ಆಳಂದ|ಭಾರತ ಸೇವಾದಳ ಮಕ್ಕಳ ನಾಯಕತ್ವ ಶಿಬಿರಕ್ಕೆ ಚಾಲನೆ

ಭಾರತ ಸೇವಾದಳ ಮಕ್ಕಳ ನಾಯಕತ್ವ ಶಿಬಿರಕ್ಕೆ ಚಾಲನೆ 

ಆಳಂದ: ತಾಲೂಕಿನ ತಡಕಲ್ ಗ್ರಾಮದಲ್ಲಿ ನ.11ರಿಂದ 14ವರೆಗೆ ಭಾರತ ಸೇವಾದಳ ತಾಲೂಕು ಸಮಿತಿ ಹಾಗೂ ಶ್ರೀ ಶಿವಲಿಂಗೇಶ್ವರ ವಿದ್ಯಾವರ್ಧಕ ಸಂಸ್ಥೆಯ ಆಶ್ರಯದಲ್ಲಿ ಶಾಲಾ ಮಕ್ಕಳಿಗೆ ವಸತಿ ಸಹಿತ ನಾಯಕತ್ವ ತರಬೇತಿ ಶಿಬಿರವನ್ನು ಸಂಸ್ಥೆಯ ಅಧ್ಯಕ್ಷ ಅರುಣಕುಮಾರ ಹುಂಡೇಕರ್ ಅವರು ಸಸಿಗೆ ನಿರುಣಿಸುವ ಮೂಲಕ ಉದ್ಘಾಟಿಸಿ ಚಾಲನೆ ನೀಡಿದರು. 

ಡಾ. ನಾಸು ಹರಡೇಕರ್ ಭಾವಚಿತ್ರಕ್ಕೆ ಪೂಜೆ ಕೈಗೊಂಡು ಮಾತನಾಡಿದ ಸಂಸ್ಥೆಯ ನಿರ್ದೇಶಕ ಎಂ.ಎಸ್. ಬೆಳ್ಳೆ ಅವರು, ಭಾರತ ಸೇವಾದಳ ಗ್ರಾಮೀಣ ಭಾಗದಲ್ಲಿ ನಡೆಸಿದ ಇಂಥ ಶಿಬಿರಗಳಿಂದ ಮಕ್ಕಳಲ್ಲಿ ರಾಷ್ಟಾçಭಿಮಾನ ದೇಶ ಪ್ರೇಮ ವ್ಯಕ್ತಿತ್ವ ವಿಕಸನಕ್ಕೆ ದಾರಿದೀಪವಾಗಲಿದೆ ಇಂಥ ಶಿಬಿರಗಳನ್ನು ನಿರಂತರವಾಗಿ ನಡೆಯಬೇಕು ಶಿಬಿರದಲ್ಲಿ ಮಕ್ಕಳು ಪಾಲ್ಗೊಂಡು ಲಾಭವನ್ನು ಪಡೆದುಕೊಳ್ಳಬೇಕು ಎಂದು ಹೇಳಿದರು.  

ಶಿಬಿರದಲ್ಲಿ ಸಂಪನ್ಮೂಲವ್ಯಕಿಯಾಗಿ ಭಾರತ ಸೇವಾದಳ ರಾಜ್ಯ ಸಂಪನ್ಮೂಲ ವ್ಯಕ್ತಿ ಜಯಪ್ರಕಾಶ ಕಟ್ಟಿಮನಿ, ಲಕ್ಷ್ಮಿಕಾಂತ ರ‍್ಯಾಕಾ, ರತ್ನಮ್ಮ ಕುದರಿ, ಲಕ್ಷ್ಮಿಪುತ್ರಪೂಜಾರಿ, ವೀರಭದ್ರಪ್ಪ ಹಾರಕಿ, ಗುರುಲಿಂಗಯ್ಯಾ ಸ್ವಾಮಿ, ಶರಣಬಸಪ್ಪ ವಡಗಾಂವ ಅವರು ಮಕ್ಕಳಿಗೆ ಪ್ರತ್ಯೇಕ ವಿಷಗಳ ಮೇಲೆ ನಾಯಕತ್ವ ತರಬೇತಿಯಲ್ಲಿ ಪ್ರಾಯೋಗಿಕ ಹಾಗೂ ಬೋಧನೆಯ ಮೂಲಕ ವಿಷಯ ಮಂಡಿಸಿದರು. 

ಈ ಸಂದರ್ಭದಲ್ಲಿ ಮಕ್ಕಳಿಗೆ ರಾಷ್ಟ್ರ ಧ್ವಜ ಕಟ್ಟುವ ತರಬೇತಿ, ಪಥ ಸಂಚಲನ, ಯೋಗ, ಸಾಬಿನಯ ಗೀತೆ, ಲೇಜಿಮ್, ನೃತ್ಯ, ಡಂಬೆಲ್ಸ್, ಹೋಪ್ಸ್, ಲಾಟಿ ಕವಾಯತ ಸೇರಿದಂತೆ ಶಿಸ್ತಿ ಮತ್ತು ಸಂಸ್ಕಾರ ದೇಶಾಭಿಮಾನ ದೇಶ ಭಕ್ತಿಯ ಕುರಿತು ವಿದ್ಯಾರ್ಥಿಗಳಿಗೆ ಮನವರಿಕೆ ಮಾಡಿಕೊಡಲಾಯಿತು. ನಿವೃತ್ತ ಗೃಂಥಪಾಲಕ ಅಪ್ಪಸಾಬ ಗುಂಡೇ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿದರು.   

ಶಿಕ್ಷಕ ಬಿ.ಆರ್. ಜಮಾದಾರ ನಿರೂಪಿಸಿದರು. ಅಧಿನಾಯಕ ಶರಣಬಸಪ್ಪ ವಡಗಾಂವ ಸ್ವಾಗತಿಸಿದರು. ಸೇವಾದಳ ಪ್ರಮುಖ ವೀರಭದ್ರಪ್ಪ ಹಾರಕ್ಕೆ ವಂದಿಸಿದರು. ವಿವಿಧ ಶಾಲೆಗಳ ಮಕ್ಕಳು ಶಾಲೆಯ ಸಿಬ್ಬಂದಿಗಳು ಪಾಲಕರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. 

ವರದಿಗಾರರು ಡಾ ಅವಿನಾಶ ಎಸ್ ದೇವನೂರ