ಡೆಕ್ಕನ್ ಹೆರಾಲ್ಡ್ ಪತ್ರಿಕೋದ್ಯಮದ ಗರ್ವಗಾಥೆ

ಡೆಕ್ಕನ್ ಹೆರಾಲ್ಡ್ ಪತ್ರಿಕೋದ್ಯಮದ ಗರ್ವಗಾಥೆ

ಡೆಕ್ಕನ್ ಹೆರಾಲ್ಡ್ – ಒಂದು ಪತ್ರಿಕೆಯ ಸ್ಮರಣೀಯ ಪಯಣ

ಲೇಖನ: ಶರಣಗೌಡ ಪಾಟೀಲ ಪಾಳಾ 

ಇದು ಜೂನ್ 17, 1948. ಆ ದಿನ ಭಾರತದ ಪತ್ರಿಕೋದ್ಯಮದಲ್ಲಿ ಒಂದು ಹೊಸ ಅಧ್ಯಾಯ ಆರಂಭವಾಯಿತು. ಬೆಂಗಳೂರು ಆಧಾರಿತ ಉದ್ಯಮಿ ಕೆ.ಎನ್. ಗುರುಸ್ವಾಮಿ ನೇತೃತ್ವದ ದಿ ಪ್ರಿಂಟರ್ಸ್ (ಮೈಸೂರು) ಪ್ರೈ. ಲಿ. ಸಂಸ್ಥೆ ಆರಂಭಿಸಿದ ಇಂಗ್ಲಿಷ್ ದಿನಪತ್ರಿಕೆ ಡೆಕ್ಕನ್ ಹೆರಾಲ್ಡ್ ಇಂದು 77ನೇ ವರ್ಷಕ್ಕೆ ಕಾಲಿಟ್ಟಿದೆ.

ಡೆಕ್ಕನ್ ಹೆರಾಲ್ಡ್ಪ ತ್ರಿಕೆಯ ಪ್ರಾರಂಭ ಟ್ಯಾಬ್ಲಾಯ್ಡ್ ಆಕಾರದಲ್ಲಿ ಆಗಿದ್ದು, ನಂತರ ಶಿಷ್ಟ ಮಾದರಿಯ ದೈನಿಕವಾಗಿ ರೂಪಾಂತರಗೊಂಡಿತು. ಇಂಗ್ಲಿಷ್ ಭಾಷೆಯ ಪತ್ರಿಕೆಯಾಗಿ ಇದು ಕನ್ನಡಿಗರ ಮನಗೆದ್ದದ್ದು ಒಂದಿಷ್ಟು ವಿಚಿತ್ರವೂ ಹೌದು. ಆದರೆ ಇದರ ಅಚ್ಚುಕಟ್ಟುತನ, ಭಾಷಾಶೈಲಿ ಹಾಗೂ ಅಭಿಪ್ರಾಯದ ದೃಢತೆಯು ಓದುಗರನ್ನು ಬಲವಾಗಿ ಆಕರ್ಷಿಸಿತು.

ಇದೇ ಪತ್ರಿಕೆಯ ಮೂಲಕ ಖ್ಯಾತ ಬರಹಗಾರ ಖುಷ್ವಂತ್ ಸಿಂಗ್, ನಿರ್ಭೀತ ಸಂಪಾದಕೀಯಗಳು, ಜನಪ್ರಿಯ ಅಂಕಣಗಳು ಜನಮನ ಸೆಳೆದವು. “ಓವರ್ ಎ ಕಪ್ ಆಫ್ ಟೀ” ಎಂಬ ಅಂಕಣ ಮಾತ್ರವಲ್ಲ, ಮಹಿಳಾ ಪುಟ, ಮಕ್ಕಳ ಪುಟ, ಚಲನಚಿತ್ರ ಪುಟ, ಕ್ರೀಡಾ ವರದಿಗಳು, ವೈಶಿಷ್ಟ್ಯಪೂರ್ಣ ಭಾನುವಾರದ ಪುರವಣಿಗಳು – ಎಲ್ಲವೂ ಒಂದೆಡೆ ಸಿಗುವ ಅನನ್ಯ ಅನುಭವ ನೀಡುತ್ತಿದ್ದವು.

