ಕಲಬುರಗಿ ರಂಗಾಯಣ ನಿರ್ದೇಶಕಿ ಡಾ. ಸುಜಾತಾ ಜಂಗಮಶೆಟ್ಟಿ ಜೊತೆ ಡಿಡಿ ಸಂದರ್ಶನ

ಕಲಬುರಗಿ ರಂಗಾಯಣ ನಿರ್ದೇಶಕಿ ಡಾ. ಸುಜಾತಾ ಜಂಗಮಶೆಟ್ಟಿ ಜೊತೆ ಡಿಡಿ ಸಂದರ್ಶನ

ಕಲಬುರಗಿ: ದೂರದರ್ಶನ ಚಂದನ ವಾಹಿನಿಯಲ್ಲಿ ನವೆಂಬರ್ 16 ರಂದು ಶನಿವಾರ ಮಧ್ಯಾಹ್ನ 2.30ಕ್ಕೆ ಕಲ್ಬುರ್ಗಿ ರಂಗಾಯಣದ ನಿರ್ದೇಶಕರಾದ ಡಾ. ಸುಜಾತಾ ಜಂಗಮಶೆಟ್ಟಿ ಅವರೊಡನೆ ನಡೆಸಿದ ಸಂದರ್ಶನ ಪ್ರಸಾರವಾಗಲಿದೆ. 

   ರಾಜ್ಯದ ಆರು ರಂಗಾಯಣಗಳ ಪೈಕಿ ಏಕೈಕ ಮಹಿಳಾ ನಿರ್ದೇಶಕಿಯಾಗಿ ಕಲಬುರಗಿ ರಂಗಾಯಣದ ನಿರ್ದೇಶಕರಾಗಿಅಧಿಕಾರ ಸ್ವೀಕರಿಸಿದ ಡಾ. ಸುಜಾತಾ ಜಂಗಮಶೆಟ್ಟಿಯವರನ್ನು ನಿವೃತ್ತ ಹಿರಿಯ ಕಾರ್ಯಕ್ರಮ ನಿರ್ವಹಣಾಧಿಕಾರಿ ಗಳಾದ ಡಾ. ಸದಾನಂದ ಪೆರ್ಲ ನಡೆಸಿದ ಸಂದರ್ಶನ ಪ್ರಸಾರಗೊಳ್ಳಲಿದೆ. ಇದು ಕಲ್ಬುರ್ಗಿ ದೂರದರ್ಶನ ಕೇಂದ್ರದಲ್ಲಿ ಸಿದ್ದಪಡಿಸಿದ ಕಾರ್ಯಕ್ರಮವಾಗಿದೆ. ಪ್ರಸಾರ ನಿರ್ವಾಹಕರಾದ ಸಂಗಮೇಶ್, ದಶರತ್ ಮಲ್ಲಿಕಾರ್ಜುನ್ ತಂಡ ಕಾರ್ಯಕ್ರಮವನ್ನು ನಿರ್ಮಾಣ ಮಾಡಿದೆ ಎಂದು ದೂರದರ್ಶನದ ಕಾರ್ಯಕ್ರಮ ಮುಖ್ಯಸ್ಥರಾದ ಸೋಮಶೇಖರ ರುಳಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. 

ಹವ್ಯಾಸಿ ರಂಗಭೂಮಿಯಿಂದ ಬೆಳೆದು ಬಂದ ಅನುಭವ ಹಾಗೂ ರಂಗಭೂಮಿಗಾಗಿ ನೀಡಿದ ಕೊಡುಗೆ,ರಂಗ ಸಂಘಟನೆ ಕಾರ್ಯ ಹಾಗೂ ರಂಗಾಯಣದ ನಿರ್ದೇಶಕರಾಗಿ ಅಧಿಕಾರವಹಿಸಿಕೊಂಡ ನಂತರ ಈಗಾಗಲೇ ಕೈಗೊಂಡ ವಿನೂತನ ಕಾರ್ಯಕ್ರಮಗಳು ಮತ್ತು ರಂಗಾಯಣದ ಸಮಗ್ರ ಮುನ್ನೋಟದ ಕಾರ್ಯಸೂಚಿಗಳತ್ತ ಸಂದರ್ಶನದಲ್ಲಿ ಸುಜಾತಾ ಜಂಗಮಶೆಟ್ಟಿ ಮಾಹಿತಿ ನೀಡಿದ್ದಾರೆ