ಗುಜರಾತ್ ಗಾಂಧಿ ಟ್ರಸ್ಟ್ ಪುರಸ್ಕಾರಕ್ಕೆ ಮಹಿಪಾಲರೆಡ್ಡಿ ಮುನ್ನೂರ್ ಆಯ್ಕೆ

ಗುಜರಾತ್ ಗಾಂಧಿ ಟ್ರಸ್ಟ್ ಪುರಸ್ಕಾರಕ್ಕೆ ಮಹಿಪಾಲರೆಡ್ಡಿ ಮುನ್ನೂರ್ ಆಯ್ಕೆ

ಬೆಂಗಳೂರು. ಸೆ.30- ಗುಜರಾತ್ ರಾಜ್ಯದ ಗಾಂಧಿನಗರ ಸಾಹಿತ್ಯ ಸೇವಾ ಸಂಸ್ಥಾನ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಕೊಡಮಾಡುವ ಗಾಂಧಿ ನ್ಯಾಷನಲ್ ಪೀಸ್ ಅವಾರ್ಡ್-2024 ಪ್ರಶಸ್ತಿಗೆ ಕಲಬುರಗಿಯ ಸಾಹಿತಿ, ಕಲಾವಿದ, ಪತ್ರಕರ್ತ ಮಹಿಪಾಲರೆಡ್ಡಿ ಮುನ್ನೂರ್ ಆಯ್ಕೆಯಾಗಿದ್ದಾರೆ.

ಈ ಕುರಿತು ಪ್ರಕಟಣೆ ನೀಡಿರುವ ಗಾಂಧಿನಗರ ಸಾಹಿತ್ಯ ಸೇವಾ ಸಂಸ್ಥಾನ ಚಾರಿಟೇಬಲ್ ಟ್ರಸ್ಟ್ ನ ರಾಷ್ಟ್ರೀಯ ಅಧ್ಯಕ್ಷ ಡಾ.ಗುಲಾಬ್ ಚಂದ್ ಪಟೇಲ್ ಹಾಗೂ ಕರ್ನಾಟಕ ಘಟಕದ ರಾಜ್ಯ ಉಸ್ತುವಾರಿ ಡಾ.ಮಲಕಪ್ಪ (ಮಹೇಶ್) ಅವರು, ಅಕ್ಟೊಬರ್ 2 ರಂದು ಗಾಂಧಿ ಜಯಂತಿ ನಿಮಿತ್ತ ಭಾರತದಾದ್ಯಂತ ಅನೇಕ ಸಾಧಕರನ್ನು ವೈವಿಧ್ಯಮಯ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದವರನ್ನು ಆಯ್ಕೆ ಮಾಡಿ ಪುರಸ್ಕಾರ ನೀಡಲಾಗುತ್ತದೆ ಎಂದು ತಿಳಿಸಿದ್ದಾರೆ.

ಚಿತ್ರದುರ್ಗದ ಮಾಚಿದೇವ ಮಹಾಸಂಸ್ಥಾನ ಮಠದ ಡಾ. ಶ್ರೀ ಬಸವ ಮಾಚಿದೇವ ಮಹಾಸ್ವಾಮೀಜಿ, ಎಸ್.ಬಿ.ಕುನ್ನೂರ ಮುದ್ದೇಬಿಹಾಳ, ಹಣಮಂತಪ್ಪ ಅಗಸರ, ವಿ.ಎಚ್.ಸಿದ್ದೇಗೌಡ ಹಾಗೂ ಕಲಬುರಗಿಯ ಮಹಿಪಾಲರೆಡ್ಡಿ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.