ಕಿತ್ತೂರು ಜ್ಯೋತಿ ರಥ ಯಾತ್ರೆ ನಾಳೆ ಯಾದಗಿರಿ ನಗರಕ್ಕೆ.

ಕಿತ್ತೂರು ಜ್ಯೋತಿ ರಥ ಯಾತ್ರೆ ನಾಳೆ ಯಾದಗಿರಿ ನಗರಕ್ಕೆ.

ಯಾದಗಿರಿ : ರಾಜ್ಯ ಸರಕಾರದ ವತಿಯಿಂದ ಅಕ್ಟೋಬರ್ 23 ರಂದು ಕಿತ್ತೂರು ರಾಣಿ ಚೆನ್ನಮ್ಮ ಜಯಂತೋತ್ಸವ ಅಂಗವಾಗಿ ಹಾಗೂ 200 ನೆಯ ಕಿತ್ತೂರು ವಿಜಯೋತ್ಸವದ ಪ್ರಯುಕ್ತ ಚೆನ್ನಮ್ಮಾಜಿಯ ವಿಜಯ ಜ್ಯೋತಿ ರತ ಯಾತ್ರೆ ಅಕ್ಟೋಬರ್ 13 ರಂದು ದೇವಸೂಗೂರ ಮೂಲಕ ಯಾದಗಿರಿ ನಗರಕ್ಕೆ ಆಗಮಿಸಲಿದೆ ಎಂದು ಸಮಾಜದ ಮುಖಂಡರಾದ ದೇವೇಂದ್ರಪ್ಪ ತೋಟಗೇರ ತಿಳಿಸಿದ್ದಾರೆ.

ಕಿತ್ತೂರು ಜ್ಯೋತಿ ರಥ ಯಾತ್ರೆ ಚನ್ನಮ್ಮಾಜಿಯ ಹೋರಾಟದ ಕಿಚ್ಚು,ಸ್ವಾಭಿಮಾನ, ಧೈರ್ಯ,ಸಾಹಸ,ವೀರಗಾಥೆ ಯನ್ನು ಎತ್ತಿ ಹಿಡಿಯುವ ನಿಟ್ಟಿನಲ್ಲಿ ಮಧ್ಯಾಹ್ನ 3 ಗಂಟೆಗೆ ಯಾದಗಿರಿ ನಗರದ ಮೈಲಾಪುರ ಅಗಸಿಗೆ ಆಗಮಿಸಲಿದ್ದು, ಜ್ಯೋತಿರತೆಯಾತ್ರೆಯಲ್ಲಿ ಜಿಲ್ಲಾಧಿಕಾರಿಗಳು,ಜಿಲ್ಲೆಯ ಜನಪ್ರತಿನಿಧಿಗಳು,ಕನ್ನಡ ಪರ ಸಂಘಟನೆಯ ಮುಖಂಡರುಗಳು, ಚಿಂತಕರು,ಹೋರಾಟಗಾರರು,ರೈತ ಮುಖಂಡರು,ಭಾಗವಹಿಸಲಿದ್ದು.ಈ ಸಂದರ್ಭದಲ್ಲಿ ಸಮಾಜದ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಜ್ಯೋತಿ ರಥ ಯಾತ್ರೆ ಯಶಸ್ವಿಗೊಳಿಸಬೇಕೆಂದು ವಿನಂತಿಸಿಕೊಂಡಿದ್ದಾರೆ.