ಭಕ್ತ ಸಾಗರ ನಡುವೆ ಶ್ರೀ ರೇವಣಸಿದ್ದೇಶ್ವರ ಅದ್ಧೂರಿ ಬೆಳ್ಳಿ ಪಲ್ಲಕ್ಕಿ ಉತ್ಸವ

ಕಲಬುರಗಿ: ೧೯ ನೇ ಆಗಸ್ಟ್,

 ಕಾಳಗಿ ತಾಲ್ಲೂಕಿನ ಧಾರ್ಮಿಕ ದತ್ತಿ ಇಲಾಖೆಯ ರಟಕಲ್ (ರೇವಗ್ಗಿ) ಶ್ರೀ ರೇವಣಸಿದ್ದೇಶ್ವರ ಬೆಳ್ಳಿ ಪಲ್ಲಕ್ಕಿ ಉತ್ಸವವು ಬಹು ವಿಜೃಂಭಣೆಯಿಂದ ಜರುಗಿತು.

ಇಂದು ಜರುಗಿದ ಪಲ್ಲಕ್ಕಿ ಉತ್ಸವದಲ್ಲಿ ಆಂಧ್ರ ಪ್ರದೇಶ, ಮಹಾರಾಷ್ಟ್ರ, ತೆಲಂಗಾಣ, ಗೋವಾ, ಕರ್ನಾಟಕದ ಮೂಲೆ ಮೂಲೆಯಿಂದ ಲಕ್ಷೋಪಲಕ್ಷವಾಗಿ ಜನಸಾಗರವೇ ಹರಿದು ಬಂದಿತ್ತು.

ಈ ಸಂದರ್ಭದಲ್ಲಿ ಭಕ್ತಾದಿಗಳು ಶ್ರೀ ರೇವಣಸಿದ್ದೇಶ್ವರ ದೇವಸ್ಥಾನದಲ್ಲಿ ತಮ್ಮ ಹರಕೆ ತೀರಿಸಿ ರೇವಣಸಿದ್ದೇಶ್ವರ ಮಹಾರಾಜ ಕಿ ಜೈ ಎನ್ನುತ್ತ ಉತ್ತತ್ತಿ ಬಾಳೆಹಣ್ಣು ಸಮರ್ಪಣೆ ಮಾಡಿ, ರೇವಣಸಿದ್ದೇಶ್ವರ ಸದ್ಭಕ್ತಾದಿಗಳು ಹರ್ಷೊಲ್ಲಾಸ ವ್ಯಕ್ತಪಡಿಸಿದರು.

ಪ್ರಮುಖರಾದ ವೀರಣ್ಣ ಗಂಗಾಣಿ ರಟಕಲ್, ರಾಜು ಧರಿ ಗುಡದಾ, ಶರಣಬಸಪ್ಪ ಮಮಶೆಟ್ಟಿ, ಶಿವರಾಜ ಪಾಟೀಲ್ ಗೋಣಿ, ನಾಗರಾಜ್ ಬಿರಾದಾರ್ ರೇವಗಿ, ರೇವಣಸಿದ್ದ ಚೆಂಗಟ್ಟಿ, ರೇವಶೆಟ್ಟಿ ಪಾಟೀಲ್ ಗೋಣಿ, ಮಂಜು ಸೇರಿದಂತೆ ಅನೇಕ ಭಕ್ತರು ಉತ್ಸವದಲ್ಲಿ ಪಾಲ್ಗೊಂಡಿದ್ದರು.