ಕಲಬುರ್ಗಿಯಲ್ಲಿ ಸೇವಾ ಭಾರತಿ ರಜತಮೋತ್ಸವ ಸಮಾರಂಭ : ಬಸವರಾಜ ದೇಶಮುಖ ಮಾಹಿತಿ

ಕಲಬುರ್ಗಿಯಲ್ಲಿ ಸೇವಾ ಭಾರತಿ ರಜತಮೋತ್ಸವ ಸಮಾರಂಭ : ಬಸವರಾಜ ದೇಶಮುಖ ಮಾಹಿತಿ 

ಕಲಬುರಗಿ : ಸೇವಾ ಭಾರತಿ ರಜತ ಮಹೋತ್ಸವ ಸಮಾರಂಭವು ರವಿವಾರ ದಿನಾಂಕ 29 ನೇ ಸೆಪ್ಟೆಂಬರ್ 24 ರಂದು ಬೆಳಿಗ್ಗೆ 11 ಗಂಟೆಗೆ ನಗರದ, ಉದ್ಯಾನವನದ ವೀರಶೈವ ಕಲ್ಯಾಣ ಮಂಟಪದಲ್ಲಿ ಹಮ್ಮಿಕೊಳ್ಳಲಾಗಿದೆ ಎಂದು ಶ್ರೀ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಕಾರ್ಯದರ್ಶಿಯಾದ ಬಸವರಾಜ ದೇಶಮುಖ ಅವರು ಮಾಹಿತಿ ನೀಡಿದ್ದಾರೆ.

ನಗರದಲ್ಲಿ ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡಿದ ಅವರು, ಸಾನಿಧ್ಯವನ್ನು ಶ್ರೀ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಚೇರ್ ಪರ್ಸನ್ ರಾದ ಪೂಜ್ಯ ಮಾತೋಶ್ರೀ ಡಾ ದಾಕ್ಷಾಯಣಿ ಎಸ್ ಅಪ್ಪ ಹಾಗೂ. 

 ಮುಗುಳನಾಗಾಂವ ಕಟ್ಟಿಮನಿ ಹಿರೇಮಠ ಸಂಸ್ಥಾನದ ಪೂಜ್ಯ ಶ್ರೀ ಷ.ಬ್ರ. ಅಭಿನವ ಸಿದ್ದಲಿಂಗ ಶಿವಾಚಾರ್ಯರು ವಹಿಸಲಿದ್ದಾರೆ.

ಅಧ್ಯಕ್ಷತೆಯನ್ನು ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಕಾರ್ಯದರ್ಶಿ ಮತ್ತು ಸೇವಾ ಭಾರತಿ ರಜತ ಮಹೋತ್ಸವ ಸಮಾರಂಭದ ಅಧ್ಯಕ್ಷರಾದ ಬಸವರಾಜ ದೇಶಮುಖ ವಹಿಸುವರು. 

ಕಾರ್ಯಕ್ರಮದ ಮುಖ್ಯ ಭಾಷಣವನ್ನು ಕಾರ್ಯದರ್ಶಿ ಸೇವಾ ಭಾರತಿ ಟ್ರಸ್ಟ್ , ಹುಬ್ಬಳ್ಳಿಯ ಡಾ.ರಘು ಅಕಮಂಚಿ ಮಾಡಲಿದ್ದಾರೆ.

ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ, ಹುಬ್ಬಳ್ಳಿಯ ಸೇವಾ ಭಾರತಿ ಟ್ರಸ್ಟ್ ಅಧ್ಯಕ್ಷ ಪೂರ್ಣಚಂದ್ರ ಘಂಟಸಾಲ, ಶರಣಬಸವ ವಿಶ್ವವಿದ್ಯಾಲಯ ಉಪಕುಲಪತಿ ಡಾ ಅನಿಲಕುಮಾರ ಬಿಡವೆ ಉಪಸ್ಥಿತರಿರುವರು ಎಂದು ಬಸವರಾಜ ದೇಶಮುಖ ಗೋಷ್ಠಿಯಲ್ಲಿ ತಿಳಿಸಿದರು. 

ಸೇವಾ ಭಾರತೀಯ ಅಧ್ಯಕ್ಷ ರಮೇಶ ತಿಪನೂರ,ಜಿಲ್ಲಾ ಸಂಯೋಜಕರಾದ ಚಂದ್ರಕಾಂತ ಕಲಕೋರಿ, ಸೇರಿದಂತೆ ರಜತ ಮಹೋತ್ಸವ ಸಮಾರಂಭದ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

.