ಗಜೇಂದ್ರಗಡ ತಾಲೂಕಿನ ಗೋಗೆರಿ ಗ್ರಾಮದಲ್ಲಿ ಭಕ್ತಿ-ಸೌಹಾರ್ದತೆಯಿಂದ ಜರುಗಿದ 'ಈದ್ ಮಿಲಾದ್' ಆಚರಣೆ

Aug 26, 2026 - 20:55

0 20

ಗಜೇಂದ್ರಗಡ ತಾಲೂಕಿನ ಸಮೀಪದ ಗೋಗೆರಿ ಗ್ರಾಮದಲ್ಲಿ ಪ್ರವಾದಿ ಮುಹಮ್ಮದ್ ಪೈಗಂಬರರ ಜಯಂತಿಯ ಅಂಗವಾಗಿ 'ಈದ್ ಮಿಲಾದ್' ಹಬ್ಬವನ್ನು ಅಂಜುಮನ್ ಇಸ್ಲಾಂ ಕಮಿಟಿಯ ವತಿಯಿಂದ ಅತ್ಯಂತ ಭಕ್ತಿ, ಸೌಹಾರ್ದತೆ ಹಾಗೂ ವಿಜೃಂಭಣೆಯಿಂದ ಆಚರಿಸಲಾಯಿತು.

ಕಾರ್ಯಕ್ರಮದಲ್ಲಿ ಶ್ರದ್ಧಾ-ಭಕ್ತಿಯಿಂದ ಪ್ರಾರ್ಥನೆ ಸಲ್ಲಿಸಿ ಮಾತನಾಡಿದ ಪ್ರಮುಖರು, ಪ್ರವಾದಿ ಮುಹಮ್ಮದ್ ಪೈಗಂಬರರು ತೋರಿದ ಶಾಂತಿ, ದಯೆ, ಸಹಬಾಳ್ವೆ ಮತ್ತು ಸೌಹಾರ್ದತೆಯ ತತ್ತ್ವಗಳನ್ನು ಪ್ರತಿಯೊಬ್ಬರೂ ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು ಎಂದು ಕರೆ ನೀಡಿದರು. ಗ್ರಾಮದ ಸರ್ವ ಧರ್ಮೀಯರ ಒಕ್ಕೂಟ ಹಾಗೂ ಸೌಹಾರ್ದತೆಗೆ ಈ ಆಚರಣೆ ಸಾಕ್ಷಿಯಾಯಿತು.

ವಿಶೇಷ ಉಪಸ್ಥಿತಿ:

ಈ ಸಂದರ್ಭದಲ್ಲಿ ಧಾರ್ಮಿಕ ಗುರುಗಳಾದ ಹಾಫಿಜ್ ಬರ್ಕತ್, ಕಮಿಟಿಯ ಚೇರ್ಮನ್ ಇಸ್ಮಾಯಿಲ್ ಸಾಬ್ ನದಾಫ್, ಹಜರತ್ ಭಾಗವಾನ್, ಹುಸೇನ್ ಸಾಬ್ ಬಡಿಗೇರ, ಶಿಕ್ಷಕರಾದ ಹುಸೇನ್ ಡಿ. ಬಾಗವಾನ್, SDMC ಅಧ್ಯಕ್ಷರಾದ ಹುಚ್ಚುಸಾಬ್ H. ಬಡಿಗೇರ, ಬಾಷೆಸಾಬ್ ಬಾಗವಾನ್, ರಾಜಮಹ್ಮದ ಲಿಂಗಸೂರ, ಶಿಕ್ಷಕರಾದ ಆರ್. ಐ. ಬಾಗವಾನ್, ಖಾಜೆಸಾಬ್ ಗಡಾದ, ಅಲ್ಲಾಬಕ್ಷಿ ಬಾಗವಾನ್ ಸೇರಿದಂತೆ ಕಮಿಟಿಯ ಮುಖಂಡರು, ಗ್ರಾಮದ ಗುರು-ಹಿರಿಯರು ಹಾಗೂ ಮುದ್ದು ಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದು ಆಚರಣೆಗೆ ಶೋಭೆ ತಂದರು.

ಸಮಾಜದಲ್ಲಿ ಶಾಂತಿ, ನೆಮ್ಮದಿ ಮತ್ತು ಪರಸ್ಪರ ಸಹೋದರತ್ವ ನೆಲೆಸಲಿ ಎಂಬ ಪವಿತ್ರ ಸಂದೇಶದೊಂದಿಗೆ ಕಾರ್ಯಕ್ರಮವು ಯಶಸ್ವಿಯಾಗಿ ನೆರವೇರಿತು.

ಶ್ರೀ ಹುಚ್ಚೀರಪ್ಪ ವೀರಪ್ಪ ಈಟಿ ಕಲ್ಯಾಣ ಕಹಳೆ ಗದಗ