ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿ ಪೂಜೆ ಮತ್ತು ಉದ್ಘಾಟನೆ: ಪ್ರಭು ಚವ್ಹಾಣ

ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಭೂಮಿ ಪೂಜೆ ಮತ್ತು ಉದ್ಘಾಟನೆ: ಪ್ರಭು ಚವ್ಹಾಣ

ಕಮಲನಗರ :ತಾಲೂಕಿನ ವಿವಿಧ ಗ್ರಾಮಗಳಿಗೆ ಸಂಚರಿಸಿ ಮಾಜಿ ಸಚಿವರು ಹಾಗೂ ಶಾಸಕ ಪ್ರಭು ಚವ್ಹಾಣ ಅವರು ಅಭಿವೃದ್ಧಿ ಕಾಮಗಾರಿಗೆ ಭೂಮಿ ಪೂಜೆ ಮತ್ತು ಉದ್ಘಾಟನೆ ನೆರವೇರಿಸಿದ್ದರು.

ಬಂಡಾರಕಮಟಾ ಗ್ರಾಮದಲ್ಲಿ 6 ಲಕ್ಷ ರೂಪಾಯಿ ವೆಚ್ಚದ ಸಿಮೆಂಟ್ ರಸ್ತೆ, ಬೆಳಕುಣಿ(ಭೋ) ಗ್ರಾಮದ ಕೆರೆ ಕಾಲುವೆ ದುರಸ್ತಿ ಕಾಮಗಾರಿಗೆ 1 ಕೋಟಿ ರೂ ಡೋಣಗಾಂವ(ಎಮ್) ಕ್ರಾಸ್ ದಿಂದ ಡೋಣಗಾಂವ ಗ್ರಾಮಕ್ಕೆ ಸಂಪರ್ಕಿಸುವ ರಸ್ತೆ ನಿರ್ಮಾಣ ಕಾಮಗಾರಿಗೆ 1 ಕೋಟಿ ರೂ. ಗಳು ಮತ್ತು1ಕೋಟಿ ರೂಗಳ ವೆಚ್ಚದಲ್ಲಿ ರಕ್ಷ್ಯಾಳ(ಕೆ) ಕ್ರಾಸ್ ದಿಂದ ರಕ್ಷ್ಯಾಳ ಗ್ರಾಮಕ್ಕೆ ಸಂಪರ್ಕಿಸುವ ರಸ್ತೆ, ಹಾಗೂ ಎಕಲಾರ ತಾಂಡದಲ್ಲಿ 15 ಲಕ್ಷದ ಸಮುದಾಯ ಭವನ ನಿರ್ಮಾಣ ಕಾಮಗಾರಿಗಳಿಗೆ ಶಂಕುಸ್ಥಾಪನೆ ನೆರವೇರಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಸರ್ವಾಂಗೀಣ ಅಭಿವೃದ್ಧಿಯ ಪ್ರಯತ್ನವಾಗಿದೆ ಪ್ರತಿ ವರ್ಷ ಗ್ರಾಮ ಸಂಚಾರ ಕಾರ್ಯಕ್ರಮದ ಮೂಲಕ ಹತ್ತಾರು ಗ್ರಾಮಗಳಿಗೆ ಭೇಟಿ ನೀಡಿ ಗ್ರಾಮಸ್ಥರ ಸಮಸ್ಯೆಗಳನ್ನು ಖುದ್ದಾಗಿ ಆಲಿಸಿ ಅವರ ಬೇಡಿಕೆಗೆ ತಕ್ಕಂತೆ ಕಾಮಗಾರಿ ಕೈ ಗೆತ್ತಿ ಕೊಳ್ಳಲಾಗುತ್ತಿದೆ. ಕೆಲಸಗಳು ಗುಣಮಟ್ಟದಿಂದ ಮತ್ತು ನಿಗದಿತ ಅವಧಿಯಲ್ಲಿ ಪೂರ್ಣಗೊಳಿಸಬೇಕು. ಸಾರ್ವಜನಿಕರ ಸಹಕಾರದಿಂದ ಕ್ಷೇತ್ರದ ಸಮಗ್ರ ಅಭಿವೃದ್ಧಿ ಸಾಧ್ಯ ಸಾರ್ವಜನಿಕರಿಂದ ಕಾಮಗಾರಿ ಗುಣಮಟ್ಟದ ಬಗ್ಗೆ ದೂರುಗಳು ಬಾರದಂತೆ ಅಧಿಕಾರಿ ಮತ್ತು ಗುತ್ತಿಗೆದಾರರು ಎಚ್ಚರ ವಹಿಸಬೇಕು ಎಂದರು.

 ಶಿವಾಜಿ ರಾವ್ ಪಾಟೀಲ ಮೂಗ್ನಾಳ್, ರಾಮಶೆಟ್ಟಿ ಪನ್ನಾಳೆ, ಬೆಳಕುಣಿ(ಭೋ) ಗ್ರಾಮ ಪಂಚಾಯತ್ ಅಧ್ಯಕ್ಷ ಅಭಿಲಾಶ್ ಶಿವಕುಮಾರ್ ಸಂಜು ಕುಮಾರ್ ಸಿಂಧೆ, ಕಾಶಿನಾಥ್ ಒಡೆಯರ್ ,ದತ್ತು ಒಡೆಯರ್ ,ಶಿವಲಿಂಗ್ ಬೆಟ್ಟಾ ರಮೇಶ್ ಶೆಟಕಾರ ಹೇಮಂತ್ ಪಾಟೀಲ ರಾಜೇಂದ್ರ ಮಾಳೆ ಶ್ರೀಮಂತ್ ಪಾಟೀಲ್ ಸೇರಿದಂತೆ ಗ್ರಾಮಸ್ಥರು ಇದ್ದರು.