ಮುತ್ತು ಬೆಲ್ಲದ ಹುಟ್ಟು ಹಬ್ಬ ಪ್ರಯುಕ್ತ, ಐಡಿ ಕಾರ್ಡ, ಬ್ಯಾಡ್ಜ ವಿತರಣೆ

ಬಾಗಲಕೋಟೆ : ಜಿಲ್ಲೆಯ ಕಮತಗಿ ಪಟ್ಟಣದ ಯುವ ಮುಖಂಡರಾದ ಮುತ್ತು ಬೆಲ್ಲದ ಅವರ ಹುಟ್ಟು ಹಬ್ಬದ ಪ್ರಯುಕ್ತ ಪಟ್ಟಣದ ಶಾಲಾ ಮಕ್ಕಳಿಗೆ ಐಡಿ ಕಾರ್ಡ ಹಾಗೂ ಬ್ಯಾಡ್ಜ ವಿತರಣೆ ಮಾಡಿದರು. ಪಟ್ಟಣದ ಸರಕಾರಿ ಹೆಣ್ಣು ಮಕ್ಕಳ ಶಾಲೆ ಹಾಗೂ ಸರಕಾರಿ ಉರ್ದು ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ತಮ್ಮ ಜನ್ಮ ದಿನದ ಪ್ರಯುಕ್ತ ಉಚಿತವಾಗಿ 180 ಐಡಿ ಕಾರ್ಡ ಮತ್ತು 150 ಕ್ಕೂ ಹೆಚ್ಚು ಬ್ಯಾಡ್ಜಗಳನ್ನು ವಿತರಿಸಿದರು. ಬಳಿಕ ಮಾತನಾಡಿದ ಮುತ್ತು ಬೆಲ್ಲದ ಅವರು ಜನ್ಮ ದಿನದ ನೆಪದಲ್ಲಿ ದುಂದು ವೆಚ್ಚ ಮಾಡುವ ಬದಲು ಬಡ ವಿದ್ಯಾರ್ಥಿಗಳಿಗೆ ಕೈಲಾದಷ್ಟು ಸಹಾಯ ಮಾಡಿರುವೆ. ಬಸವಾದಿ ಶರಣರು, ಸೂಫಿ ಸಂತರ ನಾಡಿನಲ್ಲಿ ಹುಟ್ಟಿ ಇಂತಹ ಸಮಾಜಮುಖಿ ಕಾರ್ಯ ಮಾಡುವುದು ನನ್ನ ಭಾಗ್ಯ. ದೇವರು ಇನ್ನಷ್ಟು ಶಕ್ತಿ ನೀಡಿದರೆ ಮುಂದಿನ ವರ್ಷ ಇನ್ನಷ್ಟೂ ಸಮಾಜಮುಖಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುವುದ ಎಂದರು. ಈ ಸಂದರ್ಭದಲ್ಲಿ ಎರಡು ಶಾಲೆಯ ಶಿಕ್ಷಕ ವೃಂದ, ಹಾಗೂ ವಿದ್ಯಾರ್ಥಿಗಳು ಮುತ್ತು ಬೆಲ್ಲದ ಅವರಿಗೆ ಶುಭ ಹಾರೈಸಿದರು.