ಶರಣರು, ಸೂಫಿಗಳು ಸ್ವವಿಮರ್ಶೆಯ ಮಹಾ ಪರಂಪರೆ ಉಳಿಸಿದ ಮಹನೀಯರು : ಡಾ. ಕರುಣಾ ಜಮದರಖಾನಿ

ಶರಣರು, ಸೂಫಿಗಳು ಸ್ವವಿಮರ್ಶೆಯ ಮಹಾ ಪರಂಪರೆ ಉಳಿಸಿದ ಮಹನೀಯರು : ಡಾ. ಕರುಣಾ ಜಮದರಖಾನಿ

ಕಲ್ಯಾಣ ಕಹಳೆ ವಾರ್ತೆ  

     ಚಿಂಚೋಳಿ - ಶರಣರು ಹಾಗೂ ಸೂಫಿ ಸಂತರು ಸ್ಪ ವಿಮರ್ಶೆಗೆ ಒಳಗಾಗಿದ್ದಾರೆ. ಅವರು ಯಾರನ್ನು ದೂಷಣೆ ಮಾಡದೆ ತಮ್ಮನ್ನು ತಾವು ಆತ್ಮವಿಮರ್ಶೆಗೆ ಒಳಪಡಿಸಿಕೊಂಡಿದ್ದಾರೆ. ಈಸಕ್ಕಿ ಆಸೆ ನಿಮಗೇಕೆ..... ? ಎನ್ನುವ ಆಯ್ದಕ್ಕಿ ಲಕ್ಕಮ್ಮನ ವಚನ ಆರ್ಥಿಕ ಶಿಸ್ತಿಗೆ ಒಳಪಟ್ಟಿದೆ. ಆದರೆ ಇಂದಿನ ಮನುಕುಲ ವಿಪರೀತ ದುರಾಸೆಯಿಂದ ಹಪಾಹಪಿಸುತ್ತಿದೆ. ಇದರಿಂದಾಗಿ ಜಗತ್ತಿನಲ್ಲಿ ಅನೇಕ ಅವಘಡಗಳು ಸಂಭವಿಸುತ್ತಿವೆ. ಭ್ರಷ್ಟಾಚಾರ ಹೆಚ್ಚಾಗುತ್ತಿದೆ. ಶರಣರು ಹಾಗೂ ಸೂಫಿ ಸಂತರು ಆಡಂಬರದ ಜೀವನ ನಡೆಸದೆ ಸರಳ ಸುಂದರ ಅನುಕರಣೀಯ ಬದುಕು ಸವೆಸಿದ್ದಾರೆ. ಅವರು ನಡೆ-ನುಡಿ ಒಂದಾಗಿಸಿಕೊಂಡಿದ್ದರು. ಹೀಗಾಗಿ ಶರಣರು ಹಾಗೂ ಸೂಫಿ ಸಂತರು 21ನೆಯ ಶತಮಾನದಲ್ಲೂ ಪ್ರಸ್ತುತವಾಗಿದ್ದಾರೆಂದು ಕಲಬುರ್ಗಿಯ ಉಪನ್ಯಾಸಕಿ, ಸಾಹಿತಿ ಡಾ. ಕರುಣಾ ಜಮದರ ಖಾನಿ ಅಭಿಪ್ರಾಯಪಟ್ಟರು.

