು ಶೀಲತೆಯಿಂದ ಬೆಳೆಸಿದರೆ ಮಾತ್ರ ಸರ್ವಾಂಗೀಣ ಅಭಿವೃದ್ಧಿ ಸಾಧ್ಯ ಮಕ್ಕಳು ಎಲ್ಲ ರಂಗಗಳಲ್ಲಿ ಬೆಳೆದಾಗ ಪೂರ್ಣ ವ್ಯಕ್ತಿತ್ವದ ರಾಷ್ಟ್ರ ಪ್ರಜೆಯಾಗಿ ದೇಶಕ್ಕೆ ಕೊಡುಗೆ ನೀಡಲು ಸಾಧ್ಯ ಎಂದು ಹೇಳಿದರು. ಅಂತಹ ವಾತಾವರಣ ನಿರ್ಮಿಸಲು ಕಾರ್ಯಕ್ರಮ ಪೂರಕವಾಗಿದೆ. ಕಾರ್ಯಕ್ರಮದ ಆಯೋಜಕಾರಾದ ಪ್ರಾದೇಶಿಕಾಯುಕ್ತರಾದ ಕೃಷ್ಣರ ಬಾಜಪೇಯಿ ಹಾಗೂ ಶಿಶಿರೋತ್ಸವ ಸಂಭ್ರಮ ಸಂಘಟನಾ ಸಮಿತಿಯ ಎಲ್ಲ ಸದಸ್ಯರನ್ನು ಹಾರ್ದಿಕವಾಗಿ ಅಭಿನಂದಿಸುತ್ತೇನೆ ಎಂದರು.

ಬಸವೇಶ್ವರ ಕೆರೆ ನಿರ್ವಹಣಾ ಪ್ರಾಧಿಕಾರದ ಸದಸ್ಯರು ಹಾಗೂ ಶಿಶಿರೋತ್ಸವ ಸಂಭ್ರಮ ಸಾಂಸ್ಕೃತಿಕ ಸಮಿತಿಯ ಅಧ್ಯಕ್ಷರಾದ ಡಾ. ಸದಾನಂದ ಪೆರ್ಲ ಪ್ರಾಸ್ತಾವಿಕವಾಗಿ ಮಾತನಾಡಿ ಉದ್ಯಾನವನದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳ ಆಯೋಜನೆ ಮಾಡಿ ಕೆರೆಗೆ ಹೊಸ ಮೆರುಗನ್ನು ನೀಡುವ ಪ್ರಾದೇಶಿಕ ಆಯುಕ್ತರ ಕನಸನ್ನು ಸಾಕಾರಗೊಳಿಸಲು ಕಲಾವಿದರನ್ನು ಹಾಗೂ ಸಾಂಸ್ಕೃತಿಕ ಸಂಘಟನೆಗಳನ್ನು ಆಹ್ವಾನಿಸಿ ಅವರಿಗೆ ಅವಕಾಶ ನೀಡುವುದರ ಮೂಲಕ ಸಾಂಸ್ಕೃತಿಕ ವೈವಿಧ್ಯ ನೀಡುವುದು ಮೂಲ ಉದ್ದೇಶವಾಗಿದೆ ಉದ್ಯಾನವನದಲ್ಲಿ ಹೆಜ್ಜೆ ಗೆಜ್ಜೆ ಸ್ವರಗಳ ನಿನಾದದೊಂದಿಗೆ ಕಲಾಸಕ್ತರಿಗೆ ಮನರಂಜನೆ ನೀಡುವುದು ಸಾಂಸ್ಕೃತಿಕ ಸಮಿತಿಯ ಉದ್ದೇಶವಾಗಿದೆ ಎಂದರು. ಕಾರ್ಯಕ್ರಮದಲ್ಲಿ ಪ್ರಾದೇಶಿಕ ಆಯುಕ್ತರ ಕಚೇರಿಯ ತಹಶೀಲ್ದಾರ್ ಶ್ರೀಮತಿ ಶಾರದಾ ಬಿರಾದಾರ್ ,

ವೆಂಕಣಗೌಡ, ಸಾಂಸ್ಕೃತಿಕ ಸಲಹಾ ಸಮಿತಿ ಸದಸ್ಯರಾದ ಬಸವ ಪ್ರಭು, ಪ್ರಾದೇಶಿಕ ಆಯುಕ್ತರ ಕಚೇರಿಯ ಸಿಬ್ಬಂದಿಗಳ ಹಾಜರಿದ್ದರು. ಪ್ರೊಫೆಸರ್ ಶಂಕರಪ್ಪ ಹತ್ತಿ ಧನ್ಯವಾದಗಳು ಆಕಾಶವಾಣಿಯ ಉದ್ಭೋಷಕರಾದ ಶ್ರೀಮತಿ ಶಶಿಕಲಾ ಜಡೆ ಕಾರ್ಯಕ್ರಮ ನಿರೂಪಿಸಿದರು. ಎರಡನೇ ದಿನದ ಕಾರ್ಯಕ್ರಮದಲ್ಲಿ ಮೇದಿನಿ ಮತ್ತು ತಂಡದವರು ಸಾದರಪಡಿಸಿದ ಭರತನಾಟ್ಯ ಹೆಜ್ಜೆ ಗೆಜ್ಜೆಯ ನಿನಾದೊಂದಿಗೆ ಪ್ರೇಕ್ಷಕರ ಮನೆ ಸೂರ್ಯ ಕೊಂಡಿತು ವಂದೇ ಮಾತರಂ ದೇಶಭಕ್ತಿ ನೃತ್ಯ ಎಲ್ಲರ ಮನ ಸೆಳೆಯಿತು. ವೀರೇಶ ಹೂಗಾರ ತಂಡದವರು ಶಾಸ್ತ್ರೀಯ ಗಾಯನ ಭಾವಗೀತೆ ಹಾಡಿ ರಂಜಿಸಿದರು. ಹಿರಿಯ ನಾಗರಿಕರ ವತಿಯಿಂದ ಪ್ರತಾಪ್ ಸಿಂಗ್ ತಿವಾರಿ ಮತ್ತು ಬಳಗದವರು ನಡೆಸಿಕೊಟ್ಟ ಚಲನಚಿತ್ರ ಗೀತೆಗಳ ಸಂಗೀತ ರಸ ಸಂಜೆ ಕಾರ್ಯಕ್ರಮಕ್ಕೆ ಪ್ರೇಕ್ಷಕರು ತಲೆದೂಗಿದರು. ಎರಡನೆಯ ದಿನದ ಕಾರ್ಯಕ್ರಮಡಲ್ಲಿ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಕಲಾವಿದರನ್ನು ಪ್ರೋತ್ಸಾಹಿಸಿದ್ದರು ಸಂಭ್ರಮದಲ್ಲಿ ಮನರಂಜನೆಯೊಂದಿಗೆ ಸಂಭ್ರಮಿಸಿದರು