ಲಿಂ ಕಲಾವಿದ ನರಿಬೋಳ ಅವರ ಪ್ರಥಮ ಪುಣ್ಯಸ್ಮರಣೆ
kkeditor
ಖ್ಯಾತ ತಬಲವಾದಕ ಬಸವರಾಜ ಎಲ್ ನರಿಬೋಳರವರ ಪ್ರಥಮ ಪುಣ್ಯಸ್ಮರಣೆ
ಜೇವರ್ಗಿ : ನಾಡು ಕಂಡ ಅಪರೂಪದ ಕಲಾವಿದ, ಕಲ್ಯಾಣ ಕರ್ನಾಟಕದ ಹಿರಿಯ ಖ್ಯಾತ ತಬಲವಾದಕರಾದ ಲಿಂ.ಬಸವರಾಜ ಎಲ್ ನರಿಬೋಳ ರವರ ಪ್ರಥಮ ವರ್ಷದ ಪುಣ್ಯಸ್ಮರಣೆ
ಜುಲೈ 31 ಬುಧವಾರ ಕಟ್ಟಿಸಂಗಾವಿ ಗ್ರಾಮದಲ್ಲಿ ಬೆಳಗ್ಗೆ 8 ಗಂಟೆಗೆ ನರಿಬೋಳ ಅವರ ಭಾವಚಿತ್ರಕ್ಕೆ ಪೂಜೆ ಯೊಂದಿಗೆ ಕಾರ್ಯಕ್ರಮ ಜರುಗಲಿದೆ ಎಂದು ನಾಗಲಿಂಗಯ್ಯ ಸ್ಥಾವರಮಠ ತಿಳಿಸಿದ್ದಾರೆ.
ನಂತರ ಧರ್ಮಸಭೆ, ಸಂಗೀತ ಕಾರ್ಯಕ್ರಮಜರುಗಲಿದ್ದು. ಸೋನ್ನ ಶ್ರೀಗಳು, ಸಾನಿಧ್ಯ ವೈಹಿಸಲಿದ್ದಾರೆ.ನೆಲೋಗಿ ಶ್ರೀಗಳು ,ಜೇರಟಗಿ ಶ್ರೀಗಳು, ಯಡ್ರಾಮಿ ಶ್ರೀಗಳು, ಹಾಗೂ ರೋಜಾ ಶ್ರೀಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ,ತದನಂತರ ಅಹೋರಾತ್ರಿ ಸಂಗೀತ ಕಾರ್ಯಕ್ರಮ ನಡೆಯಲಿದ್ದು ,ಆಕಾಶವಾಣಿ ದೂರದರ್ಶನ ಸಂಗೀತ ಕಲಾವಿದು ಹಾಗೂ ಗದಗ ವೀರೇಶ್ವರ ಪುಣ್ಯಾಶ್ರಮದ ಗುರುಬಂಧುಗಳಿಂದ ಸಂಗೀತ ಕಾರ್ಯಕ್ರಮ ನಡೆಯಲಿದೆ,
ಬಸವರಾಜ ಎಲ್ ನರಿಬೋಳರವರು ಹಲವಾರು ರಾಜ್ಯಗಳಲ್ಲಿ ತಮ್ಮ ತಬಲವಾದನದ ಮೂಲಕವೆ ಹೆಸರುಮಾಡಿದವರು, ಅನೇಕ ರಾಜ್ಯಮಟ್ಟದ ಸಂಗೀತ ವೇದಿಕೆಗಳಲ್ಲಿ ,ಉತ್ಸವಗಳಲ್ಲಿ, ಪುರಾಣ ಪ್ರವಚನ ವೇದಿಕೆಗಳಲ್ಲಿ ,ನಾಟಕಗಳಲ್ಲಿ ತಬಲವಾದನ ನುಡಿಸಿ ಜನಪ್ರಿಯತೆ ಗಳಿಸಿದವರು, ಇವರು ಅಗಲಿ ಒಂದು ವರ್ಷವಾಯಿತು, ಸಮಾಜದಲ್ಲಿ ಬಹುವರ್ಷದ ಸಂಗೀತ ಸೇವೆ ಗೈದ ಹಿರಿಯ ಕಲಾವಿದ ಬಸವರಾಜರವರು, ಹಾಗೆಯೆ ಇವರ ಕುಟುಂಬವೆ ಸಂಗೀತ ಕುಟುಂಬ ಎನ್ನಬಹುದು, ಇವರು ಹಾಕಿಕೊಟ್ಟ ದಾರಿಯಲ್ಲಿಯೇ ಇವರ ಪುತ್ರನಾದ ಶಿವು ಕಟ್ಟಿಸಾಂಗವಿ ಕೂಡ ತಬಲವಾದನವನ್ನು ನುಡಿಸುವದರಲ್ಲಿ ನಿಪುಣನಾಗಿದ್ದಾನೆ, ತಂದೆ ಹಾಕಿಕೊಟ್ಟ ಮಾರ್ಗದಲ್ಲಿ ನಡೆಯುತ್ತಿದ್ದಾರೆ.
