೨೦೨೪ ನೇ ಸಾಲಿನ ಅನುವಾದ ಪುಸ್ತಕ ಬಹುಮಾನಕ್ಕೆ ಡಾ.ಮಲ್ಲೇಶಪ್ಪ ಸಿದ್ರಾಂಪುರ ಆಯ್ಕೆ
kkeditor
೨೦೨೪ ನೇ ಸಾಲಿನ ಅನುವಾದ ಪುಸ್ತಕ ಬಹುಮಾನಕ್ಕೆ ಡಾ.ಮಲ್ಲೇಶಪ್ಪ ಸಿದ್ರಾಂಪುರ ಆಯ್ಕೆ
ಕಲಬುರಗಿ: ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರ ಕೊಡಮಾಡುವ ೨೦೨೪ ನೇ ಸಾಲಿನ ಪುಸ್ತಕ ಬಹುಮಾನಕ್ಕೆ ಕುಪ್ಪಂ ದ್ರಾವಿಡಿಯನ್ ವಿಶ್ವವಿದ್ಯಾಲಯದ ಪ್ರಸಾರಾಂಗದ ಸಹ ನಿರ್ದೇಶಕ,ಅನುವಾದಕ,ಲೇಖಕ ಡಾ.ಮಲ್ಲೇಶಪ್ಪ ಸಿದ್ರಾಂಪುರ ಅವರ ಮೂಲ ಲೇಖಕ ಬಿ.ತಿರುಪತಿರಾವ್ ಅವರ ಬೌಮನಿಜಮ್- ಆಧುನಿಕತೆಯಿಂದ ದ್ರವಾಧು ನಿಕತೆಯವರೆಗೆ ತೆಲುಗು ಕೃತಿಯನ್ನು ಕನ್ನಡಕ್ಕೆ ಅನುವಾದಿಸಿದ ಕೃತಿಗೆ ಆಯ್ಕೆಯಾಗಿದ್ದು ೨೫ ಸಾವಿರ ನಗದು ಪ್ರಶಸ್ತಿ ಫಲಕ ಹೊಂದಿದೆ ಪ್ರಯುಕ್ತ ಸಿರಿಗನ್ನಡ ವೇದಿಕೆ ಜಿಲ್ಲಾ ಘಟಕ ಕಲಬುರಗಿ ಮತ್ತು ಸಾಕ್ಷಿ ಪ್ರತಿಷ್ಠಾನ ಅಧ್ಯಕ್ಷ ಡಾ.ಗವಿಸಿದ್ಧಪ್ಪ ಪಾಟೀಲ ಅಭಿನಂದನೆ ತಿಳಿಸಿದ್ದಾರೆ.
ಡಾ.ಮಲ್ಲೇಶಪ್ಪ ಸಿದ್ರಾಂಪುರ ಅವರು ಕಲ್ಯಾಣ ಕರ್ನಾಟಕದ ಪ್ರತಿಭೆ.ಮೂಲತಃ ರಾಯಚೂರು ಜಿಲ್ಲೆಯ ಸಿಂಧನೂರು ತಾಲೂಕಿನ ಸಿದ್ರಾಂಪುರ ಗ್ರಾಮದವರು.ಇಲ್ಲಿಯೇ ಜನಿಸಿ ಎಂ.ಎ.,ಕನ್ನಡ ಪದವಿಯನ್ನು ಪ್ರಥಮ ದರ್ಜೆಯಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯದ ಸ್ನಾನ ಕೇಂದ್ರ ರಾಯಚೂರಿನಿಂದ ಪಡೆದು ನಂತರ ಇದೇ ವಿಶ್ವವಿದ್ಯಾಲಯದದಿಂದ ಡಾ.ಮೃತ್ಯುಂಜಯ ಹೊರಕೇರಿ ಅವರ ಮಾರ್ಗದರ್ಶನದಲ್ಲಿ ಗಾಣಿಗೇರ ಸಾಂಕೇತಿಕ ಅಧ್ಯಯನ ವಿಷಯದ ಮೇಲೆ ಮಹಾಪ್ರಬಂಧ ರಚಿಸಿ ಡಾಕ್ಟರೇಟ್ ಪದವಿ ಪಡೆದವರು.ದ್ರಾವಿಡಿಯನ್ ವಿಶ್ವವಿದ್ಯಾಲಯದಲ್ಲಿ ವೃತ್ತಿ ಜೀವನ ಕೈಗೊಂಡಿದ್ದು,ಇವರ ಪ್ರಥಮ ಪುಸ್ತಕ ಮಡಿವಾಳ ಮಾಚಿದೇವ ಕೃತಿ ಕಲಬುರಗಿ ಶ್ರೀ ಸಿದ್ಧಲಿಂಗೇಶ್ವರ ಪ್ರಕಾಶನದಿಂದ ಪ್ರಕಟವಾಗಿದೆ.ವಿಮರ್ಶೆ, ಲೇಖನ ಸಂಕಲನ,ಅನುವಾದ ಕ್ಷೇತ್ರದಲ್ಲಿ ೧೦ ಕ್ಕೂ ಹೆಚ್ವು ಪುಸ್ತಕ ಪ್ರಕಟಿಸಿದ್ದಾರೆ. ಅವರ ಅನುವಾದ ಕ್ಷೇತ್ರದಲ್ಲಿ ಅನುವಾದ ಅಕಾಡೆಮಿಯಿಂದ ಪ್ರಶಸ್ತಿ ಲಭಿಸಿದ್ದಕ್ಕೆ ಕೇಂದ್ರ ಸಾಹಿತ್ಯ ಅಕಾಡೆಮಿ ಕನ್ನಡ ಸಲಹಾ ಸಮಿತಿ ಸದಸ್ಯರಾದ ಡಾ.ಜಯದೇವಿ ಗಾಯಕವಾಡ, ಹಂಪಿ ಕನ್ನಡ ವಿಶ್ವವಿದ್ಯಾಲಯ ಸಹ ಪ್ರಾಧ್ಯಾಪಕ ಡಾ.ಶಾಂತಪ್ಪವಡಂಬಳ,ಡಾ.ಸಿದ್ದಪ್ಪ ಹೊಸಮನಿ,ಡಾ ರಾಜಕುಮಾರ ಮಾಳಗೆ,ಡಾ.ಶೀಲಾದೇವಿ ಬಿರಾದಾರ, ಕವಯತ್ರಿ ಅರುಣಾ ನರೇಂದ್ರ, ಮೊಲಾದವರು ಹರ್ಷ ವ್ಯಕ್ತಪಡಿಸಿದ್ದಾರೆ.
