ಮಲ್ಲಣ್ಣಪ್ಪ ಮಹಾಸ್ವಾಮಿಗಳ 63 ನೇ ಜನ್ಮ ದಿನೋತ್ಸವ |

ಮಲ್ಲಣ್ಣಪ್ಪ ಮಹಾಸ್ವಾಮಿಗಳ 63 ನೇ ಜನ್ಮ ದಿನೋತ್ಸವ |

ಜ್ಞಾನ ಯೋಗಿ ಗ್ರಂಥ ಲೋಕಾರ್ಪಣೆ ಸಮಾರಂಭ :

ಶಹಾಬಾದ : - ಧರ್ಮರತ್ನ, ಸಾಹಿತ್ಯ ರತ್ನ, ಭಾವೈಕ್ಯತೆ ಹರಿಕಾರ ಪೂಜ್ಯ ಶ್ರೀ ಮಲ್ಲಣ್ಣಪ್ಪ ಮಹಾಸ್ವಾಮಿಗಳ 63ನೇ ಜನ್ಮ ದಿನೋತ್ಸವ ಹಾಗೂ ಜ್ಞಾನ ಯೋಗಿ ಗ್ರಂಥ ಲೋಕಾರ್ಪಣೆ ಸಮಾರಂಭವು ಶನಿವಾರ ದಿನಾಂಕ 19/10/2024 ರಂದು ಹಮ್ಮಿಕೊಳ್ಳಲಾಗಿದೆ ಎಂದು ಮಠದ ಭಕ್ತರಾದ ನಿಂಗಪ್ಪ ಹುಳಗೋಳಕರ ಹೇಳಿದರು. 

ಅವರು ಶ್ರೀ ಅಲ್ಲಮ ಪ್ರಭು ಸಂಸ್ಥಾನ ಮಠದ ಪೂಜ್ಯರ ನೇತೃತ್ವದಲ್ಲಿ ಕರೆದ ಪತ್ರಿಕಾ ಗೋಷ್ಠಿಯಲ್ಲಿ ಮಾತನಾಡಿದರು.

ಅಂದು ಮದ್ಯಾಹ್ನ 12:30 ಗಂಟೆಗೆ ತೋನಸನಹಳ್ಳಿ ಗ್ರಾಮದ ಶ್ರೀ ಅಲ್ಲಮ ಪ್ರಭು ಸಂಸ್ಥಾನ ಮಠದ ಸಭಾಂಗಣದಲ್ಲಿ ಜರುಗಲಿದೆ ಎಂದರು. 

ಸಮಾರಂಭದ ದಿವ್ಯಾ ಸಾನಿಧ್ಯ ವನ್ನು ಸೊನ್ನ ದ ವಿರಕ್ತ ಮಠದ ಶ್ರೀಗಳು, ಕಂಬಳೇಶ್ವರ ಮಠದ ಶ್ರೀಗಳು, ಪೇಠಶಿರೂರ ವಿರಕ್ತ ಮಠದ ಶ್ರೀಗಳು, ಸೂಗೂರ ಶ್ರೀಗಳು, ಮಹಾರಾಷ್ಟ್ರದ ನೂಲ ಮಠದ ಶ್ರೀಗಳು ವಹಿಸಿಕೊಳ್ಳುವರು. 

ಸಮಾರಂಭದ ಉದ್ಘಾಟನೆಯನ್ನು ಸಚಿವರಾದ ಪ್ರಿಯಾಂಕ್ ಖರ್ಗೆ ಮತ್ತು ಡಾ. ಶರಣಪ್ರಕಾಶ ಪಾಟೀಲ ನೇರವೇರಿಸುವರು. 

ಲೋಕ ಸಭಾ ಸದಸ್ಯ ರಾಮಕೃಷ್ಣ ದೊಡ್ಡಮನಿ, ಕೆಕೆಆರಡಿಬಿ ಅಧ್ಯಕ್ಷ ಡಾ. ಅಜಯಸಿಂಗ, ಶಾಸಕ ಬಸವರಾಜ ಮತ್ತಿಮಡು, ಪರಿಷತ್ತ ಸದಸ್ಯ ತಿಪ್ಪಣಪ್ಪ ಕಮಕನೂರ ರವರು ಜ್ಞಾನ ಯೋಗಿ ಗ್ರಂಥ ಬಿಡುಗಡೆ ಮಾಡುವರು. 

ಸಮಾರಂಭದ ಅಧ್ಯಕ್ಷತೆಯನ್ನು ಭೀಮಣ್ಣ ಸಾಲಿ ವಹಿಸಿಕೊಳ್ಳುವರು.

ಅಥಿತಿಗಳಾಗಿ ಶಾಸಕರಾದ ಅಲ್ಲಮಪ್ರಭು ಪಾಟೀಲ, ಪರಿಷತ್ತ ಸದಸ್ಯ ಬಿಜಿ ಪಾಟೀಲ, ಮಾಜಿ ಶಾಸಕ ದೊಡ್ಡಪ್ಪ ಗೌಡ ಪಾಟೀಲ, ಡಾ. ಎಂಎ ರಶೀದ, ಶರಣಪ್ಪ ತಳವಾರ, ಶಿವಾನಂದ ಪಾಟೀಲ ಮರತೂರ ಸೇರಿದಂತೆ ಅನೇಕ ಗಣ್ಯರು ಉಪಸ್ಥಿತರಿರುವರು. 

ಸಮಾರಂಭದಲ್ಲಿ ಸಾಹಿತ್ಯ ವಿಭೂಷಣ ಮತ್ತು ಸಮಾಜ ಸೇವಾ ರತ್ನ ಪ್ರಶಸ್ತಿ ಪ್ರಧಾನ ಮಾಡಲಾಗುವುದು ಜೊತೆಗೆ ತುಲಾಭಾರ ಮತ್ತು ಪ್ರಸಾದ ಸೇವೆ ನಡೆಯಲಿದೆ ಎಂದರು. 

ಪತ್ರಿಕಾ ಗೋಷ್ಠಿಯಲ್ಲಿ ಬಸವರಾಜ ಮದ್ರಕಿ, ಮಹಾದೇವ ಬಂದಳ್ಳಿ, ನಿಂಗಣ್ಣಗೌಡ ಮಾಲಿಪಾಟೀಲ, ಮಹಾಲಿಂಗ ಪೂಜಾರಿ, ಮೌನೇಶ ಉಪಸ್ಥಿತರಿದ್ದರು.

ಶಹಾಬಾದ ವರದಿ:- ನಾಗರಾಜ್ ದಂಡಾವತಿ