ಅವರು ಶನಿವಾರ ಇಲ್ಲಿನ ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ, ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತು ಏರ್ಪಡಿಸಿದ ದತ್ತಿ ಉಪನ್ಯಾಸ ಕಾರ್ಯಕ್ರಮದಲ್ಲಿ 'ಶರಣರು ಹಾಗೂ ಸೂಫಿ ಸಂತರು' ಎನ್ನುವ ವಿಷಯದ ಮೇಲೆ ಉಪನ್ಯಾಸ ನೀಡಿದರು. ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತಿನ ಕಲಬುರ್ಗಿ ಜಿಲ್ಲಾಧ್ಯಕ್ಷ ಡಾ. ಮಲ್ಲಿಕಾರ್ಜುನ ವಡ್ಡನ್ಕೇರಿಯವರು ಕಾರ್ಯಕ್ರಮ ಉದ್ಘಾಟಿಸಿದರು. ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಸುರೇಶ ಕೊರವಿ, ವೀರೇಶ್ ಬೇಮಳಗಿ ಸುಲೇಪೇಟ, ಕಲಬುರ್ಗಿಯ ಡಾ. ಸೋಮನಾಥ ಬಿರಾದರ, ಪ್ರಭಾರಿ ಉಪ ಪ್ರಾಂಶುಪಾಲ ಭೀಮರಾವ ಹೂಗಾರ ಮುಖ್ಯ ಅತಿಥಿಗಳಾಗಿದ್ದರು. ಪ್ರಭಾರಿ ಪ್ರಾಂಶುಪಾಲ ಡಾ. ಶಂಸುದ್ದೀನ ಅಧ್ಯಕ್ಷತೆ ವಹಿಸಿದ್ದರು.ಇದೇ ಸಂದರ್ಭದಲ್ಲಿ ಸಾಧಕ ಶಿಕ್ಷಕರಾದ ನಿವೃತ್ತ ಮು ಗು ಗುರುಲಿಂಗಪ್ಪ ಕೋರಿ ಸುಲೇಪೇಟ, ನಾಗಾಇದಲಾಯಿ ಪ್ರೌಢ ಶಾಲಾ ದೈ ಶಿ ನಾಗರತ್ನ ಮಲ್ಲಿಕಾರ್ಜುನ, ಚಿಮ್ಮನಚೋಡ ಶಾಲೆಯ ಜ್ಞಾನೇಶ್ವರಿ ಮಲ್ಲಿಕಾರ್ಜುನ ಸಜ್ಜನ ಶೆಟ್ಟಿ, ಚಂದ್ರಕಲಾ ವಿ ಪಿರೆಡ್ಡಿ, ಕು. ಜಯಶ್ರೀ ಕಟ್ಟಿಮನಿ, ಹಾಗೂ ಚಂದಾಪುರದ ಫಿರ್ದೋಷ್ ತಹಸೀನ್ ಸ ಶಿ ಅವರನ್ನು ಸನ್ಮಾನಿಸಲಾಯಿತು.ಕಾರ್ಯಕ್ರಮದಲ್ಲಿ ಬಸವರಾಜ ಧೂಳಾಗುಂಡಿ, ವಿಶ್ವನಾಥ ಮಂಗಲಗಿ, ಕಾಲೇಜಿನ ಎಲ್ಲಾ ಉಪನ್ಯಾಸಕರು, ಶ್ರೀಶೈಲ ಕುಲಾಲ, ಮಂಜುನಾಥ್ ದುಬಲಗುಂಡಿ, ಚನ್ನಬಸಪ್ಪ ಪಸಾರ, ತಾರಕೇಶ್ವರಿ ವೀರಭದ್ರಪ್ಪ ತಾರಾಪೂರ ಸೇರಿ ಅನೇಕರು ಉಪಸ್ಥಿತರಿದ್ದರು. ಶರಣಯ್ಯ ಸ್ವಾಮಿ ಅಲ್ಲಾಪುರ ಹಾಗೂ ವಿಶ್ವನಾಥ ಮಠಪತಿಯವರು ವಚನ ಸಂಗೀತ ನಡೆಸಿಕೊಟ್ಟರು. ಮಹೇಶ ಬೇಮಳಗಿ ಸ್ವಾಗತಿಸಿದರು. ತಾಲೂಕ ಅಧ್ಯಕ್ಷರಾದ ಬಸವರಾಜ ಐನೋಳಿ ನಿರೂಪಿಸಿದರು ಗಣಪತ ದೇವಕತ್ತೆ ವoದಿಸಿದರು.