ಮನ್ಸೂರ ಅಲಿ ಬಾಬಾಗೆ ವಲಿದುಬಂದ "ಗೌಡಾ; ಸುನೀಲ,ಚಂದ್ರಕಾಂತ ಮಚ್ಚಟ್ಟಿ ಅಭಿನಂದನೆ

ಶ್ರೀಗಳಾದ ಮನ್ಸೂರ ಅಲಿ ಬಾಬಾ ಅವರಿಗೆ ಡಾಕ್ಟರೇಟ್ ಪದವಿ ನೀಡಿದಕ್ಕೆ ಸುನೀಲ ಮಚ್ಚಟ್ಟಿ, ಚಂದ್ರಕಾಂತ ಮಚ್ಚಟ್ಟಿ ಅವರಿಂದ ಅಭಿನಂದನೆ

ಕಲಬುರಗಿ :ಕಪನೂರ ಹಜರತ್ ಸೈಯದ್ ಶಹಾ ಫೈಜಾನ್ ಖಾದ್ರಿ ದರ್ಗಾದ ಶ್ರೀಗಳಾದ ಮನ್ಸೂರ ಅಲಿ ಬಾಬಾ ಅವರಿಗೆ ಜರ್ಮನಿಯ ಅಂತರಾಷ್ಟ್ರೀಯ ಪೀಸ್ ವಿಶ್ವವಿದ್ಯಾಲಯವು ೨೦೨೪ನೇ ಸಾಲಿನ ಸಾಮಾಜಿಕ ಸೇವೆಗಾಗಿ ಡಾಕ್ಟರೇಟ್ ಪದವಿಯನ್ನು ಪ್ರದಾನ ಮಾಡಿದಕ್ಕೆ ವಾರ್ಡ.೨.ರ ಮಹಾನಗರ ಪಾಲಿಕೆ ಸದಸ್ಯ ಸುನೀಲ ಮಚ್ಚಟ್ಟಿ ಹಾಗೂ ನಂದಿ ದಾಲಮೇಲ್ ಮಾಲಿಕ ಚಂದ್ರಕಾಂತ ಎನ್.ಮಚ್ಚಟ್ಟಿ ಜಂಟಿಯಾಗಿ ಬಾಬಾ ಅವರಿಗೆ ಅಭಿನಂದನೆ ತಿಳಿಸಿದ್ದಾರೆ.

ಶನಿವಾರ ಪಾಂಡಿಚೇರಿಯ ಖಾಸಗಿ ಸೆಹನಬಾಗ್ ಹೋಟೆಲ್ ಮತ್ತು ಕನ್ವೇನಪ್ ಸೆಂಟರ್‌ನಲ್ಲಿ ಜರುಗಿದ ಸಮಾರಂಭದಲ್ಲಿ ಈ ಪದವಿಯನ್ನು ಪ್ರದಾನ ಮಾಡಲಾಗಿದೆ.

ಸುಮಾರು ನಾಲ್ಕು ದಶಕಗಳಿಂದ ಹಜರತ್ ಸೈಯದ್ ಶಹಾ ಫೈಜಾನ್ ಖಾದ್ರಿ ದರ್ಗಾದ ಶ್ರೀಗಳಾಗಿ ಹಲವಾರು ಸಾಮಾಜಿಕ, ಧಾರ್ಮಿಕ ಅಲ್ಲದೆ ದರ್ಗಾ ಅಡಿಯಲ್ಲಿ ಉಚಿತವಾಗಿ ಬಡಮಕ್ಕಳಿಗೆ ಶಿಕ್ಷಣ ನೀಡಲು ಕಲಬುರಗಿಯ ಕಪನೂರ ಹಾಗೂ ಬಂದರವಾಡಗಳಲ್ಲಿ ಪೂರ್ವ ಪ್ರಾಥಮಿಕ ಶಾಲೆಗಳನ್ನು ಸಹ ಪ್ರಾರಂಭಿಸಿ, ಶಿಕ್ಷಣ ಕ್ಷೇತ್ರಕ್ಕೂ ತಮ್ಮ ಅಳಿಲು ಸೇವೆ ಸಲ್ಲಿಸುವ ಮೂಲಕ ಸಾಮಾಜಿಕ ಕಾರ್ಯಯಲ್ಲಿ ತೊಡಗಿದ್ದ ಇವರ ನಿಸ್ವಾರ್ಥ ಸೇವೆಯನ್ನು ಪರಿಗಣ ಸಿ ಜರ್ಮನ್‌ನ ಅಂತರಾಷ್ಟ್ರೀಯ ಪೀಸ್ ವಿಶ್ವವಿದ್ಯಾಲಯವು ಈ ಡಾಕ್ಟರೆಟ್ ಪದವಿಯನ್ನು ನೀಡುವ ಮೂಲಕ ಇವರು ಇನ್ನು ಸಾಮಾಜಿಕ ಕ್ಷೇತ್ರದಲ್ಲಿ ಸೇವೆ ಮಾಡಲು ಒತ್ತು ನೀಡಿದಂತಾಗಿದೆ.

ಲೋಕಕಲ್ಯಾಣಕ್ಕಾಗಿ ಬಾಬಾ ಅವರು ಮೌನ ಅನುಷ್ಠಾನ ಸಹ ಮಾಡಿದ್ದು, ವಿಶೇಷ ಏನೆಂದರೆ ಬಾಬಾ ಅವರು ಅನುಷ್ಠಾನ ಕುಳಿತ ಸ್ಥಳವನ್ನು ನಾಲ್ಕು ದಿಕ್ಕುಗಳಿಂದ ಮುಚ್ಚಿ ಅಂದರೆ ಗೋಡೆ ಕಟ್ಟಿ ಅದರ ಮಧ್ಯ ಅನುಷ್ಠಾನಗೈದಿದ್ದಾರೆ, ಈ ಶ್ರೀಗಳು ಆಂದ್ರ ಪ್ರದೇಶದ ಶ್ರೀಶೈಲಂನಲ್ಲಿಯೂ ಕೂಡ ಅನುಷ್ಠಾನಗೈದಿದ್ದಾರೆ. ಎಂದರು ಪ್ರಕಟಣೆಯ ಮೂಲಕ ಶ್ರೀ ಗಳಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.