ಚಂದನಹಳ್ಳಿ ಗ್ರಾಮ ಪಂ. ಅಧ್ಯಕ್ಷ ಉಪಾಧ್ಯಕ್ಷ ಸ್ಥಾನಗಳಿಗೆ ಚುನಾವಣೆ ಪ್ರಕ್ರಿಯೆ ನಡೆಯಿತು

ಚಂದನಹಳ್ಳಿ ಗ್ರಾಮ ಪಂ. ಅಧ್ಯಕ್ಷ ಉಪಾಧ್ಯಕ್ಷ ಸ್ಥಾನಗಳಿಗೆ ಚುನಾವಣೆ ಪ್ರಕ್ರಿಯೆ ನಡೆಯಿತು

ಹುಮನಾಬಾದ್ : ತಾಲೂಕಿನ ಚಂದನಹಳ್ಳಿ ಗ್ರಾಮ ಪಂಚಾಯತ್ ಕಚೇರಿಯಲ್ಲಿ ಬುಧವಾರ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಗಳಿಗೆ ಚುನಾವಣೆ ಪ್ರಕ್ರಿಯೆ ನಡೆಯಿತು.

ಈ ಹಿಂದೆ ಅಧ್ಯಕ್ಷೆಯಾಗಿದ್ದ ಸುಶೀಲಾಬಾಯಿ ಮೇತ್ರೆ ಹಾಗೂ ಉಪಾಧ್ಯಕ್ಷರಾಗಿದ್ದ ರಾಜಕುಮಾರ ಪಾಟೀಲ್ ರಾಜೀನಾಮೆ ಸಲ್ಲಿಸಿದ್ದ ಹಿನ್ನಲೆ ಚುನಾವಣೆ ಪ್ರಕ್ರಿಯೆ ಕೈಗೊಳ್ಳಲಾಗಿತ್ತು. ಈ ಚುನಾವಣೆಯಲ್ಲಿ ಎರಡು ಸ್ಥಾನಗಳಿಗೆ ತಲಾ ಒಂದರಂತೆ ಕೇವಲ ಎರಡು ನಾಮಪತ್ರಗಳು ಬಂದಿರುವ ಹಿನ್ನಲೆಯಲ್ಲಿ ಅಧ್ಯಕ್ಷೆಯಾಗಿ ಮಂಗಲಾ ಮೇತ್ರೆ ಹಾಗೂ ಉಪಾಧ್ಯಕ್ಷರಾಗಿ ಗಯಾಬಾಯಿ ಬಿರಾದಾರಗೆ ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ ಎಂದು ಚುನಾವಣೆ ಅಧಿಕಾರಿ ದೀಪಿಕಾ ನಾಯ್ಕರ್ ತಿಳಿಸಿದರು.

ಚುನಾವಣೆ ಫಲಿತಾಂಶ ಹೊರ ಬೀಳುತ್ತಿದ್ದಂತೆ ಗ್ರಾಮ ಮುಖಂಡರು, ಬೆಂಬಲಿಗರು ನೂತನ ಅಧ್ಯಕ್ಷೆ ಮಂಗಲಾ ಮೇತ್ರೆ ಹಾಗೂ ಉಪಾಧ್ಯಕ್ಷೆ ಗಯಾಬಾಯಿಗೆ ಸನ್ಮಾನಿಸಿ, ಶುಭ ಕೋರಿ ಪಟಾಕಿ ಸಿಡಿಸಿ, ಪರಸ್ಪರ ಸಿಹಿ ವಿನಿಮಯ ಮಾಡಿಕೊಂಡು ಸಂಭ್ರಮಿಸಿದರು.

ಈ ಸಂದರ್ಭದಲ್ಲಿ ವಿಶ್ವನಾಥ ಕಾಡಗೊಂಡ, ಪರಮೇಶ್ವರ ಪಾಟೀಲ್, ಅಶೋಕ ವರ್ಮಾ, ರಾಜಕುಮಾರ ಪಾಟೀಲ್, ಸುಶೀಲಾಬಾಯಿ ಮೇತ್ರೆ, ಲಕ್ಷ್ಮಣ ಬಿರಾದಾರ, ಅರ್ಜುನ್ ಮೇತ್ರೆ, ತುಕಾರಾಮ ಮುಸ್ತಾಪೂರೆ, ಆನಂದರಡ್ಡಿ, ಬಲಭೀಮ ಬಿರಾದಾರ, ಅಣೇಪ್ಪ ಸಿಂಧೆ, ರುಕ್ಕಮ್ಮಾ ನೇಳಗೆ, ತೇಜಮ್ಮ ಹೈಬತೆ, ಮಲ್ಲಮ್ಮ ಬಾಬುರಡ್ಡಿ, ಪಿಡಿಒ ಸುಗಂಧ ಸೇರಿ ಅನೇಕರಿದ್ದರು.