ಆದರ್ಶ ಅಧ್ಯಕ್ಷ ಪುಸ್ತಕ ಲೋಕಾರ್ಪಣೆ

ಆದರ್ಶ ಅಧ್ಯಕ್ಷ ಪುಸ್ತಕ ಲೋಕಾರ್ಪಣೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮ 

ಬೆಂಗಳೂರು: ಎಚ್ಎಎಲ್ ಕೇಂದ್ರೀಯ ಕನ್ನಡ ಸಂಘದ ವತಿಯಿಂದ ಬೆಂಗಳೂರು ನಗರದ ಎಚ್ಎಎಲ್ ಆಸ್ಪತ್ರೆ ಹತ್ತಿರ ಸುರಂಜನ್ ದಾಸ್ ರಸ್ತೆಯ ಹಳೆ ಎಚ್ ಎ ಎಲ್ ಸಭಾಂಗಣದಲ್ಲಿ ಮಂಗಳವಾರ 17 ಸೆಪ್ಟೆಂಬರ್ 24 ರಂದು ಮಧ್ಯಾಹ್ನ 3:30ಕ್ಕೆ 

"ಆದರ್ಶ ಅಧ್ಯಕ್ಷ" ಪುಸ್ತಕ ಲೋಕಾರ್ಪಣೆ ಕಾರ್ಯಕ್ರಮ ನಡೆಯಲಿದೆ ಎಂದು ಸಂಘದ ಅಧ್ಯಕ್ಷ ಡಿ. ರಾಜೇಶ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಪುಸ್ತಕವನ್ನು ಬೆಂಗಳೂರು ಸಂಕಿರಣದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜಯಕೃಷ್ಣನ್ ಎನ್ ಲೋಕಾರ್ಪಣೆ ಮಾಡಲಿದ್ದಾರೆ. 

ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಸುಧಾಕರನ್ ರಾಮತಳಿ ಪುಸ್ತಕ ಕುರಿತು ಮಾತನಾಡಲಿದ್ದಾರೆ. 

ಎಚ್ಎಎಲ್ ನಿವೃತ್ತ ಅಧ್ಯಕ್ಷರು ಪದ್ಮಶ್ರೀ ಡಾ.ಸಿ.ಜಿ. ಕೃಷ್ಣದಾಸ್ ನಾಯರ್ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. 

ಹಿಂ.ವಿ.ಕಾ. ನೌಕರ ಸಂಘದ ಅಧ್ಯಕ್ಷ ಮಹೇಶ್ ಅಂಗಡಿ ಅಧ್ಯಕ್ಷತೆ ವಹಿಸಲಿದ್ದಾರೆ.

ಕಾರ್ಯಕ್ರಮದಲ್ಲಿ ಎಚ್. ನಿಂಗರಾಜ್,ಬಿ.ಎನ್ ಶಿವಲಿಂಗ, ಕುಸುಮ ರಾಜಶೇಖರ್, ಸಿದ್ಧಿವಿನಾಯಕ್ ಆರ್, ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ. 

ಮು.ನಂ. ಗಜೇಂದ್ರ ಅನುವಾದಕರು, ವಿ ಶ್ರೀನಿವಾಸ್ ಪ್ರಕಾಶಕರು ಭಾಗವಹಿಸಲಿದ್ದಾರೆ. 

ಎಚ್ಎಎಲ್ ಲಲಿತಕಲಾ ಸಂಘದವರಿಂದ ಗಾಯನ, ಲೋಕೇಶ್ ಶಾಲೆ ಮಕ್ಕಳಿಂದ ಹಾಗೂ ಇ ಕೆ. ವಿನೋದ್ ತಂಡದಿಂದ ನೃತ್ಯ , ಮತ್ತು ಅಂಚೆ ಚೀಟಿ ಪ್ರದರ್ಶನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಪ್ರಧಾನ ಕಾರ್ಯದರ್ಶಿ ದೇವರಾಜ್ ಕೆ.ಡಿ ತಿಳಿಸಿದ್ದಾರೆ.ಸಾಹಿತ್ಯಾಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಕೋರಿದ್ದಾರೆ.