25ನೇ ಕಲ್ಯಾಣ ಪರ್ವ ರಜತ ಮಹೋತ್ಸವದಲ್ಲಿ ಪತ್ರಕರ್ತರಿಗೆ ಸನ್ಮಾನ
kkeditor
25ನೇ ಕಲ್ಯಾಣ ಪರ್ವ ರಜತ ಮಹೋತ್ಸವದಲ್ಲಿ ಪತ್ರಕರ್ತರಿಗೆ ಸನ್ಮಾನ.
ಬಸವಕಲ್ಯಾಣ: ನಗರದ ಬಸವಧರ್ಮ ಪೀಠದ ಬಸವ ಮಹಾಮನೆಯಲ್ಲಿ ನಡೆದ 25ನೇ ಕಲ್ಯಾಣ ಪರ್ವ ರಜತ ಮಹೋತ್ಸವದ ಅಂಗವಾಗಿ ಕಾರ್ಯಕ್ರಮದ ಕುರಿತು ಉತ್ತಮ ವರದಿಗಳನ್ನು ಪ್ರಕಟಿಸಿದ ಪತ್ರಕರ್ತರು ಹಾಗೂ ಮುದ್ರಣ ಮಾಧ್ಯಮದ ಪ್ರತಿನಿಧಿಗಳನ್ನು ಗೌರವಿಸಲಾಯಿತು.
ಕಲ್ಯಾಣ ಪರ್ವದ ಮೂರು ದಿನಗಳ ಕಾರ್ಯಕ್ರಮದ ಕುರಿತು ಪತ್ರಕರ್ತರು ಜನರಿಗೆ ಉತ್ತಮ ರೀತಿಯಲ್ಲಿ ಮಾಹಿತಿ ತಲುಪಿಸುವ ಮೂಲಕ ಉತ್ಸವದ ಮಹತ್ವವನ್ನು ಜನಸಾಮಾನ್ಯರಿಗೆ ಪರಿಚಯಿಸಿದ್ದಾರೆ. ಪತ್ರಕರ್ತರ ಈ ಕಾರ್ಯವನ್ನು ಗುರುತಿಸಿದ ಸಿದ್ದರಾಮ್ ಸ್ವಾಮಿ ಶರಣರು ಹಾಗೂ ಲಾವಣ್ಯ ಮಾತಾಜಿ ಅವರು ಪತ್ರಕರ್ತರನ್ನು ಆಹ್ವಾನಿಸಿ ಸನ್ಮಾನಿಸಿದ್ದು ವಿಶೇಷವಾಗಿತ್ತು.
ಈ ಸಂದರ್ಭದಲ್ಲಿ ಹಿರಿಯ ಪತ್ರಕರ್ತರಾದ ಗುರುನಾಥ ಗಡ್ಡೆ, ಮಾಣಿಕ್ ಬುರೆ, ಕಲ್ಯಾಣರಾವ್, ಮಧುರ ಗಾವ್ಕರ್, ನಾಗಪ್ಪ, ಪ್ರಹ್ಲಾದ, ಡಿ.ಕೆ., ಧನರಾಜ್ ಡಿ. ರಾಜೋಳೆ, ಆದಿತ್ಯ ಗಾಜರೆ, ಸುಧೀರ್, ನವಾಸೋದ್ದೀನ್ ಶೇಖ್ ಹಾಗೂ ಸಲಾಂ ಸೇರಿದಂತೆ ಹಲವು ಪತ್ರಕರ್ತರನ್ನು ಗೌರವಿಸಲಾಯಿತು.
ಸಿದ್ದರಾಮ್ ಸ್ವಾಮಿ ಶರಣರು ಹಾಗೂ ಲಾವಣ್ಯ ಮಾತಾಜಿ ಅವರು ಪತ್ರಕರ್ತರ ಹಣೆಗೆ ವಿಭೂತಿ ಧರಿಸಿ, ಬಸವಣ್ಣನವರ ಪ್ರಶಸ್ತಿಯನ್ನು ನೀಡಿ ಸನ್ಮಾನಿಸಿದರು. ಈ ಮೂಲಕ ಪತ್ರಕರ್ತರ ವೃತ್ತಿಪರ ಸೇವೆ ಮತ್ತು ಕಲ್ಯಾಣ ಪರ್ವದ ಸುದ್ದಿಗಳನ್ನು ಜನರಿಗೆ ತಲುಪಿಸುವ ಕಾರ್ಯವನ್ನು ಗುರುತಿಸಿ ಗೌರವಿಸಲಾಯಿತು.
ಮಾಧ್ಯಮಗಳು ಸಮಾಜದ ಕಣ್ಣುಗಳಿದ್ದಂತೆ. ಧಾರ್ಮಿಕ, ಸಾಂಸ್ಕೃತಿಕ ಹಾಗೂ ಸಾಮಾಜಿಕ ಕಾರ್ಯಕ್ರಮಗಳ ಮಹತ್ವವನ್ನು ಜನರಿಗೆ ತಲುಪಿಸುವಲ್ಲಿ ಪತ್ರಕರ್ತರ ಪಾತ್ರ ಮಹತ್ವದ್ದಾಗಿದೆ. ಬಸವಣ್ಣನವರ ಸಮಾನತೆ, ಕಾಯಕ ಮತ್ತು ಮಾನವೀಯತೆಯ ಸಂದೇಶಗಳನ್ನು ಜನಸಾಮಾನ್ಯರಿಗೆ ತಲುಪಿಸುವ ಕಾರ್ಯದಲ್ಲಿ ಮಾಧ್ಯಮಗಳ ಕೊಡುಗೆ ಪ್ರಶಂಸನೀಯವಾಗಿದೆ.
ಪತ್ರಕರ್ತರನ್ನು ಗುರುತಿಸಿ ಗೌರವಿಸಿದ ಸಿದ್ದರಾಮ್ ಸ್ವಾಮಿ ಶರಣರು ಹಾಗೂ ಲಾವಣ್ಯ ಮಾತಾಜಿ ಅವರ ಕಾರ್ಯಕ್ಕೆ ಪತ್ರಕರ್ತರು ಕೃತಜ್ಞತೆ ಸಲ್ಲಿಸಿದರು. 25ನೇ ಕಲ್ಯಾಣ ಪರ್ವ ರಜತ ಮಹೋತ್ಸವದಲ್ಲಿ ಪತ್ರಕರ್ತರಿಗೆ ನೀಡಿದ ಈ ಗೌರವವು ಮಾಧ್ಯಮ ಕ್ಷೇತ್ರದ ಸೇವೆಗೆ ಸಂದ ಗೌರವವಾಗಿದೆ.
ವರದಿಗಾರರು: ಧನರಾಜ್ ಡಿ. ರಾಜೋಳೆ
