ಆದರ್ಶ ವಿದ್ಯಾಲಯದಲ್ಲಿ ಇಕೋ ಕ್ಲಬ್ ದಿಂದ ಜಾಗೃತಿ ಕಾರ್ಯಕ್ರಮ

ಆದರ್ಶ ವಿದ್ಯಾಲಯದಲ್ಲಿ ಇಕೋ ಕ್ಲಬ್ ದಿಂದ ಜಾಗೃತಿ ಕಾರ್ಯಕ್ರಮ 

ಆಳಂದ: ಆದರ್ಶ ವಿದ್ಯಾಲಯದಲ್ಲಿ ಇಕೋ ಕ್ಲಬ್ ಜಾಗೃತಿ ಮೂಡಿಸುವಕಾರ್ಯಕ್ರಮ ನಡೆಯಿತು . ಪರಿಸರ ಸಂರಕ್ಷಣೆ ಎಲ್ಲರ ಹೊಣೆ -ಸಂಜಯ ಪಾಟೀಲ 

ಆಳಂದ: ಭವಿಷ್ಯದಲ್ಲಿ ಜೀವಸಂಕುಲದ ಉಳಿವು, ಬೆಳವಣಿಗೆಗಾಗಿ ಎಲ್ಲರಿಗೂ ಪರಿಸರ ಸಂರಕ್ಷಣೆ ಮಾಡುವ ಹೊಣೆಗಾರಿಕೆ ಇದೆ ಎಂದು ಪ್ರಾಂಶುಪಾಲ ಸಂಜಯ ಪಾಟೀಲ ತಿಳಿಸಿದರು.

ಪಟ್ಟಣದ ಆದರ್ಶ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಶುಕ್ರವಾರ ಇಕೋ ಕ್ಲಬ್ ವತಿಯಿಂದ ಏರ್ಪಡಿಸಿದ್ದ ಪರಿಸರ ಜಾಗೃತಿ ಮತ್ತು ಗಿಡಗಳಿಗೆ ನೀರುಣಿಸುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಅತಿ ವೃಷ್ಟಿ, ಅನಾವೃಷ್ಟಿ, ಜಾಗತಿಕ ತಾಪಮಾನ, ಭೂಕಂಪ ಹಾಗೂ ಅಪಾಯಕಾರಿ ವೈರಸ್ ಗಳು ಹರಡುವಿಕೆಗೆ ಪರಿಸರದ ಅಸಮತೋಲನವು ಕಾರಣವಾಗುತ್ತಿದೆ, ಹಿಂದೆ ನಡೆದ ಸುನಾಮಿ, ಭೂಕಂಪಗಳಿಂದ ಆದ ಹಾನಿಯನ್ನು ಮರೆಯಬಾರದು. ಪ್ರಾಕೃತಿಕ ಸಂಪತ್ತು ಹೆಚ್ಚಿದ್ದರೆ ಮಾತ್ರ ನಾವೂ ಸುರಕ್ಷಿತರಾಗಿರುತ್ತೇವೆ ಎಂದರು.

ಗಿಡಮರಗಳ ಸಂರಕ್ಷಣೆ ಕಾರ್ಯ ಅರಣ್ಯ ಇಲಾಖೆ ಅಧಿಕಾರಿಗಳ ಜವಾಬ್ದಾರಿಗೆ ಮಾತ್ರ ಸೀಮಿತವಲ್ಲ, ಇಂತಹ ಇಕೋ ಕ್ಲಬ್, ಹಸಿರು ಸೇನೆ, ಪರಿಸರ ಸಂಘಗಳ ಮೂಲಕವು ನಮ್ಮ ಸುತ್ತಲಿನ ಪ್ರಾಕೃತಿಕ ಸಂಪತ್ತು ಸಂವರ್ಧನೆ ಮಾಡುವ ಚಟುವಟಿಕೆಗಳು ಶಾಲಾ ಹಂತದಲ್ಲಿ ಕೈಗೊಳ್ಳುವದು ಅಗತ್ಯವಾಗಿದೆ ಎಂದರು.

ಇಕೋ ಕ್ಲಬ್ ಸಂಯೋಜಕಿ ಕೆ. ಸೀಮಂತನಿ ಮಾತನಾಡಿ ಶಾಲಾ ಹಂತದಲ್ಲಿ ವಿದ್ಯಾರ್ಥಿಗಳು ಗಿಡ ಮರ ಬೆಳೆಸುವದು, ನೀರಿನ ಅಪವ್ಯಯ ತಡೆಯುವದು ಹಾಗೂ ಸ್ವಚ್ಛತೆ ಬಗ್ಗೆ ಕಾಳಜಿ ಬೆಳೆಸಿಕೊಂಡು ಪರಿಸರ ಸ್ನೇಹಿಯಾದ ಜೀವನ ಶೈಲಿ ರೂಡಿಸಿಕೊಳ್ಳಲು ತಿಳಿಸಿದರು. ಮುಖ್ಯ ಶಿಕ್ಷಕ ಸೂರ್ಯಕಾಂತ ಕಾಂಬಳೆ ಅಧ್ಯಕ್ಷತೆ ವಹಿಸಿದ್ದರು. ಶಿಕ್ಷಕರಾದ ಸಿದ್ದಣ್ಣ ಮಾಹಿ, ಅಪ್ರೋಜಾ ಜರ್ದಿ , ಗೀತಾ ಬಲ್ಲಿದವ, ರಮೇಶ , ರಾಜೇಶ್ವರಿ ಲವಟೆ, ವಿಜಯಕುಮಾರ್ ಇದ್ದರು.

ಕೃತ್ತಿಕಾ ನಿರೂಪಿಸಿದರೆ, ರಾಜಶೇಖರ ಪಾಟೀಲ ಸ್ವಾಗತಿಸಿದರು. ಸಿದ್ದಾರ್ಥ ಹಸೂರೆ ವಂದಿಸಿದರು. ಇದೇ ಸಂದರ್ಭದಲ್ಲಿ ಇಕೋ ಕ್ಲಬ್ ವತಿಯಿಂದ ಶಾಲೆಯಲ್ಲಿ ಹಮ್ಮಿಕೊಂಡಿದ್ದ ವಿಜ್ಞಾನ ರಸಪ್ರಶ್ನೆ, ರಂಗೋಲಿ ಸ್ಪರ್ಧೆ ಹಾಗೂ ಭಾಷಣ ಸ್ಪರ್ಧೆಯಲ್ಲಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಣೆ ಮಾಡಲಾಯಿತು.