ಸಂಪಾದಕೀಯ ಮೆಟ್ಟಿಲುಗಳಲ್ಲಿ ಪೋತನ್ ಜೋಸೆಫ್, ಜಿ.ವಿ. ಕೃಪಾನಿಧಿ, ವಿ.ಕೆ. ನರಸಿಂಹನ್, ಎಂ.ಪಿ. ಯಶವಂತಕುಮಾರ್, ಇತ್ತೀಚಿನದಾಗಿ ಕೆ.ಎನ್. ತಿಲಕ್ ಕುಮಾರ್ ಮುಂತಾದವರು ತಮ್ಮ ದಕ್ಷತೆಯಿಂದ ಪತ್ರಿಕೆಗೆ ದಿಕ್ಕು ನೀಡಿದರು. *ಮೆಟ್ರೋಲೈಫ್* ಎಂಬ ಪುರವಣಿಯಿಂದ ಬೆಂಗಳೂರು ನಿವಾಸಿಗಳಿಗೆ ನಿಖರವಾದ ಶಹರದ ಪಾಠ ನೀಡಲು ಪತ್ರಿಕೆ ಮುಂದಾಗಿತ್ತು.

ಡೆಕ್ಕನ್ ಹೆರಾಲ್ಡ್ ನ ಅಚ್ಚು ಆರಂಭದಲ್ಲಿ ಬೆಂಗಳೂರಿನಲ್ಲಿ ಮಾತ್ರ ಇದ್ದರೂ, ಮುಂದೆ ಹುಬ್ಬಳ್ಳಿ, ಮಂಗಳೂರು, ದಾವಣಗೆರೆ, ಶಿವಮೊಗ್ಗ, ಗುಲ್ಬರ್ಗಾ ಮೊದಲಾದ ನಾನಾ ಕೇಂದ್ರಗಳಿಂದ ಪ್ರಕಟಿತವಾಗುತ್ತಾ, ರಾಜ್ಯದ ಮೂಲೆಯವರೆಗೆ ತಲುಪಿತು. ಇದರ ಸಹೋದರ ಪತ್ರಿಕೆಗಳು ಪ್ರಜಾವಾಣಿ (ಕನ್ನಡ ದಿನಪತ್ರಿಕೆ), ಸುಧಾ (ವಾರಪತ್ರಿಕೆ), ಮಯೂರ (ಮಾಸಪತ್ರಿಕೆ) ಎಂಬುವುವು ಕೂಡ ತಮ್ಮದೇ ಆದ ಸ್ಥಾನ ಪಡೆದುಕೊಂಡಿವೆ.

ಇಂದಿನ ಡಿಜಿಟಲ್ ಯುಗದಲ್ಲಿ ಪತ್ರಿಕಾವನ್ನು ಮೊಬೈಲ್, ಲ್ಯಾಪ್‌ಟಾಪ್, ಟ್ಯಾಬ್ಲೆಟ್ ನಲ್ಲಿ ಓದುತ್ತಿರುವ ಕಾಲದಲ್ಲಿ, ಆ ದಿನಗಳ ಕಾಗದದ ಸುಗಂಧ, ಪ್ರತಿ ಮುಂಜಾನೆಯ ಪತ್ರಿಕೆಗೆ ಕಾಯುವ ನಾಗರಿಕ ನಿಷ್ಠೆ, ಹಂಬಲ – ಅವು ಮರೆಯಲಾಗದ ನೆನಪುಗಳು.

ಡೆಕ್ಕನ್ ಹೆರಾಲ್ಡ್ – ನಿಜಕ್ಕೂ ಒಂದು ಪತ್ರಿಕೆಯಷ್ಟು ಅಚ್ಚುಕಟ್ಟಾಗಿ ರೂಪುಗೊಂಡ ಪ್ರತಿಷ್ಠಾನ. ಪತ್ರಿಕೋದ್ಯಮದಲ್ಲಿ ಅದು ಕನ್ನಡಿಗನ ಹೆಮ್ಮೆ, ಪತ್ರಕರ್ತನ ಪ್ರೇರಣೆ ಮತ್ತು ಓದುಗರಿಗೆ ಒಂದು ವಿಶ್ವಾಸದ ಬಂಡಿ