ಭಾಜಪಾ ಸಂಸ್ಥಾಪನಾ ದಿನಾಚರಣೆ: ಕಲಬುರಗಿ ಬಿಜೆಪಿ ಕಚೇರಿಯಲ್ಲಿ ಧ್ವಜಾರೋಹಣ

ಭಾಜಪಾ ಸಂಸ್ಥಾಪನಾ ದಿನಾಚರಣೆ: ಕಲಬುರಗಿ ಬಿಜೆಪಿ ಕಚೇರಿಯಲ್ಲಿ ಧ್ವಜಾರೋಹಣ

ಕಲಬುರಗಿ: ಭಾರತೀಯ ಜನತಾ ಪಕ್ಷದ ಸಂಸ್ಥಾಪನಾ ದಿನಾಚರಣೆಯನ್ನು ಕಲಬುರಗಿ ಜಿಲ್ಲಾ ಬಿಜೆಪಿ ಕಚೇರಿಯಲ್ಲಿ ಭಾಜಪಾ ಧ್ವಜಾರೋಹಣದೊಂದಿಗೆ ಶನಿವಾರ ವಿಜೃಂಭಣೆಯಿಂದ ಆಚರಿಸಲಾಯಿತು. ಕಾರ್ಯಕ್ರಮದಲ್ಲಿ ಹಿರಿಯ ನಾಯಕ ಹಾಗೂ ವಿಧಾನ ಪರಿಷತ್ ಸದಸ್ಯ ಶಶಿಲ್ ಜಿ ನಮೋಶಿ, ಮಾಜಿ ಎಂಎಲ್ಸಿ ಅಮರನಾಥ್ ಪಾಟೀಲ್ ಹಾಗೂ ಗ್ರಾಮೀಣ ಜಿಲ್ಲಾ ಅಧ್ಯಕ್ಷ ಅಶೋಕ್ ಬಗಲಿ ಉಪಸ್ಥಿತರಿದ್ದರು.

ಸಂಸ್ಥಾಪಕರ ಕೊಡುಗೆ ಹಾಗೂ ಪಕ್ಷದ ಸಂಘಟನೆಯ ಬಲವರ್ಧನೆಗೆ ಅವರು ನೀಡಿರುವ ಸಮರ್ಪಣೆಯನ್ನು ನೆನಪಿಸಿಕೊಂಡು, ಮಾತನಾಡಿದ ನಾಯಕರು ಯುವ ಪೀಳಿಗೆಗೆ ಪ್ರೇರಣೆಯಾಗಿದೆ ಎಂದರು. ಭಾಜಪಾ ದೇಶದ ಅಭಿವೃದ್ಧಿಗೆ ಶ್ರೇಷ್ಠ ಪಾಲುದಾರಿಕೆ ನೀಡಿದ ಪಕ್ಷ ಎಂಬ ಮಾತು ಕಾರ್ಯಕ್ರಮದಲ್ಲಿ ಪ್ರತಿಧ್ವನಿಸಿತು.

ಈ ಸಂದರ್ಭದಲ್ಲಿ ಉಮೇಶ್ ಪಾಟೀಲ್, ಶಿವಯೋಗಿ ನಾಗನಹಳ್ಳಿ, ಮಾದೇವ ಬೆಳಮಗಿ, ಲಿಂಗರಾಜ್ ಬಿರಾದಾರ್, ಬಸವರಾಜ್ ಪಾಟೀಲ್ ಕಮಲಾಪುರ್, ಧರ್ಮಣ್ಣ ಎಟಗಾ, ಸಂತೋಷ ಹಾದಿಮನಿ, ಭಾಗೀರಥಿ ಗುನ್ನಂಪುರ, ವಿರು ಪಾಟೀಲ್ ರಾಯ್ ಕೋಡ್, ಶ್ರೀನಿವಾಸ್ ದೇಸಾಯಿ, ಆನಂದ್ ಪಾಟೀಲ್, ಸಿದ್ದಾಜಿ ಪಾಟೀಲ್, ಬಸವರಾಜ್ ಬೆನ್ನೂರ್ಕರ್, ರೇವಣಸಿದ್ದಪ್ಪ ಸಂಕಾಲಿ, ಗೌರಿ ಚಿಕೋಟಿ, ಹರ್ಷವರ್ಧನ್ ಗುಗಳೆ, ಮಹೇಂದ್ರ ಪೂಜಾರಿ, ಮಹೇಶ್ ರೆಡ್ಡಿ ಸೇರಿದಂತೆ ಅನೇಕ ಪಕ್ಷದ ಪ್ರಮುಖರು ಭಾಗವಹಿಸಿದ್ದರು.

– ಕೆಕೆಪಿ ವಾರ್ತೆ